ಜಯಪುರ: ತಾಲೂಕು ಕಚೇರಿಗಳಲ್ಲಿನ ಭ್ರಷ್ಟಾಚಾರಕ್ಕೆ ಕಡಿವಾಣ ಹಾಕಿ ಕೂಡಲೇ ಪಹಣಿ ನೀಡಲು ಕಂದಾಯ ಸಚಿವರ ಸಮ್ಮುಖದಲ್ಲಿ ಅಧಿಕಾರಿಗಳಿಗೆ ಸೂಚಿಸಲಾಗಿದೆ ಎಂದು ಮುಖ್ಯಮಂತ್ರಿಗಳ ರಾಜಕೀಯ ಕಾರ್ಯದರ್ಶಿ ಡಿ.ಎನ್ ಜೀವರಾಜ್ ಹೇಳಿದರು.
ಸೀಗೋಡಲ್ಲಿ ಸೀಗೋಡು – ದೇವಗೋಡು- ಬರಗಲ್ ರಸ್ತೆ ಡಾಂಬರೀಕರಣಕ್ಕೆ ಗುದ್ದಲಿಪೂಜೆ ನೆರವೇರಿಸಿ ಮಾತನಾಡಿದ ಅವರು, ಮಲೆನಾಡಿನ ರೈತರಿಗೆ ಮರಣ ಶಾಸನವಾಗಿರುವ 192ಎ ಲ್ಯಾಂಡ್ ಗ್ರಾಬಿಂಗ್ಆಕ್ಟ್ ನಿಂದ ಕೃಷಿ ಒತ್ತುವರಿ ಮಾಡಿದ ರೈತರನ್ನು ಹೊರಗಿಡುವುದು. ಫಾರ್ಮ ನಂ. 50, 53, 57 ನಲ್ಲಿ ಅರ್ಜಿ ಸಲ್ಲಿಸಿದ ರೈತರನ್ನು ಹೊರತುಪಡಿಸಿ ಉಳಿದ ರೈತರ ಒತ್ತುವರಿ ಭೂಮಿಯನ್ನು ಲೀಸ್ಗೆ ನೀಡಬೇಕು. ಕಾಫಿ ಬೆಳೆಗಾರರ 10 ಎಚ್ಪಿ ವರೆಗಿನ ಪಂಪ್ಸೆಟ್ಗಳಿಗೆ ಉಚಿತ ವಿದ್ಯುತ್ ನೀಡುವಂತೆ ಕಂದಾಯ ಸಚಿವ ಹಾಗೂ ಮುಖ್ಯಮಂತ್ರಿಗೆ ಮಾಡಿದ ಮನವಿಗೆ ಸಕಾರಾತ್ಮಕವಾಗಿ ಸ್ಪಂದಿಸಿದ್ದಾರೆ ಎಂದರು.
ಶಾಸಕ ಟಿ.ಡಿ ರಾಜೇಗೌಡ ಮಾತನಾಡಿ, ಈ ಹಿಂದೆ ಘೊಷಣೆಯಾಗಿರುವ ಹುಲಿಯೋಜನೆಯ ಬಫರ್ರೆೋನ್, ಗೋಮಾಳವನ್ನು ಡೀಮ್ಡ್ಫಾರೆಸ್ಟ್ ಆಗಿ ಪರಿವರ್ತಿಸಿರುವುದು ಹಾಗೂ ಕಂದಾಯ ಭೂಮಿಯನ್ನು ಸೆಕ್ಷನ್ 4 ಆಗಿ ಮಾಡಿರುವುದು ಮಲೆನಾಡಿನ ಅಂತ್ಯಕ್ಕೆ ಕಾರಣವಾಗಿದೆ. ಇದನ್ನು ಎಲ್ಲರ ಸಹಕಾರ ಪಡೆದು ಹಂತಹಂತವಾಗಿ ಬಗೆಹರಿಸಲಾಗುವುದು ಎಂದು ತಿಳಿಸಿದರು.
ಗೌರಿಗದ್ದೆಯ ಅವಧೂತ ವಿನಯ ಗುರೂಜಿ ಮಾತನಾಡಿ, ಸತ್ಯ, ಪ್ರೀತಿ ಎಲ್ಲಾ ಧರ್ಮಗಳ ಮೂಲವಾಗಿದ್ದು, ಅದರಂತೆ ನಾವು ಬದುಕಬೇಕು. ಅವಧೂತನಾಗಿರುವ ನನಗೆ ಮಾನ-ಅವಮಾನ, ಸ್ಮಶಾನ- ದೇವಸ್ಥಾನ ಎಲ್ಲವೂ ಒಂದೇ, ರಾಜ್ಯದ ಎಲ್ಲಾ ಗ್ರಾಮಗಳ ಅಭಿವೃದ್ಧಿಗಾಗಿ ಡಿಸಿಎಂ ಗೋವಿಂದ ಕಾರಜೋಳರಲ್ಲಿ ಮಾಡಿದ ಮನವಿ ಸ್ಪಂದಿಸಿ ಇಲ್ಲಿನ ರಸ್ತೆ ಅಭಿವೃದ್ಧಿಗೆ 1.5 ಕೋಟಿ ರೂ.ಅನುದಾನ ನೀಡಿದ್ದಾರೆ ಎಂದರು.