ನವದೆಹಲಿ: ಭಾರತೀಯ ಸೇನೆಗೆ ಸೇರ್ಪಡೆಯಾಗಿದ್ದ ಸ್ವದೇಶಿ ನಿರ್ಮಿತ ಯುದ್ಧ ವಾಹನವನ್ನು ಲಡಾಖ್ನ ಗಡಿಯಲ್ಲಿ ಶುಕ್ರವಾರ ನಿಯೋಜಿಸಲಾಗಿದೆ.
ಉತ್ತರ ಭಾಗದ ಸೇನಾ ಕಮಾಂಡರ್ ಲೆಫ್ಟಿನೆಂಟ್ ಜನರಲ್ ಉಪೇಂದ್ರ ದ್ವಿವೇದಿ ಅವರು ಈ ವಾಹನ ಚಾಲನೆ ಮೂಲಕ ಗಡಿಯಲ್ಲಿ ನಿಯೋಜನೆಗೆ ಹಸ್ತಾಂತರಿಸಿದರು.
ಗುಡ್ಡಗಾಡು ಪ್ರದೇಶದಲ್ಲಿ ಈ ವಾಹನ ಸುಲಭವಾಗಿ ಚಲಿಸಬಲ್ಲದು, ಅಲ್ಲದೇ ಶಸ್ತ್ರ ಸಜ್ಜಿತ ಈ ವಾಹನ ಶತ್ರುಗಳ ಜತೆ ಹೋರಾಟಕ್ಕೂ ಹೆಚ್ಚು ಸಹಕಾರಿಯಾಗಲಿದೆ ಎಂದು ತಿಳಿಸಿದರು.
ಒಬ್ಬರು ಈ ವಾಹನವನ್ನು ಸುಲಭವಾಗಿ ಚಲಾಯಿಸಿದರೆ, ಮತ್ತೊಬ್ಬರು 1800 ಮೀಟರ್ ದೂರದವರೆಗೂ ಶತ್ರುವಿನ ಮೇಲೆ ಕಣ್ಣಿಡಬಹುದಾಗಿದೆ. ವಾಹನದಲ್ಲೇ ಶಸ್ತ್ರ ದಾಳಿ ನಡೆಸಬಹುದಾದ ಸುಸಜ್ಜಿತ ವಾಹನ ಇದಾಗಿದೆ ಎಂದು ವಿವರಿಸಿದರು.
ಇನ್ಫ್ರಾಂಟ್ರಿ ಪ್ರೊಟೆಕ್ಟೆಡ್ ಮೊಬಿಲಿಟಿ ವೆಹಿಕಲ್ಸ್ (ಐಪಿಎಂವಿಎಸ್) ಎಂದು ಕರೆಯಲ್ಪಡುವ ಈ ವಾಹನವನ್ನು ಡಿಆರ್ಡಿಒ ಹಾಗೂ ಟಾಟಾ ಸಂಸ್ಥೆ ಸಹಯೋಗದೊಂದಿಗೆ ನಿರ್ಮಿಸಲಾಗಿದೆ. (ಏಜೆನ್ಸೀಸ್)