ಬೆಂಗಳೂರು: ತನ್ನ ಹೆಂಡತಿಯನ್ನೇ ಡಂಬೆಲ್ಸ್ ಬಳಸಿ ಇಲ್ಲೊಬ್ಬ ಪತಿಯಾರ ಭೀಕರವಾಗಿ ಕೊಲೆ ಮಾಡಿದ್ದಾನೆ.
ಈತ ಡಂಬೆಲ್ ಬಳಸಿ ಹೆಂಡತಿಯ ತಲೆಗೆ ತೀವ್ರವಾಗಿ ಹೊಡೆದಿದ್ದು ರಕ್ತ ಧಾರಾಕಾರವಾಗಿ ನೆಲದಲ್ಲಿ ಹರಿದಿದೆ. ಮಹಿಳೆಯ ಮುಖವೂ ಒಮ್ಮೆಗೆ ಗುರುತು ಸಿಗದಷ್ಟು ರಕ್ತಸಿಕ್ತವಾಗಿದೆ. ಅಂದಹಾಗೆ ಈ ಘಟನೆ ಕಂಡು ಬಂದದ್ದು ರಾಮಮೂರ್ತಿ ನಗರ ಠಾಣಾ ವ್ಯಾಪ್ತಿಯಲ್ಲಿ.
ಮೊರೀಸ್ ಎಂಬಾತ, ತನ್ನ ಪತ್ನಿಯಾದ ಲೈದಿಯಾಳನ್ನು(44) ಕೊಲೆ ಮಾಡಿದ್ದಾನೆ. ಬೆಳಗ್ಗೆ 9.30ಕ್ಕೆ ಈ ಘಟನೆ ನಡೆದಿದ್ದು ಮೃತದೇಹ ಇರುವ ಕೊಠಡಿಯಲ್ಲಿ ರಕ್ತ ಧಾರಾಕಾರವಾಗಿ ಹರಿದಿದೆ.
ಇವರಿಬ್ಬರೂ ಹದಿನೆಂಟು ವರ್ಷಗಳ ಹಿಂದೆ ಮದುವೆಯಾಗಿದ್ದರು. ಇಬ್ಬರಿಗೂ 3 ಗಂಡು ಮಕ್ಕಳಿದ್ದು ಖಾಸಗಿ ಶಾಲೆಯಲ್ಲಿ ಓದುತ್ತಿದ್ದರು. ಹೆಂಡತಿಗೆ ಅನೈತಿಕ ಸಂಬಂಧ ಇದೆ ಎನ್ನುವ ಶಂಕೆಯ ಹಿನ್ನೆಲೆಯಲ್ಲಿ ಆಗಾಗ ಇಬ್ಬರ ಮಧ್ಯೆ ಜಗಳ ಆಗುತ್ತಿತ್ತು. ಮಕ್ಕಳು ಶಾಲೆಗೆ ಹೋದ ಮೇಲೆ ಇವರ ನಡುವೆ ಜಗಳ ಶುರುವಾಗಿದ್ದು ಈ ವೇಳೆ ಮಾತಿಗೆ ಮಾತು ಪರಿಸ್ಥಿತಿ ವಿಕೋಪಕ್ಕೆ ತಿರುಗಿದೆ.
ಈ ಸಂದರ್ಭ ಸಿಟ್ಟಿನಿಂದ ಮನೆಯಲ್ಲಿದ್ದ ಡಂಬೆಲ್ಸ್ ತೆಗೆದುಕೊಂಡ ಪತ್ನಿಗೆ ಆರೋಪಿ ಹೊಡೆದಿದ್ದಾನೆ. ಈತನಲ್ಲಿ ತನ್ನ ಹೆಂಡತಿಯ ಮೇಲೆ ಅದೆಷ್ಟು ದ್ವೇಷ ಇತ್ತೋ ಗೊತ್ತಿಲ್ಲ. ಆದರೆ ಲೈದಿಯಾ ಸಾಯುವವರೆಗೂ ಆಕೆಯ ತಲೆಗೆ ಡಂಬೆಲ್ಸ್ನಿಂದ ಹೊಡೆಯುತ್ತಲೇ ಇದ್ದ! ಸದ್ಯ ಆರೋಪಿ ಮೋರಿಸ್ನನ್ನು ಪೊಲೀಸರು ಬಂಧಿಸಿದ್ದು ರಾಮಮೂರ್ತಿ ನಗರ ಠಾಣೆಯಲ್ಲಿ ಪ್ರಕರಣ ದಾಖಲಿಸಲಾಗಿದೆ. ಸದ್ಯ ಪೊಲೀಸರು ಘಟನಾ ಸ್ಥಳದಲ್ಲಿ ಪರಿಶೀಲನೆ ನಡೆಸುತ್ತಿದ್ದಾರೆ.