ನವದೆಹಲಿ: ಕರೊನಾ ಬಿಕ್ಕಟ್ಟಿನ ಕಾರಣದಿಂದಾಗಿ ಸಂಕಷ್ಟದಲ್ಲಿರುವ ಚಲನಚಿತ್ರ ನಿರ್ಮಾಣ ಕ್ಷೇತ್ರದ ಚಟುವಟಿಕೆಗಳನ್ನು ಪುನಾರಾರಂಭಿಸಲು ಸರ್ಕಾರ ಸದ್ಯದಲ್ಲೇ ನಿರ್ದಿಷ್ಟ (ಎಸ್ಒಪಿ) ಮಾರ್ಗಸೂಚಿಗಳನ್ನು ಬಿಡುಗಡೆ ಮಾಡಲಿದೆ ಎಂದು ಕೇಂದ್ರ ವಾರ್ತಾ ಮತ್ತು ಪ್ರಸಾರ ಸಚಿವ ಪ್ರಕಾಶ್ ಜಾವಡೇಕರ್ ತಿಳಿಸಿದ್ದಾರೆ.
ಎಫ್ಐಸಿಸಿಐ ಫ್ರೇಮ್ಸ್ 2020 ಕಾರ್ಯಕ್ರಮಕ್ಕೆ ಚಾಲನೆ ನೀಡಿ ಮಾತನಾಡಿದ ಸಚಿವ ಜಾವಡೇಕರ್, ಕೋವಿಡ್ ಕಾರಣಕ್ಕೆ ನಿಂತ ನೀರಾಗಿದ್ದ ಸಿನಿಮಾ ಕ್ಷೇತ್ರದಲ್ಲಿ ಮತ್ತೆ ಚಟುವಟಿಕೆ ಆರಂಭಿಸುವುದಕ್ಕೆ ಅಗತ್ಯ ಕ್ರಮಗಳನ್ನು ತೆಗೆದುಕೊಳ್ಳಲಾಗುತ್ತಿದೆ. ಟಿವಿ ಧಾರಾವಾಹಿಗಳ ಪ್ರೊಡಕ್ಷನ್ ಕೂಡ ಮತ್ತೆ ಶುರುವಾಗಬೇಕು. ಜತೆಗೆ ಚಲನಚಿತ್ರ ನಿರ್ಮಾಣ, ಧಾರಾವಾಹಿ, ಅನಿಮೇಷನ್ ಮತ್ತು ಗೇಮಿಂಗ್ಗಳಿಗೆ ಸ್ವಲ್ಪ ಮಟ್ಟಿನ ಪೋ›ತ್ಸಾಹಧನ ನೀಡುವಂತಹ ಕ್ರಮಗಳನ್ನೂ ಪ್ರಕಟಿಸಲಿದ್ದೇವೆ ಎಂದು ತಿಳಿಸಿದ್ದಾರೆ.
ಇದನ್ನೂ ಓದಿ: ಸಂಸದೀಯ ಸಮಿತಿ ಸಭೆಗೆ 8 ಅಂಶಗಳ ಪ್ರೊಟೊಕಾಲ್
ಫಿಲಂ ಫೆಸಿಲಿಟೇಷನ್ ಆಫೀಸಿನ ಪ್ರಯೋಜನವನ್ನು 80ಕ್ಕೂ ಹೆಚ್ಚು ವಿದೇಶಿ ಸಿನಿಮಾ ನಿರ್ಮಾಪಕರು ಪಡೆದುಕೊಂಡಿದ್ದಾರೆ. ಈ ಕಚೇರಿಯು ಏಕಗವಾಕ್ಷಿ ಅನುಮತಿಯ ವ್ಯವಸ್ಥೆಯನ್ನು ಮಾಡಿದ್ದು, ಭಾರತದಲ್ಲಿ ವಿದೇಶಿ ಸಿನಿಮಾ ಶೂಟಿಂಗ್ ಪ್ರಕ್ರಿಯೆ ಸರಳವಾಗಿದೆ. ಅವರಿಂದಲೂ ಹೆಚ್ಚಿನ ಪ್ರತಿಕ್ರಿಯೆ ಸಿಕ್ಕಿದೆ ಎಂದು ಸಚಿವ ಜಾವಡೇಕರ್ ತಿಳಿಸಿದ್ದಾರೆ. (ಏಜೆನ್ಸೀಸ್)
ರಾಷ್ಟ್ರ ರಾಜಧಾನಿಯಲ್ಲಿ ಡೀಸೆಲ್ ಬೆಲೆ ಸಾರ್ವಕಾಲಿಕ ಗರಿಷ್ಠ ಮಟ್ಟಕ್ಕೆ