ನವದೆಹಲಿ: ಭಾರತೀಯ ಮಾರುಕಟ್ಟೆಗೆ ಶೀಘ್ರವೇ ಮತ್ತೊಂದು ಇಲೆಕ್ಟ್ರಿಕ್ ಮೋಟಾರ್ ಸೈಕಲ್ ಪ್ರವೇಶಿಸುವುದಕ್ಕೆ ಸಿದ್ಧವಾಗಿದೆ. ಒನ್ ಎಲೆಕ್ಟ್ರಿಕ್ ಮೋಟಾರ್ಸೈಕಲ್ಸ್ ಅಭಿವೃದ್ಧಿ ಪಡಿಸಿರುವ ಕ್ರಿಡ್ನ್ ಈಗಾಗಲೇ ರಸ್ತೆ ಟ್ರಯಲ್ಗಳನ್ನು ಯಶಸ್ವಿಯಾಗಿ ಪೂರೈಸಿದ್ದು, ಮುಂದಿನ ತಿಂಗಳಿಂದಲೇ ಗ್ರಾಹಕರ ಕೈ ಸೇರಲಿವೆ.
ಸದ್ಯ ಪ್ರೀ ಬುಕ್ಕಿಂಗ್ ಪ್ರಾರಂಭವಾಗಿದ್ದು, ಯಾವುದೇ ಶುಲ್ಕ ಅಥವಾ ಠೇವಣಿ ಇರಿಸದೇ ಬುಕಿಂಗ್ ಮಾಡಬಹುದು ಎಂದು ಕಂಪನಿ ತಿಳಿಸಿದೆ.
ದೆಹಲಿ ಎನ್ಸಿಆರ್, ಬೆಂಗಳೂರು, ಚೆನ್ನೈ ಮತ್ತು ಹೈದರಾಬಾದ್ಗಳಲ್ಲಿ ಬುಕ್ಕಿಂಗ್ ಪ್ರಾರಂಭವಾಗಿದೆ. ಈ ಬೈಕ್ ಗಂಟೆಗೆ ಗರಿಷ್ಠ 95 ಕಿ.ಮೀ. ವೇಗದಲ್ಲಿ ಸಂಚರಿಸುತ್ತದೆ. ದಿನಕ್ಕೆ ನೂರು ಕಿ.ಮೀ. ಒಳಗಡೆ ಪ್ರಯಾಣಿಸುವವರಿಗೆ ಈ ಬೈಕ್ ಹೇಳಿಮಾಡಿಸಿದ್ದು ಎಂಬುದು ಕಂಪನಿಯ ಘೋಷಣೆ.
ಇದನ್ನೂ ಓದಿ: ಟ್ರಾಫಿಕ್ ವಾರ್ಡ್‌ನ್ ವ್ಯವಸ್ಥೆ ಅನುಷ್ಠಾನ ಅಗತ್ಯ
ಈ ಬೈಕಿನ ಎಕ್ಸ್ ಶೋರೂಂ ಬೆಲೆಯನ್ನು ಕಂಪನಿ ಇನ್ನೂ ಅಂದಾಜಿಸಿಲ್ಲ. ಆದರೆ ಲಕ್ಷದ ಮೇಲೆ ಹೋಗುವ ಸಾಧ್ಯತೆ ಇದೆ ಎಂದು ಹೇಳಲಾಗುತ್ತಿದೆ. (ಏಜೆನ್ಸೀಸ್)
VIDEO| ಗೋಲ್ಡನ್ ಏರೋಸ್ ಸೇರ್ಪಡೆಯನ್ನು ಭಾರತೀಯ ವಾಯುಪಡೆ ಸಂಭ್ರಮಿಸಿದ್ದು ಹೀಗೆ…