ಬೆಳಗಾವಿ: ಅದ್ಧೂರಿಯಾಗಿ ನಿರ್ಮಾಣಗೊಂಡು ಭರ್ಜರಿಯಾಗಿ ಬಿಡುಗಡೆಯಾಗಿ ಅದ್ಭುತವಾದ ಆರಂಭ ಕಂಡು ಯಶಸ್ವಿಯಾಗಿ ಮುನ್ನಡೆಯುತ್ತಿರುವ ಕೆಜಿಎಫ್- ಚಾಪ್ಟರ್ 2 ಸಿನಿಮಾದ ಹವಾ ಮದುವೆ ಆಮಂತ್ರಣಕ್ಕೂ ವ್ಯಾಪಿಸಿದ್ದು, ಅಲ್ಲಿಯೂ ‘ವಯಲೆನ್ಸ್’ ಕಂಡುಬಂದಿದೆ.
ವಿಜಯ್ ಕಿರಗಂದೂರು ನಿರ್ಮಾಣ, ಪ್ರಶಾಂತ್ ನೀಲ್ ನಿರ್ದೇಶನ, ಯಶ್, ಶ್ರೀನಿಧಿ ಶೆಟ್ಟಿ, ರವೀನಾ ಟಂಡನ್, ಸಂಜಯ್ ದತ್, ಪ್ರಕಾಶ್ ರಾಜ್ ಮುಂತಾದವರ ಅಭಿನಯದಲ್ಲಿ ಮೂಡಿ ಬಂದಿರುವ ಕೆಜಿಎಫ್ ಚಾಪ್ಟರ್ 2 ಭರ್ಜರಿಯಾಗೇ ಪ್ರದರ್ಶನ ಕಾಣುತ್ತಿದೆ.
ಈ ಸಿನಿಮಾದಲ್ಲಿ ‘ವಯಲೆನ್ಸ್ ವಯಲೆನ್ಸ್ ವಯಲೆನ್ಸ್.. ಐ ಡೋಂಟ್ ಲೈಕ್ ಇಟ್, ಐ ಅವಾಯ್ಡ್.. ಬಟ್ ವಯಲೆನ್ಸ್ ಲೈಕ್ಸ್ ಮೀ, ಐ ಕಾಂಟ್ ಅವಾಯ್ಡ್..’ ಎಂದು ಯಶ್ ಹೇಳುವ ಡೈಲಾಗ್ ವೈರಲ್ ಆಗಿದ್ದು, ಸಿನಿಪ್ರಿಯರ ಬಾಯಲ್ಲೂ ನಲಿದಾಡುತ್ತಿದೆ.
ಇದೀಗ ಈ ವಯಲೆನ್ಸ್ ಮದುವೆ ಆಮಂತ್ರಣಕ್ಕೂ ವ್ಯಾಪಿಸಿದೆ. ಅಂದರೆ, ಮದುವೆಯ ಕರೆಯೋಲೆಯಲ್ಲೂ ವಯಲೆನ್ಸ್ ಸ್ಟೈಲ್ನಲ್ಲೇ ಸಾಲುಗಳನ್ನು ಬರೆಯಲಾಗಿದೆ. ಬೆಳಗಾವಿಯ ಶ್ವೇತಾ-ಚಂದ್ರಶೇಖರ್ ಎಂಬ ವಧು-ವರರ ಮದುವೆ ಆಮಂತ್ರಣ ಪತ್ರಿಕೆಯಲ್ಲಿ ವಯಲೆನ್ಸ್ ಶೈಲಿಯ ಸಾಲುಗಳಿವೆ.
ಮ್ಯಾರೇಜ್, ಮ್ಯಾರೇಜ್, ಮ್ಯಾರೇಜ್..
ಐ ಡೋಂಟ್ ಲೈಕ್ ಇಟ್, ಐ ಅವಾಯ್ಡ್;
ಬಟ್ ಮೈ ರಿಲೇಟಿವ್ಸ್ ಲೈಕ್ ಮ್ಯಾರೇಜ್,
ಐ ಕಾಂಟ್ ಅವಾಯ್ಡ್..
ಎಂಬುದಾಗಿ ಬರೆಯಲಾಗಿದೆ.
ಇವರ ಮದುವೆ ಮೇ 13ರಂದು ಬೆಳಗಾವಿಯ ರಂಭಾಪುರಿ ಕಲ್ಯಾಣಮಂಟಪದಲ್ಲಿ ನಡೆಯಲಿದೆ.
ಮೊನ್ನೆ ಎಚ್ಡಿಕೆ, ನಿನ್ನೆ ಡಿಕೆಶಿ, ಇಂದು ಮೊಯ್ಲಿ!; ಏನದು?