ಲಖನೌ: ಕೆಲವೊಂದು ಪ್ರಕರಣಗಳಲ್ಲಿ ತಮ್ಮದಲ್ಲದ ತಪ್ಪುಗಳಿಗೆ ಕೆಲವರು ಅಪರಾಧಿಗಳಾಗಿ ಶಿಕ್ಷೆ ಅನುಭವಿಸುವುದನ್ನು ನಾವು ನೋಡಿರುತ್ತೇವೆ, ಕೇಳಿರುತ್ತೇವೆ.
ಇದೀಗ ಅಬದ್ಉಲ್ ಅಯೂಬ್ ಎಂಬ ವ್ಯಕ್ತಿಯೂ ತನ್ನದಲ್ಲದ ತಪ್ಪಿಗೆ ಭಾರೀ ದಂಡ ತೆತ್ತಿದ್ದು 20ವರ್ಷಗಳ ಸೆರೆವಾಸವನ್ನು ಅನುಭವಿಸಿ ಬಿಡುಗಡೆಯಾಗಿದ್ದಾರೆ.
ಪ್ರಕರಣದ ಹಿನ್ನಲೆ
ಅಬ್ದುಲ್ ಅಯೂಬ್ ಅವರು ಕಟ್ಟಿಸಿದ ಮನೆಯಲ್ಲಿ ಪೊಲೀಸ್ ಪೇದೆ ಖರ್ಷಿದ್ ಎಂಬುವವರು ಬಾಡಿಗೆಗೆ ವಾಸವಿದ್ದರು. ಸರಿಯಾದ ಸಮಯಕ್ಕೆ ಬಾಡಿಗೆ ಮೊತ್ತ ಪಾವತ್ತಿಸದ್ದಕ್ಕೆ ಅಯೂಬ್ ಖುರ್ಷಿದ್ನನ್ನು ಮನೆಯಿಮದ ಖಾಲಿ ಮಾಡಿಸಿದ್ದರು.
2003ರಲ್ಲಿ ಘಟನೆ ನಡೆದಿದ್ದು ಮಾಲೀಕ ಅಯೂಬ್ ಪೊಲೀಸ್ ಪೇದೆ ಖುರ್ಷಿದ್ನನ್ನು ಮನೆ ಖಾಲಿ ಮಾಡಿಸಿದ್ದ ಬಳಿಕ 1 ಕೋಟಿ ರೂಪಾಯಿ ಮೌಲ್ಯದ 25 ಗ್ರಾಂ ಡ್ರಗ್ಸ್ನೊಂದಿಗೆ ಸಿಕ್ಕಿ ಬಿದ್ದಿದ್ಧಾರೆ.
ತಮ್ಮ ಬಳಿ ಆ ರೀತಿಯ ಯಾವುದೇ ವಸ್ತುಗಳು ಇಲ್ಲ ಎಂದು ಅಬ್ದುಲ್ಲಾ ಪೊಲೀಸರ ಬಳಿ ಗೋಗರೆದರು ಸಹ ಯಾರು ಇವರ ಮಾತಿಗೆ ಕಿಮ್ಮತ್ತನ್ನು ನೀಡಲಿಲ್ಲ. ಬದಲಿಗೆ ಸಾಕ್ಷ್ಯಾಧಾರಗಳನ್ನು ತಿರುಚಿ ಕಂಬಿಗಳ ಹಿಂದೆಯೇ ಇರುವಂತೆ ಮಾಡಿದ್ದರು.
ಷಡ್ಯಂತ್ರ ಹೆಣೆದಿದ್ದಾರೆ
ಪುರಾಣಿ ಬಸ್ತಿ ಠಾಣೆಯ ಪೊಲೀಸ್ ಅಧಿಕಾರಿಗಳು ತನ್ನ ಕಕ್ಷಿದಾರನನ್ನು ಅಪರಾಧಿ ಎಂದು ಸಾಬೀತು ಪಡಿಸಲು ಸಾಕ್ಷ್ಯಾಧಾರಗಳನ್ನು ತಿರುಚಿದ್ಧಾರೆ ಎಂದು ಅಯೂಬ್ ಪರ ವಕೀಲ ಪ್ರೇಮ್ ಪ್ರಕಾಶ್ ಶ್ರೀವಾಸ್ತವ್ ಆರೋಪಿಸಿದ್ದಾರೆ.
ಅಯೂಬ್ ಅವರ ಮನೆಯಲ್ಲಿ ವಾಸವಿದ್ದ ಖುರ್ಷಿದ್ ಎಂಬ ಪೊಲೀಸ್ ಪೇದೆಗೆ ಬಾಡಿಗೆ ಹಣ ಕೊಡದಿದ್ಧಾಗ ಅವರನ್ನು ಅಲ್ಲಿಂದ ಖಾಲಿ ಮಾಡಿಸಲಾಗಿತ್ತು. ಇದನ್ನು ಮನಸ್ಸಿನಲ್ಲಿ ಇಟ್ಟುಕೊಂಡು ಪೊಲೀಸ್ ಅಧಿಕಾರಿಗಳು ಸುಳ್ಳು ಆರೋಪ ಮಾಡಿ ಜೈಲಿಗೆ ನನ್ನ ಕಕ್ಷಿದಾರರನ್ನು ಜೈಲಿಗೆ ಕಳುಹಿಸಿದ್ದಾರೆ.
ಡ್ರಗ್ಸ್ ಅಲ್ಲ
ಈ ಮೊದಲು ಪ್ರಕರಣದ ವಿಚಾರಣೆ ಶುರುವಾದ ಸಮಯದಲ್ಲಿ ಅಯೂಬ್ ಅವರ ಮನೆಯಲ್ಲಿ ದೊರೆತ್ತಿರುವುದು ಹೆರಾಯಿನ್ ಎಂದು ಅಧಿಕಾರಿಗಳು ಸುಳ್ಳು ಸಾಕ್ಷಿಯನ್ನು ಸೃಷ್ಟಿಸಿ ಸಾಬೀತು ಪಡಿಸಿದ್ದರು.
ಎರಡನೇ ಭಾರೀ ಮಾದರಿಗಳನ್ನು ಲಖನೌಗೆ ಕಳುಹಿಸಿದ ವೇಳೆ ಅದು ಡ್ರಗ್ಸ್ ಅಲ್ಲ ಎಂದು ಸಾಬಿತಾಗಿದ್ದು ಈಗ ತನ್ನದಲ್ಲದ ತಪ್ಪಿಗೆ ಶಿಕ್ಷೆ ಅನುಭವಿಸಿದ ಅಯೂಬ್ ಅವರಿಗೆ ಕೋರ್ಟ್ ನ್ಯಾಯಾಲಯದಿಂದ ಮುಕ್ತಿ ನೀಡಿದೆ.
ಸುಳ್ಳು ಪ್ರಕರಣ ದಾಖಲಿಸಿದ ಪೊಲೀಸರ ವಿರುದ್ಧ ನ್ಯಾಯಾಲಯ ಶಿಕ್ಷೆಯ ಪ್ರಮಾಣವನ್ನು ಇನ್ನಷ್ಟೇ ಘೋಷಿಸಬೇಕಿದೆ.