ನವದೆಹಲಿ: ಐಪಿಎಲ್ ಹೆಸರು ಕೇಳಿದರೆ ಸಾಕು ಕ್ರೀಡಾಭಿಮಾನಿಗಳಲ್ಲಿ ಸಂಚಲನವನ್ನೇ ಮೂಡಿಸುತ್ತದೆ. ಸದ್ಯ ಐಪಿಎಲ್ -2022ರ ಫೈನಲ್ ಪಂದ್ಯ ಭಾನುವಾರ ನಡೆಯಲಿದ್ದು, ಕೊನೆ ಪಂದ್ಯ ವೀಕ್ಷಿಸಲು ಅಭಿಮಾನಿಗಳು ಕಾದು ಕುಳಿತಿದ್ದಾರೆ.
ಶ್ರೀಮಂತ ಕ್ರಿಕೆಟ್ ಎಂದೇ ಕರೆಸಿಕೊಳ್ಳುವ ಐಪಿಎಲ್ ಪಂದ್ಯಗಳಲ್ಲಿ ಗೆದ್ದವರು ಹಾಗೂ ಸೋತವರಿಗೂ ಹಣದ ಸುರಿಮಳೆಯೇ ಹರಿಸಲಾಗುತ್ತದೆ. ಇಲ್ಲಿ ಗೆಲುವು ದಾಖಲಿಸಿದ ತಂಡ ಮಾತ್ರ ಹಣ ಪಡೆಯುವುದಿಲ್ಲ, ಸೋತ ತಂಡಕ್ಕೂ ಭರ್ಜರಿ ಬಹುಮಾನವಿದ್ದು, ಸೋತ ತಂಡದ ಆಟಗಾರರಿಗೂ ಕೋಟ್ಯಾಂತರ ರೂ. ಸಿಗಲಿದೆ.
ಬನ್ನಿ ನೋಡೋಣ ಐಪಿಎಲ್ ಪಂದ್ಯದಲ್ಲಿ ಗೆಲುವು ಸಾಧಿಸುವ ಹಾಗೂ ಸೋಲನುಭವಿಸುವ ಪಂದ್ಯಗಳಿಗೆ ಎಷ್ಟು ಹಣ ಸಿಗುತ್ತೆ ಎಂಬ ವಿವರ ಇಲ್ಲಿದೆ. ಅಷ್ಟೇ ಅಲ್ಲದೇ ಪ್ರಥಮ, ದ್ವಿತೀಯ ಹಾಗೂ ತೃತೀಯ ಸ್ಥಾನದಲ್ಲಿರುವ ತಂಡಗಳಿಗೆ ಬಿಸಿಸಿಐ ಭಾರೀ ಮೊತ್ತದ ಬಹುಮಾನವನ್ನು ನೀಡುತ್ತದೆ.
ಐಪಿಎಲ್ ಪಂದ್ಯಾವಳಿಯಲ್ಲಿ ವಿಜೇತಗೊಳ್ಳುವ ತಂಡಕ್ಕೆ ಬಿಸಿಸಿಐ 20 ಕೋಟಿ ರೂ. ಬಹುಮಾನ ನೀಡಲಿದೆ. ಇದಲ್ಲದೇ ಪಂದ್ಯ ಗೆಲುವು ಕಂಡ ಕ್ಷಣವೇ 7 ಕೋಟಿ ರೂ. ಸಿಗಲಿದೆ.
ರನ್ನರ್ ಅಪ್ ತಂಡಕ್ಕೆ ಬಿಸಿಸಿಐ 13 ಕೋಟಿ ನೀಡಲಿದೆ. ಮೂರನೇ ಸ್ಥಾನಕ್ಕೆ 7 ಕೋಟಿ ರೂ. ಸಿಗಲಿದೆ. ಸದ್ಯ ಮೂರನೇ ಸ್ಥಾನದಲ್ಲಿ ಆರ್ಸಿಬಿ ತಂಡವಿದೆ.
4ನೇ ಸ್ಥಾನಕ್ಕೆ 6.5 ಕೋಟಿ ರೂ. ಆರೆಂಜ್ ಕಪ್ 15 ಲಕ್ಷ ರೂ. ಪರ್ಪಲ್ ಕಪ್ ಪಡೆದಿರುವ ಬೌಲರ್ಗೆ 15 ಲಕ್ಷ ರೂ. ಹಣವನ್ನು ಬಿಸಿಸಿಐ ನೀಡಲಿದೆಯಂತೆ.
ಅತೀ ಹೆಚ್ಚು ಸಿಕ್ಸ್ ಪಡೆದವರಿಗೆ 12 ಲಕ್ಷ ರೂ. ಗೇಮ್ ಚೇಂಜರ್ಗೆ 12 ಲಕ್ಷ ರೂ. ಇಡೀ ಪಂದ್ಯಾವಳಿಯಲ್ಲಿ ಉತ್ತಮ ಆಟಗಾರ ಎನಿಸಿಕೊಂಡಿರುವರಿಗೆ 12 ಲಕ್ಷ ರೂ.ಹಣವನ್ನು ನೀಡಲಾಗುತ್ತದೆ. ಒಟ್ಟಾರೆ ಇಲ್ಲಿ ಸೋತವರಿಗೂ ಹಾಗೂ ಗೆದ್ದವರಿಗೂ ಹಣ ಸಿಗುವುದಂತೂ ಸತ್ಯ.
ಇಂದು ರಾತ್ರಿ 8 ಗಂಟೆಗೆ ಪಂದ್ಯ ಆರಂಭವಾಗಲಿದ್ದು, ಗುಜರಾತ್ ಟೈಟಾನ್ಸ್ ಮತ್ತು ಚಾಂಪಿಯನ್ ರಾಜಸ್ಥಾನ್ ರಾಯಲ್ಸ್ ತಂಡದ ನಡುವೆ ಗುಜರಾತಿನ ನರೇಂದ್ರ ಮೋದಿ ಸ್ಟೇಡಿಯಂನಲ್ಲಿ ಫೈನಲ್ ಹಣಾಹಣಿ ನಡೆಯಲಿದೆ. (ಏಜೆನ್ಸೀಸ್)