ಹುಬ್ಬಳ್ಳಿ: ನ್ಯಾಕ್ನಿಂದ ಮಾನ್ಯತೆ ಪಡೆದ ನಗರದ ಅಕ್ಷಯ ಕಾಲನಿಯ ಐಬಿಎಂಆರ್ ಕಾಲೇಜ್ನಲ್ಲಿ ಜು. 28ರಂದು ಬೆಳಗ್ಗೆ 9.30ರಿಂದ ಸಂಜೆ 5 ಗಂಟೆವರೆಗೆ ಪ್ರಗತಿ-2023 ಬೃಹತ್ ಉದ್ಯೋಗ ಮೇಳ ಏರ್ಪಡಿಸಲಾಗಿದೆ ಎಂದು ಕಾಲೇಜ್ನ ಕಾರ್ಯನಿರ್ವಾಹಕ ನಿರ್ದೇಶಕ ರಿಯಾಜ್ ಬಸರಿ ಹೇಳಿದರು.
ನಗರದಲ್ಲಿ ಮಂಗಳವಾರ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, 11 ವರ್ಷಗಳಿಂದ ಉ.ಕ. ಭಾಗದ ವಿದ್ಯಾರ್ಥಿಗಳಿಗಾಗಿ ಪ್ರಗತಿ ಉದ್ಯೋಗ ಮೇಳ ಆಯೋಜಿಸಲಾಗಿದೆ. ಮೇಳದಲ್ಲಿ ಏಸ್ಮೆ ಇಂಟಿರಿಯರ್ಸ್ ಪ್ರೈ. ಲಿಮಿಟೆಡ್, ಕ್ವೆಸ್, ಇಎಸ್ಎಸ್ವಿಇಇ ರೆಕ್ಯೂ ಟೆಕ್, ಎಚ್ಸಿಎಲ್ ಟೆಕ್ಬಿ, ಬಜಾಜ್ ಫೈನಾನ್ಸ್, ಬಾಷ್ ಸಾಫ್ಟ್ವೇರ್ ಲ್ಯಾಬ್ಸ್, ರಿಲಾಯನ್ಸ್ ಜಿಯೋ ಇನ್ಪೋಕಾಂ, ವಿ5 ಗ್ಲೋಬಲ್ ಸರ್ವಿಸ್ ಸೇರಿ 100ಕ್ಕೂ ಹೆಚ್ಚು ಕಂಪನಿಗಳು ಭಾಗವಹಿಸಲಿವೆ ಎಂದು ತಿಳಿಸಿದರು. ಎಂಬಿಎ, ಎಂ.ಕಾಂ, ಬಿಇ, ಬಿಬಿಎ, ಬಿಸಿಎ, ಬಿ.ಕಾಂ, ಬಿ.ಎಸ್ಸಿ, ಬಿ.ಎ., ಡಿಪ್ಲೊಮಾ, ಐಟಿಐ, ಪಿಯುಸಿ, ಎಸ್ಸೆಸ್ಸೆಲ್ಸಿ ಆದವರು ಉದ್ಯೋಗ ಮೇಳದಲ್ಲಿ ಪಾಲ್ಗೊಳ್ಳಬಹುದು ಎಂದರು. ಡಾ. ಸದಾನಂದ ಹಾವಣಗಿ, ಮುರಳೀಧರ ಕುಲಕರ್ಣಿ, ಪ್ರಾಂಶುಪಾಲ ಡಾ. ವಿಕ್ರಮ ಕುಲಕರ್ಣಿ ಸುದ್ದಿಗೋಷ್ಠಿಯಲ್ಲಿದ್ದರು.