ನವದೆಹಲಿ: ಸೈನ್ಸ್ ಆ್ಯಂಡ್ ಟೆಕ್ನಾಲಜಿ ಮತ್ತು ಹೋಮ್ ಅಫೇರ್ಸ್ಗೆ ಸಂಬಂಧಿಸಿದ ಸಂಸದೀಯ ಸಮಿತಿ ಸಭೆ ಜುಲೈ 10 ಮತ್ತು 15ರಂದು ನಡೆಯಲಿದೆ. ಇದರಲ್ಲಿ ಭಾಗಿಯಾಗುವ ಸಮಿತಿ ಸದಸ್ಯರಾದ ಸಂಸದರಿಗೆ ಅನ್ವಯವಾಗುವ ಎಂಟು ಅಂಶಗಳ ಪ್ರೊಟೊಕಾಲ್ ಅನ್ನು ರಾಜ್ಯಸಭಾ ಸಚಿವಾಲಯ ಬಿಡುಗಡೆ ಮಾಡಿದೆ.
ಹೋಮ್ ಅಫೇರ್ಸ್ಗೆ ಸಂಬಂಧಿಸಿದ ಸಂಸದೀಯ ಸ್ಥಾಯೀಸಮಿತಿ ಸಭೆ ಆನಂದ್ ಶರ್ಮಾ ಅವರ ಅಧ್ಯಕ್ಷತೆಯಲ್ಲಿ ಈ ಹಿಂದೆ ಜೂನ್ 3ಕ್ಕೆ ನಿಗದಿಯಾಗಿತ್ತು. ಆದರೆ, ಈ ಸಭೆ ಕೋವಿಡ್ ಪರಿಸ್ಥಿತಿಯ ಕಾರಣಕ್ಕೆ ಸದಸ್ಯರಿಗೆ ಹಾಜರಾಗುವುದು ಕಷ್ಟವಾದ ಕಾರಣ ಮುಂದೂಡಲ್ಪಟ್ಟಿತ್ತು. ಇದೇ ರೀತಿ, ಸೈನ್ಸ್ ಆ್ಯಂಡ್ ಟೆಕ್ನಾಲಜಿ ಸ್ಥಾಯೀ ಸಮಿತಿ ಸಭೆ ಜೈರಾಮ್ ರಮೇಶ್ ಅಧ್ಯಕ್ಷತೆಯಲ್ಲಿ ನಡೆಯಬೇಕಾಗಿತ್ತು. ಅವರಿಗೂ ಬರುವುದಕ್ಕೆ ಆಗದೇ ಇದ್ದ ಕಾರಣ, ವರ್ಚುವಲ್ ಮೀಟಿಂಗ್ಗೆ ಅವಕಾಶ ನೀಡುವಂತೆ ರಾಜ್ಯಸಭಾ ಅಧ್ಯಕ್ಷರಿಗೆ ಮನವಿ ಮಾಡಿದ್ದರು.
ಇದನ್ನೂ ಓದಿ: ಈ ಬ್ಯಾಂಕುಗಳ ಉದ್ಯೋಗಿಗಳ ಸಂಬಳ ದುಪ್ಪಟ್ಟು!
ಹೊಸ ಪ್ರೊಟೊಕಾಲ್ ಪ್ರಕಾರ ಆರು ಅಡಿ ಅಂತರ ಕಾಯ್ದುಕೊಂಡು ಕುಳಿತುಕೊಳ್ಳಬೇಕು. ಕೋವಿಡ್ 19 ಸೋಂಕು ಹರಡದಂತೆ ತಡೆಯುವ ನಿಟ್ಟಿನಲ್ಲಿ ಅಗತ್ಯ ಮುಂಜಾಗ್ರತಾ ಕ್ರಮಗಳು ಸೇರಿ ಎಂಟು ಅಂಶಗಳ ಪ್ರೊಟೊಕಾಲ್ ಪ್ರಕಟವಾಗಿದೆ. ಆದಾಗ್ಯೂ, ಸಭೆಯಲ್ಲಿ ಅಗತ್ಯ ಸದಸ್ಯ ಹಾಜರಾತಿಯನ್ನು ಕಾಯ್ದುಕೊಳ್ಳುವ ಸವಾಲು ಎದುರಾಗಿದೆ. ಸದ್ಯದ ಮಾಹಿತಿ ಪ್ರಕಾರ, ಬಹುತೇಕ ಸದಸ್ಯರು ನೇರ ಪಾಲ್ಗೊಳ್ಳುವಿಕೆಯ ಸಾಧ್ಯತೆಯನ್ನು ತಳ್ಳಿಹಾಕಿದ್ದಾರೆ. ವರ್ಚುವಲ್ ಮೀಟಿಂಗ್ ಕಡೆಗೆ ಒಲವು ತೋರಿದ್ದಾರೆ ಎಂದು ಮೂಲಗಳು ತಿಳಿಸಿವೆ. (ಏಜೆನ್ಸೀಸ್)
ಎಂಟು ತಿಂಗಳ ಮಗುವನ್ನು ಉಳಿಸಿಕೊಳ್ಳಬೇಕೆಂದು 400 ಕಿ.ಮೀ. ಪ್ರಯಾಣ ಮಾಡಿದ್ರು ಆ ಅಪ್ಪ-ಅಮ್ಮ..