ಆಸ್ಪತ್ರೆ ಬೆಡ್​ ಮೇಲೆಯೇ ವಧುವಿಗೆ ತಾಳಿ ಕಟ್ಟಿದ ವರ: ಕಾರಣ ಕೇಳಿದ್ರೆ ನಿಜಕ್ಕೂ ಹುಬ್ಬೇರಿಸ್ತೀರಾ!

ತಿರುವನಂತಪುರಂ: ಮದುವೆ ಎಂಬುದು ಸ್ವರ್ಗದಲ್ಲಿ ನಿಶ್ಚಯವಾಗಿರುತ್ತದೆ ಎಂದು ಹಿರಿಯರು ಆಗಾಗ ಹೇಳುತ್ತಾರೆ. ಆದರೆ, ಇಲ್ಲಿಯೂ ಮದುವೆ ನಿಶ್ಚಯ ಆಗಬಹುದೆಂದು ಗೊತ್ತಾಗಿದ್ದೇ ಈ ಸ್ಟೋರಿ ನೋಡಿದ ಮೇಲೆ.

ಹೌದು. ಸಾಮಾನ್ಯವಾಗಿ ಮದುವೆ ಸಡಗರವೆಂದರೆ, ವಾದ್ಯ ಮೇಳಗಳ ರಂಗು, ಮನಸೆಳೆಯುವ ಹೂವಿನ ಅಲಂಕಾರ, ಅತಿಥಿಗಳ ಕಲರವ ಹಾಗೂ ವಧು-ವರರ ಉತ್ಸಾಹದೊಂದಿಗೆ ಇಡೀ ಮದುವೆ ಮಂಟಪವೇ ದೇವಲೋಕದಂತೆ ಬದಲಾಗಿರುತ್ತದೆ. ಆದರೆ, ಕೇರಳದಲ್ಲಿ ನಡೆದ ಮದುವೆಯೊಂದು ಇದಕ್ಕೆ ತದ್ವಿರುದ್ಧವಾಗಿದೆ. ಏಕೆಂದರೆ ಸದಾ ನೋವು, ಆತಂಕ ಮತ್ತು ದುಃಖವೇ ಆವರಿಸಿರುವ ಆಸ್ಪತ್ರೆಯಲ್ಲಿ ನವಜೋಡಿಯ ಮದುವೆ ನಡೆದಿದೆ.

ಇದನ್ನೂ ಓದಿರಿ: ಎಲ್​ಪಿಜಿ ಸಬ್ಸಿಡಿಗೆ ಶೀಘ್ರ ಬ್ರೇಕ್?; ಹೊರೆ ಇಳಿಕೆಗೆ ಕೇಂದ್ರ ಸರ್ಕಾರದಿಂದ ಮಹತ್ವದ ನಿರ್ಧಾರ

ತಿರುವನಂತಪುರದ ನಿವಾಸಿ ಮನೋಜ್​ ಮತ್ತು ರೇವತಿ ಖಾಸಗಿ ಆಸ್ಪತ್ರೆಯೊಂದರಲ್ಲಿ ಕಳೆದ ಶನಿವಾರ (ಫೆ.6) ವಿಶೇಷ ವಿವಾಹ ಸಮಾರಂಭವನ್ನು ನೆರವೇರಿಸಿಕೊಂಡಿದ್ದಾರೆ. ಕುಟುಂಬ ಮತ್ತು ಆಸ್ಪತ್ರೆ ಸಿಬ್ಬಂದಿ ಸಮ್ಮುಖದಲ್ಲಿ ಮನೋಜ್​, ಬೇಡ್​ ಮೇಲೆಯೇ ರೇವತಿಯನ್ನು ವರಿಸಿದ್ದಾರೆ.

ಫೆ. 4ರಂದು ಮದುವೆ ನಡೆಯಬೇಕಿತ್ತು. ಆದರೆ, ಮನೋಜ್​ ತುರ್ತು ಚಿಕಿತ್ಸೆಗೆ ಒಳಗಾಗಬೇಕಿತ್ತು. ಇದರಿಂದ ಎರಡು ಕುಟುಂಬದ ಅದ್ಧೂರಿ ವಿವಾಹದ ಕನಸಿಗೆ ನಿರಾಸೆಯಾಗಿತ್ತು. ಹೀಗಿದ್ದರೂ ನಿರಾಸೆಯನ್ನು ಬದಿಗೊತ್ತಿ ಆಸ್ಪತ್ರೆಯಲ್ಲಿ ಮದುವೆ ಮಾಡಲು ನಿರ್ಧರಿಸಿ, ಎರಡು ಕುಟುಂಬ ವಿಶೇಷತೆಯನ್ನು ಮೆರೆದಿದೆ.

ಎಸ್​ಪಿ ಫೋರ್ಟ್​ ಆಸ್ಪತ್ರೆಯ ಕೋಣೆಯೊಂದನ್ನು ಮದುವೆ ಮಂಟಪವಾಗಿ ಬದಲಾಯಿಸಿ ವಧು-ವರರ ಮದುವೆ ನೆರವೇರಿಸಲಾಗಿದೆ. ಮನೋಜ್​ ಬೆಡ್​ ಮೇಲೆಯೇ ಮಲಗಿ ರೇವತಿಗೆ ತಾಳಿಯನ್ನು ಕಟ್ಟಿದ್ದಾರೆ. ಈ ವೇಳೆ ಆಸ್ಪತ್ರೆಯ ಸಿಇಒ ಡಾ. ಪಿ. ಅಶೋಕನ್​, ಡಾ. ಲೈಜಾ ಮತ್ತು ಇತರೆ ಸಿಬ್ಬಂದಿ ಮದುವೆ ಸಮಾರಂಭದಲ್ಲಿ ಪಾಲ್ಗೊಂಡರು. (ಏಜೆನ್ಸೀಸ್​)

ಇದನ್ನೂ ಓದಿರಿ: ಸುದೀಪ್ ರೀಲೋಡೆಡ್!; 25ರ ಹುಮ್ಮಸ್ಸಿನಲ್ಲಿ ಮತ್ತಷ್ಟು ಮಾತು…

https://www.vijayavani.net/become-a-hijra-and-fall-in-love-with-a-young-man-later-ends-his-own-life/

https://www.vijayavani.net/an-indian-family-live-streams-chepauk-test-at-a-wedding-picture-goes-viral/

https://www.vijayavani.net/man-his-pregnant-wife-and-minor-daughter-in-baghpat/