ಬೆಂಗಳೂರು: ಕರೊನಾ ಸೋಂಕು ಹರಡುವುದನ್ನು ತಪ್ಪಿಸುವ ಸಲುವಾಗಿ ಹೈಕೋರ್ಟ್ ಸೇರಿ ರಾಜ್ಯದ ಎಲ್ಲ ವಿಚಾರಣಾ ನ್ಯಾಯಾಲಯಗಳಿಗೆ ಮಾ.24ರಿಂದ ಏ.6ರವರೆಗೆ ರಜೆ ಘೊಷಿಸಲಾಗಿದೆ. ಈ ಕುರಿತು ಹೈಕೋರ್ಟ್ ರಿಜಿಸ್ಟ್ರಾರ್ ಜನರಲ್ ಆದೇಶ ಹೊರಡಿಸಿದ್ದು, ಮುಖ್ಯ ನ್ಯಾಯಮೂರ್ತಿ ಎ.ಎಸ್. ಓಕ್ ಅಧ್ಯಕ್ಷತೆಯಲ್ಲಿ ಸೋಮವಾರ ನಡೆದ ಹೈಕೋರ್ಟ್ ಪೂರ್ಣಪೀಠದ ಸಭೆಯಲ್ಲಿ ಈ ನಿರ್ಧಾರ ಕೈಗೊಳ್ಳಲಾಗಿದೆ.
ಬೆಂಗಳೂರು, ಧಾರವಾಡ, ಕಲಬುರಗಿ ಹೈಕೋರ್ಟ್ ಪೀಠಗಳ ದಿನನಿತ್ಯದ ಕಾರ್ಯ ಕಲಾಪ ಏ.6ರವರೆಗೆ ಸ್ಥಗಿತಗೊಳ್ಳಲಿದೆ. ತುರ್ತು ಪ್ರಕರಣಗಳ ವಿಚಾರಣೆಗೆ ಬೆಂಗಳೂರಿನಲ್ಲಿ 3 ವಿಶೇಷ ಪೀಠಗಳನ್ನು ರಚಿಸಲಾಗಿದೆ. ಈ ಪೀಠಗಳು ಮಾ.24, 26ರಂದು ಕಾರ್ಯ ನಿರ್ವಹಿಸಿದರೆ ಧಾರವಾಡ, ಕಲಬುರಗಿಯಲ್ಲಿ 2 ವಿಶೇಷ ಪೀಠಗಳಲ್ಲಿ ಮಾ.24ರಂದು ಕಲಾಪ ನಡೆಯಲಿದೆ.
ಎಲ್ಲ ಜಿಲ್ಲಾ ಹಾಗೂ ತಾಲೂಕಿನ ವಿಚಾರಣಾ ನ್ಯಾಯಾಲಯಗಳು, ಕಾರ್ವಿುಕ, ಕೈಗಾರಿಕಾ ಹಾಗೂ ಕೌಟುಂಬಿಕ ನ್ಯಾಯಾಲಯಗಳಿಗೂ ಏ.6ವರೆಗೆ ರಜೆ ಘೊಷಿಸಲಾಗಿದೆ. ತುರ್ತು ಪ್ರಕರಣಗಳ ವಿಚಾರಣೆಯನ್ನು ಮಾ. 24, 27, 31 ಹಾಗೂ ಏ.2ರಂದು ಉಸ್ತುವಾರಿ ಕೋರ್ಟ್ಗಳು ನಡೆಸಲಿವೆ. ಇತರ ಕೋರ್ಟ್ಗಳು ಕಾರ್ಯ ನಿರ್ವಹಿಸುವುದಿಲ್ಲ.
‘ಕರೊನಾ’ ಹಮ್ ಕ್ಯಾ ಕರೊನಾ: ಪವನ್ ಒಡೆಯರ್ ಧ್ವನಿ, ಪ್ರಥಮ್ ಪಂಚಿಂಗ್ ಡೈಲಾಗ್…