ಇಟಲಿ: ಈ ಹಳ್ಳಿಯವರಿಗೆ ಅವತ್ತು ಒಂದು ಶಾಕ್ ಕಾದಿತ್ತು. ಅಡುಗೆ ಮಾಡಲು, ಸ್ನಾನ ಮಾಡಲು ನಲ್ಲಿ ತಿರುವಿದರೆ ನೀರಿನ ಬದಲಿ ಬಂದದ್ದು ಗುಲಾಬಿ ಬಣ್ಣದ ವೈನ್!
ಅದು ಇಟಲಿಯ ಮೊಡೆನಾ ಎಂಬ ಪುಟ್ಟ ಗ್ರಾಮ. ಅಲ್ಲಿ ನಲ್ಲಿಯಲ್ಲಿ ಬಂದದ್ದು ನೀರಿನ ಬದಲಿಗೆ ವೈನ್. ಹಾಗೆ ನಲ್ಲಿಯಲ್ಲಿ ಬಂದದ್ದು ಸ್ಥಳೀಯವಾಗಿ ತಯಾರಿಸಲಾಗುವ ಲ್ಯಾಂಬ್ರುಸ್ಕೊ ಗ್ರಾಸ್ಪರೋಸಾ ಎಂಬ ಶುದ್ಧ ಗುಲಾಬಿ ವೈನ್ ಎಂಬುದು ಅಲ್ಲಿನ ಕೆಲವರಿಗೆ ಬೇಗನೆ ಅರ್ಥವಾಗಿತ್ತು.
ಮೊಡೆನಾದ ಕ್ಯಾಸ್ಟೆಲ್ವೆಟ್ರೋ ಪ್ರದೇಶದ ವಾಸಿಸುವ ಆ ಜನ ತಡ ಮಾಡಲಿಲ್ಲ. ಸಾಧ್ಯವಾದಷ್ಟು ಆ ‘ಅಮೂಲ್ಯ’ ವೈನ್ನನ್ನು ಬಾಟಲಿ ತುಂಬಲು ಪ್ರಾರಂಭಿಸಿಯೇ ಬಿಟ್ಟರು!
ಇಂತಹ ಅದ್ಭುತ, ಆಶ್ವರ್ಯಕರ ಪ್ರಸಂಗ ನಡೆದಿದ್ದು ಸಣ್ಣ ತಾಂತ್ರಿಕ ದೋಷದಿಂದ. ನಡೆದದ್ದು ಏನೆಂದರೆ ಆ ಗ್ರಾಮದ ಪಕ್ಕದಲ್ಲೇ ಸೆಟ್ಟೆಕಾನಿ ವೈನರಿ ಎಂಬ ವೈನ್ ತಯಾರಿಸುವ ಕಂಪನಿ ಇದೆ. ಆ ಕಂಪನಿಯಲ್ಲಿ ಸೋರಿಕೆ ಉಂಟಾಗಿ ಹಳ್ಳಿಯ ಕುಡಿವ ನೀರಿನ ಪೈಪ್ನಲ್ಲಿ ಬಂದಿದೆ.
ಪೈಪ್ನಲ್ಲಿ ಬಂದ ವೈನ್ ನೀರಿಗಿಂತ ವೇಗವಾಗಿ ಮನೆ ಮನೆಯ ನಲ್ಲಿಗಳಲ್ಲಿ ಹರಿದು ಬಂದಿದೆ. ಆದರೆ ಈ ಬಗ್ಗೆ ತಿಳಿದ ಅಲ್ಲಿನ ನೀರುಗಂಟಿ ತಕ್ಷಣ ಪೈಪ್ನ್ನು ಸರಿಪಡಿಸಿದ್ದಾನೆ. ಅಲ್ಲದೆ ಫೇಸ್ಬುಕ್ನಲ್ಲಿ ಇದರ ಬಗ್ಗೆ ಕ್ಷಮೆ ಕೇಳಿದ್ದಾನೆ. (ಏಜೆನ್ಸೀಸ್)