ಎ.ಆರ್. ರೆಹಮಾನ್ ಅವರ ಜನಪ್ರಿಯ ಹಾಡುಗಳಲ್ಲಿ ‘ರೋಜ’ ಚಿತ್ರದ ‘ತಮಿಳಾ ತಮಿಳಾ …’ ಸಹ ಒಂದು. ದೇಶಭಕ್ತಿ ಉಕ್ಕಿಸುವ ಈ ಹಾಡು ಹಿಂದಿಯಲ್ಲೂ (‘ಭಾರತ್ ಹಮ್ ಕೋ ಜಾನ್ ಸೇ ಪ್ಯಾರಾ ಹೇ …’) ಬಿಡುಗಡೆಯಾಗಿ ಸಾಕಷ್ಟು ಜನಪ್ರಿಯವಾಗಿತ್ತು. ಈಗ ಇದೇ ಹಾಡಿನ ಟ್ಯೂನ್ ಇಟ್ಟುಕೊಂಡು, ಇನ್ನೊಂದು ದೇಶಭಕ್ತಿಯ ಹಾಡನ್ನು ಹೊಸದಾಗಿ ರಚಿಸಲಾಗಿದೆ.
ಇದನ್ನೂ ಓದಿ: ಕಣಕಣದಲ್ಲೂ ದೇಶಭಕ್ತಿ ಜಾಗೃತವಾಗಿರಬೇಕು ಅಂತಾರೆ ದರ್ಶನ್
ಯುನೈಟೆಡ್ ಸಿಂಗರ್ಸ್ ಚಾರಿಟಬಲ್ ಟ್ರಸ್ಟ್ ಎಂಬ ಸಂಸ್ಥೆ ಮಾಡಿರುವ ‘ಟುಗೆದರ್ ಆಸ್ ಒನ್’ ಎಂಬ ಈ ಹಾಡಿನ ವಿಶೇಷವೆಂದರೆ, ಭಾರತದ ಜನಪ್ರಿಯ 65 ಗಾಯಕರು ಹಿಂದಿ, ತಮಿಳು, ಕನ್ನಡ, ತೆಲುಗು ಮತ್ತು ಮಲಯಾಳಂ ಸೇರಿದಂತೆ ಐದು ಭಾಷೆಗಳಲ್ಲಿ ಹಾಡಿದ್ದಾರೆ.
ಈ ಹಾಡು ಇದೀಗ ಯೂಟ್ಯೂಬ್ನ ಲಹರಿ ಆಡಿಯೋದಲ್ಲಿ ಬಿಡುಗಡೆಯಾಗಿದ್ದು, ಸ್ವಾತಂತ್ರ್ಯ ದಿನಾಚರಣೆಯ ಅಂಗವಾಗಿ ಬಿಡುಗಡೆ ಮಾಡಲಾಗಿದೆ. ಎ.ಆರ್. ರೆಹಮಾನ್, ಮೋಹನ್ ಲಾಲ್, ರಾಮ್ಚರಣ್ ತೇಜ ಮತ್ತು ಯಶ್ ಒಂದೇ ಸಮಯಕ್ಕೆ ಈ ಹಾಡನ್ನು ತಮ್ಮ ಸೋಷಿಯಲ್ ಮೀಡಿಯಾ ಖಾತೆಗಳ ಮೂಲಕ ಹಂಚಿಕೊಂಡಿದ್ದಾರೆ.
ಇದನ್ನೂ ಓದಿ: ‘ರಾಕಿಂಗ್ಸ್ಟಾರ್’ ಯಶ್ ಕಡೆಯಿಂದ ಮತ್ತೊಂದು ಹೊಸ ಸುದ್ದಿ…
ಈ ಹಾಡಿಗೆ ಎಸ್.ಪಿ. ಬಾಲಸುಬ್ರಹ್ಮಣ್ಯಂ, ಕೆ.ಎಸ್. ಚಿತ್ರಾ, ಹರಿಹರನ್, ಶಂಕರ್ ಮಹದೇವನ್, ಹರಿಣಿ, ಮನು, ಎಸ್.ಪಿ. ಶೈಲಜಾ, ಎಸ್.ಪಿ.ಬಿ. ಚರಣ್, ಟಿಪ್ಪು, ಸುಜಾತಾ ಮೋಹನ್ ಮುಂತಾದವರು ಧ್ವನಿ ನೀಡಿದ್ದಾರೆ. ವಿಶೇಷವೆಂದರೆ, ಲಾಕ್ಡೌನ್ ಸಂದರ್ಭದಲ್ಲಿ ಈ ಹಾಡಿನ ನಿರ್ಮಾಣ ಶುರುವಾಗಿದ್ದು, ಎಲ್ಲಾ ಗಾಯಕ-ಗಾಯಕಿಯರೂ ತಮ್ಮ ಮನೆಯಲ್ಲೇ ಹಾಡಿ ಕಳಿಸಿದ್ದಾರೆ.
ಆಸ್ಪತ್ರೆಯಲ್ಲಿನ ಎಸ್ಪಿ ಬಾಲಸುಬ್ರಮಣ್ಯಂ ಸ್ಥಿತಿ ಹೇಗಿದೆ ನೋಡಿ; ಚಿಕಿತ್ಸೆಯ ಫೋಟೋ ವೈರಲ್