ಶ್ರೀನಗರ: ಕಾಶ್ಮೀರ ಕಣಿವೆಯಲ್ಲಿ ಉಗ್ರರ ಉಪಟಳ ಇನ್ನೂ ನಿಂತಿಲ್ಲ.. ತೆರೆಮರೆಯಲ್ಲಿ ಭಯೋತ್ಪಾದಕರು ಸಂಚು ನಡೆಸುತ್ತಲೇ ಇದ್ದಾರೆ. ಜೈಷ್-ಇ-ಮೊಹಮದ್ ಉಗ್ರರ ಜೊತೆ ಸಂಪರ್ಕ ಹೊಂದಿದ್ದ ಮೂವರನ್ನು ಬುಧವಾರ ಜಮ್ಮು-ಕಾಶ್ಮೀರದ ಕೇಂದ್ರ ಬುಡ್ಗಾಮ್ ಜಿಲ್ಲೆಯಲ್ಲಿ ಪೊಲೀಸರು ಬಂಧಿಸಿದ್ದಾರೆ.
ಈ ಮೂವರ ಪೈಕಿ ಇಬ್ಬರನ್ನು ದಿಲವರ್ ಸೊಫಿ, ಸಮೀರ್ ಯೂಸಫ್ ಎಂದು ಗುರುತಿಸಲಾಗಿದ್ದು, ಚದೂರಾ ತೆಹಸಿಲ್ ಮತ್ತು ಬುಡ್ಗಾಮ್ ಜಿಲ್ಲೆಗೆ ಸೇರಿದವರಾಗಿದ್ದಾರೆ. ಮತ್ತೊಬ್ಬ ಅಪ್ರಾಪ್ತನಾಗಿರುವುದರಿಂದ ಆತನ ಮಾಹಿತಿಯನ್ನು ಬಹಿರಂಗಪಡಿಸಿಲ್ಲ.
ಇವರು ಭಯೋತ್ಪಾದನೆಗೆ ಸಹಕಾರ ಮತ್ತು ಜೆಇಎಮ್ ಉಗ್ರರಿಗೆ ಆಶ್ರಯ ನೀಡಿದ್ದರು. ಹೀಗಾಗಿ ನಿಖರ ಮಾಹಿತಿ ಮೇರೆಗೆ ದಾಳಿ ನಡೆಸಿದ ಪೊಲೀಸರು,ಸಿಆರ್ಪಿಎಫ್ , ಭದ್ರತಾ ಪಡೆಗಳು ಉಗ್ರರ ಮೂವರು ಸಹಚರರನ್ನು ಸೆರೆಹಿಡಿಯುವಲ್ಲಿ ಯಶಸ್ವಿಯಾಗಿದ್ದಾರೆ. ಈ ವೇಳೆ ಮನೆಯಲ್ಲಿ ಕೆಲವು ಶಸ್ತ್ರಾಸ್ತ್ರಗಳನ್ನು ಜಪ್ತಿ ಮಾಡಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.
ಬ್ರೇಕಿಂಗ್ ನ್ಯೂಸ್ ಕೊಟ್ಟ ಎಸ್ಬಿಐ: ಬ್ಯಾಂಕು ಗ್ರಾಹಕರು ಖುಷಿಯಾಗೋದು ಗ್ಯಾರೆಂಟಿ