ಚೆನ್ನೈ: ಇಂಡಿಯನ್ ಪ್ರೀಮಿಯರ್ ಲೀಗ್ 2024ರ ಆವೃತ್ತಿ ಸಿಎಸ್ಕೆ ಮತ್ತು ಆರ್ಸಿಬಿ ನಡುವಿನ ಪಂದ್ಯದ ಮೂಲಕವೇ ಅದ್ದೂರಿ ಚಾಲನೆ ಪಡೆದುಕೊಂಡಿತು. ಚೆಪಾಕ್ ಸ್ಟೇಡಿಯಂನಲ್ಲಿ ನಡೆದ ಉದ್ಘಾಟನಾ ಪಂದ್ಯದಲ್ಲಿ ಹಾಲಿ ಚಾಂಪಿಯನ್ಗಳಾದ ಚೆನ್ನೈ ಸೂಪರ್ ಕಿಂಗ್ಸ್ ತಂಡ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ವಿರುದ್ಧ ಸೆಣಸಾಡಿದ್ದು, ಕೊನೆಯ ಹಂತದವರೆಗೂ ವೀಕ್ಷಕರನ್ನು ಕರೆದೊಯ್ದ ಈ ಪಂದ್ಯದಲ್ಲಿ ಅಂತಿಮವಾಗಿ ಭರ್ಜರಿ ಗೆಲುವು ದಾಖಲಿಸಿದ್ದು ಸಿಎಸ್ಕೆ.
ಈ ಪಂದ್ಯದ ಟಾಸ್ ಗೆದ್ದ ಆರ್ಸಿಬಿ ನಾಯಕ ಫಾಫ್ ಡುಪ್ಲೆಸಿಸ್ ಮೊದಲು ಬ್ಯಾಟಿಂಗ್ ಆಯ್ಕೆ ಮಾಡಿದರು. ಆರಂಭಿಕರಾಗಿ ಕಣಕ್ಕಿಳಿದ ಆರ್ಸಿಬಿ ಕ್ಯಾಪ್ಟನ್ ಫಾಫ್ ಡುಪ್ಲೇಸಿಸ್ ಮತ್ತು ರನ್ ಮಷಿನ್ ವಿರಾಟ್ ಕೊಹ್ಲಿ ಉತ್ತಮವಾಗಿ ಜತೆಯಾಟವಾಡಿದರು. ಆದರೆ, ಫಾಫ್ 35 ರನ್ಗೆ ಔಟ್ ಆಗುವ ಮೂಲಕ ವಿಕೆಟ್ ಒಪ್ಪಿಸಿದರು. ಡುಪ್ಲೆಸಿಸ್ ಪತನದ ಬೆನ್ನಲ್ಲೇ ಬ್ಯಾಕ್ ಟು ಬ್ಯಾಕ್ ವಿಕೆಟ್ ಕಳೆದುಕೊಂಡ ಆರ್ಸಿಬಿ ಭಾರೀ ಸಂಕಷ್ಟಕ್ಕೆ ಸಿಲುಕಿತು.
ಅಂತಿಮವಾಗಿ ದಿನೇಶ್ ಕಾರ್ತಿಕ್ ಮತ್ತು ಅನುಜ್ ರಾವತ್ ಇಬ್ಬರ ಜತೆಯಾಟದಿಂದ ಆರ್ಸಿಬಿ 174 ರನ್ಗಳ ಗುರಿಯನ್ನು ಸಿಎಸ್ಕೆಗೆ ನೀಡಿತು. ಇನ್ನು ಈ ಟಾರ್ಗೆಟ್ನ ಚೇಸ್ ಮಾಡಲು ಕಣಕ್ಕಿಳಿದ ಕ್ಯಾಪ್ಟನ್ ರುತುರಾಜ್ ಮೂರು ಫೋರ್ ಬಾರಿಸುವ ಮೂಲಕ 15 ರನ್ ಕಲೆಹಾಕಿ ಪೆವಿಲಿಯನ್ ಸೇರಿದರು. ಇನ್ನು 35 ರನ್ ಗಳಿಸಿ ಔಟ್ ಆದ ಸಚಿನ್ ರವೀಂದ್ರ ಮೊದಲ ಪಂದ್ಯದಲ್ಲೇ ಎಲ್ಲರ ಗಮನಸೆಳೆದರು.
27 ರನ್ ಗಳಿಸಿ ಅಜಿಂಕ್ಯ ರಹಾನೆ ಔಟ್ ಆದರೆ, 22 ರನ್ ಕೊಟ್ಟು ಮಿಚೆಲ್ ಪೆವಿಲಿಯನ್ ಸೇರಿದರು. ಕಡೆಯ ತನಕ ರೋಚಕವಾಗಿ ಸಾಗಿದ ಪಂದ್ಯದಲ್ಲಿ ಸಿಎಸ್ಕೆಗೆ ಗೆಲುವು ತಂದುಕೊಟ್ಟಿದ್ದು ಶಿವಂ ದುಬೆ ಅಬ್ಬರ. ಒಟ್ಟಿನಲ್ಲಿ ಎಂದಿನಂತೆ ಸೀಸನ್ ಪ್ರಾರಂಭದ ಪಂದ್ಯಗಳಲ್ಲಿ ಶುಭಾರಂಭ ಮಾಡುಂತೆ ಸಿಎಸ್ಕೆ ಈ ಬಾರಿಯೂ ಮಾಡಿದ್ದು, ತನ್ನ ಮೊದಲನೇ ಗೆಲುವನ್ನು ದಾಖಲಿಸಿದೆ. ಇದು ನೂತನ ಕ್ಯಾಪ್ಟನ್ ರುತುರಾಜ್ ನಾಯಕತ್ವದಲ್ಲಿ ಪಡೆದ ಮೊದಲ ಜಯ.