ಮುಂಬೈ: ಯಶ್ ಅಭಿನಯದ ‘ಕೆಜಿಎಫ್ 2’ ಚಿತ್ರವು ಬಿಡುಗಡೆಯಾಗಿ ಒಂದಿಷ್ಟು ದಾಖಲೆಗಳನ್ನು ಮಾಡಿದೆ. ಈಗ ವರ್ಷ ಮುಗಿಯುತ್ತಿದ್ದಂತೆಯೇ, ಇನ್ನೆರೆಡು ದಾಖಲೆಗಳು ಚಿತ್ರದ ಪಾಲಾಗಿದೆ.
ಇದನ್ನೂ ಓದಿ: ವಿಜಯಾನಂದ ಸ್ಫೂರ್ತಿಯ ಸೆಲೆ ಎಂದ ಕೇಂದ್ರ ಸಚಿವ ಜೋಶಿ; ಹೊಸ ಸೃಷ್ಟಿಗೆ ಸಾಕ್ಷಿ
ಹೌದು, ಬುಕ್ ಮೈ ಶೋದ ‘ಬೆಸ್ಟ್ ಆಫ್ 2022’ ವರದಿ ಹೊರಬಿದ್ದಿತ್ತು, ಅದರ ಪ್ರಕಾರ, ಈ ವರ್ಷ ಬಿಡುಗಡೆಯಾದ ಚಿತ್ರಗಳ ಪೈಕಿ ಮೊದಲ ದಿನದಂದು ಅತೀ ಹೆಚ್ಚು ಟಿಕೆಟ್ ಮಾರಾಟವಾದ ಚಿತ್ರ ಎಂಬ ಹೆಗ್ಗಳಿಕೆಗೆ ‘ಕೆಜಿಎಫ್ 2’ ಪಾತ್ರವಾಗಿದೆ. ಚಿತ್ರವು ಏ.14ರಂದು ಬಿಡುಗಡೆಯಾಗಿದ್ದು, ಅಂದು ಒಟ್ಟಾರೆ 2.14 ಮಿಲಿಯನ್ ಟಿಕೆಟ್ಗಳು ಮಾರಾಟವಾಗಿದ್ದವಂತೆ.
ಇನ್ನು, ಅತೀ ಹೆಚ್ಚು ಅಡ್ವಾನ್ಸ್ ಬುಕ್ಕಿಂಗ್ಗಳನ್ನು ಕಂಡ ಚಿತ್ರ ಎಂಬ ಹೆಗ್ಗಳಿಕೆಗೂ ಪಾತ್ರವಾಗಿದೆ. ಈ ವರ್ಷ ‘ಆರ್ಆರ್ಆರ್’, ‘ಪೊನ್ನಿಯನ್ ಸೆಲ್ವನ್ 1’, ‘ಡಾಕ್ಟರ್ ಸ್ಟ್ರೇಂಜ್’ ಮುಂತಾದ ಚಿತ್ರಗಳು ಬಿಡುಗಡೆಯಾಗಿದ್ದು, ಈ ಪೈಕಿ ಅತೀ ಹೆಚ್ಚು ಅಡ್ವಾನ್ಸ್ ಬುಕ್ಕಿಂಗ್ ಕಂಡ ಚಿತ್ರ ‘ಕೆಜಿಎಫ್ 2’ ಆಗಿದೆ ಎಂಬುದು ವಿಶೇಷ. ಹಾಲಿವುಡ್ ಚಿತ್ರಗಳು ಐಮ್ಯಾಕ್ಸ್ ಮತ್ತು 4ಡಿಎಕ್ಸ್ ಫಾರ್ಮಾಟ್ಗಳಲ್ಲಿ ಹೆಚ್ಚು ಬಿಡುಗಡೆಯಾಗುತ್ತಿರುವಾಗ, ಅಲ್ಲೂ ‘ಕೆಜಿಎಫ್ 2’ ಚಿತ್ರವು ದೊಡ್ಡ ಸಂಖ್ಯೆಯಲ್ಲಿ ಬಿಡುಗಡೆಯಾಗಿರುವುದು ವಿಶೇಷ.
ಇದನ್ನೂ ಓದಿ: ಬೆಳಿಗ್ಗೆ 5ಕ್ಕೇ ಶುರುವಾಗಲಿದೆ ‘ವೇದ’ ಚಿತ್ರದ ಮೊದಲ ಪ್ರದರ್ಶನ
‘ಕೆಜಿಎಫ್ 2’ ಒಂದು ಪ್ಯಾನ್ ಇಂಡಿಯಾ ಚಿತ್ರವಾಗಿದ್ದು, ಯಶ್, ಸಂಜಯ್ ದತ್, ರವೀನಾ ಟಂಡನ್, ಶ್ರೀನಿಧಿ ಶೆಟ್ಟಿ ಮುಂತಾದವರು ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದಾರೆ. ಹೊಂಬಾಳೆ ಫಿಲಂಸ್ನ ವಿಜಯ್ ಕಿರಗಂದೂರು ನಿಮಿರ್ಸಿರುವ ಈ ಚಿತ್ರವನ್ನು ಪ್ರಶಾಂತ್ ನೀಲ್ ನಿರ್ದೇಶನ ಮಾಡಿದ್ದಾರೆ.