ನವದೆಹಲಿ: ಅಫ್ಘಾನಿಸ್ತಾನದ ಜೈಲಿನ ಮೇಲೆ ಆ.2ರಂದು ಐಸಿಸ್ ಉಗ್ರರು ನಡೆಸಿದ ಗುಂಡಿನ ದಾಳಿಯಲ್ಲಿ ಸುಮಾರು 20 ಮಂದಿ ಸಾವನ್ನಪ್ಪಿದ್ದಾರೆ. ಇಂದು ಇಸ್ಲಾಮಿಕ್ ಸ್ಟೇಟ್ ದಾಳಿಕೋರರ ಫೋಟೋವನ್ನೂ ಕೂಡ ಬಿಡುಗಡೆ ಮಾಡಿದೆ.
ಅಫ್ಘಾನ್ ಜೈಲಿನ ಮೇಲೆ ದಾಳಿ ನಡೆಸಿದ ಉಗ್ರರಲ್ಲಿ ಮೂವರು ಭಾರತೀಯರು, ಓರ್ವ ಪಾಕಿಸ್ತಾನಿ, ಮೂವರು ಅಫ್ಘಾನಿಸ್ತಾನದವರು ಹಾಗೂ ಮೂವರು ತಾಝಿಕ್ ಉಗ್ರರು ಎಂದು ಐಸಿಸ್ ತನ್ನ ಹೇಳಿಕೆಯಲ್ಲಿ ಸ್ಪಷ್ಟಪಡಿಸಿದೆ. ಇದನ್ನೂ ಓದಿ: ತಮ್ಮನನ್ನು ಕಾಪಾಡಲು ಅಣ್ಣ, ಇಬ್ಬರನ್ನು ರಕ್ಷಿಸಲು ಮತ್ತೋರ್ವ ಸಹೋದರ ಕೃಷಿ ಹೊಂಡಕ್ಕೆ ಬಿದ್ದು ಸಾವು
ಭಾರತದ ಮೂವರು ಉಗ್ರರಲ್ಲಿ ಓರ್ವನನ್ನು ಕೇರಳದ ಕಾಸರಗೋಡಿನ ಕಲುಕೆಟ್ಟಿಯಾ ಪುರೈಲ್ ಇಜಾಸ್ ಎಂದು ಗುರುತಿಸಲಾಗಿದೆ.
ತಾಲಿಬಾನ್ ಹೋರಾಟಗಾರರು ಮತ್ತು ಅಫ್ಘಾನ್ ಭದ್ರತಾ ಪಡೆಗಳ ನಡುವೆ ಕದನ ವಿರಾಮ ಜಾರಿಯಲ್ಲಿದ್ದರೂ ಭಾನುವಾರ ರಾತ್ರಿ ಈ ದಾಳಿ ನಡೆಸಿದ್ದಾರೆ.
ಘಟನೆ ನಡೆದ ಜಲಲಾಬಾದ್ಗೆ ಅಫ್ಘಾನ್ ಸೇನಾ ಮುಖ್ಯಸ್ಥ ಜನರಲ್ ಯಾಸಿನ್ ಝಿಯಾ ಅವರು ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ. 10 ಮಂದಿ ದಾಳಿಕೋರರನ್ನೂ ಹಿಮ್ಮೆಟ್ಟಿಸಲಾಗಿದೆ ಎಂದು ಹೇಳಿದ್ದಾರೆ. ಒಟ್ಟು 29 ಮಂದಿ ಮೃತಪಟ್ಟಿದ್ದು, 48 ಜನರು ಗಂಭೀರವಾಗಿ ಗಾಯಗೊಂಡಿದ್ದಾರೆ ಎಂದು ಮಾಹಿತಿ ನೀಡಿದ್ದಾರೆ. (ಏಜೆನ್ಸೀಸ್)
ಮಾಸ್ಕ್ ಯಾಕೆ ಧರಿಸಲಿಲ್ಲ ಎಂದು ಪ್ರಶ್ನೆ ಮಾಡಿದ ಪೊಲೀಸ್ ತಲೆಯನ್ನು ಸಿಮೆಂಟ್ ನೆಲಕ್ಕೆ ಜಜ್ಜಿದ ಮಹಿಳೆ