ನ್ಯೂಯಾರ್ಕ್: ಹೊಸ ಮನೆ ಖರೀದಿಸುವ ಮುನ್ನ ಮಾಲೀಕರು ಮನೆಯ ವಾತಾವರಣ ಸೇರಿದಂತೆ ಅದರ ಪೂರ್ವಾಪರವನ್ನು ತಿಳಿದುಕೊಂಡ ಬಳಿಕ ಮನೆಯನ್ನು ಕೊಂಡುಕೊಳ್ಳುತ್ತಾರೆ. ಆದರೆ, ಹೊಸ ಮನೆಯನ್ನು ಖರೀದಿಸಿದ ಖುಷಿಯಲ್ಲಿದ್ದ ಮಹಿಳೆಯೊಬ್ಬರಿಗೆ ಮರು ಘಳಿಗೆಯಲ್ಲಿ ಶಾಕ್ ಒಂದು ಎದುರಾಗಿತ್ತು.
ನ್ಯೂಯಾರ್ಕ್ನಲ್ಲಿ ಈ ವಿಚಿತ್ರ ಪ್ರಸಂಗ ನಡೆದಿದೆ. ಮನೆ ಖರೀದಿಸಿದ ಮಹಿಳೆ ತನ್ನ ಹೊಸ ನಿವಾಸಕ್ಕೆ ಪ್ರವೇಶ ನೀಡುತ್ತಾಳೆ. ಬಳಿಕ ಇಡೀ ಮನೆಯನ್ನು ಒಂದು ಸುತ್ತು ನೋಡಿ ಬರುವಾಗ ಮನೆಯ ಬೇಸ್ಮೆಂಟ್ನ ಗೋಡೆಯಲ್ಲಿ ತಲೆ ಕಾಣುವಂತೆ ಸಮಾಧಿ ಮಾಡಿರುವ ಬೊಂಬೆ ನೋಡಿ ಒಮ್ಮೆಲೆ ದಿಗಿಲು ಬಡಿದಂತೆ ನಿಂತುಬಿಡುತ್ತಾಳೆ.
ಇದಕ್ಕೆ ಸಂಬಂಧಿಸಿದ ಚಿತ್ರವನ್ನು ಮಾಲಕಿ ತನ್ನ ಜಾಲತಾಣದಲ್ಲಿ ಶೇರ್ ಮಾಡಿಕೊಂಡಿದ್ದು, 3 ಲಕ್ಷಕ್ಕೂ ಹೆಚ್ಚು ಬಾರಿ ಶೇರ್ ಆಗಿ, ವೈರಲ್ ಆಗಿರುವ ಚಿತ್ರಕ್ಕೆ ಪ್ರತಿಕ್ರಿಯೆ ನೀಡಿರುವ ನೆಟ್ಟಿಗರು ತಕ್ಷಣ ಮನೆಯನ್ನು ಖಾಲಿ ಮಾಡಿ ಸಲಹೆ ನೀಡಿದ್ದಾರೆ.
ಇನ್ನು ಬೊಂಬೆಯನ್ನು ಈ ರೀತಿ ಸಮಾಧಿ ಮಾಡುವುದು 60 ಮತ್ತು 70ರ ದಶಕದಲ್ಲಿ ಕ್ಯಾಲಿಫೋರ್ನಿಯಾದಲ್ಲಿ ಟ್ರೆಂಡ್ ಆಗಿತ್ತು. ಇದರಲ್ಲಿ ಹೆದರುವಂಥದ್ದು ಏನಿಲ್ಲ ಎಂದು ನೆಟ್ಟಿಗರೊಬ್ಬರು ಹೇಳಿದ್ದಾರೆ. ಆದರೆ, ಅನೇಕರು ಮನೆಯನ್ನು ಖಾಲಿ ಮಾಡುವುದೇ ಒಳಿತು ಎಂದಿದ್ದಾರೆ. ಮನೆಗೂ ಬರುವ ಮುನ್ನ ಬೇಸ್ಮೆಂಟ್ ಏಕೆ ಪರಿಶೀಲಿಸಲಿಲ್ಲ ಎಂದು ಪ್ರಶ್ನಿಸಿದ್ದಾರೆ.
ಇತ್ತ ಫೋಟೋ ವೈರಲ್ ಆದ ಬಳಿಕ ಪ್ರತಿಕ್ರಿಯೆ ನೀಡಿರುವ ಎಲ್ಲರಿಗೂ ಧನ್ಯವಾದ ತಿಳಿಸಿರುವ ಮನೆ ಮಾಲಕಿ, ನನ್ನ ಸಹೋದರಿಯ ನ್ಯೂ ಬೇಬಿಗೆ ಬಗ್ಗೆ ಪ್ರತಿಕ್ರಿಯೆ ನೀಡಿದ್ದಕ್ಕೆ ನಿಮಗೆಲ್ಲ ಧನ್ಯವಾದಗಳು ಎಂದಿದ್ದಾರೆ. ಆದರೂ, ಈ ರೀತಿ ಅಚಾನಕ್ ಆಗಿ ಗೋಡೆಯಲ್ಲಿ ಬೊಂಬೆ ಪತ್ತೆಯಾದರೆ ಯಾರಿಗೆ ತಾನೇ ಭಯವಾಗಲ್ಲ ಎಂದು ನೆಟ್ಟಿಗರು ಮಾತನಾಡಿಕೊಳ್ಳುತ್ತಿದ್ದು, ನೆಟ್ಟಿಗರ ಸಲಹೆಯಂತೆ ಮನೆ ಖಾಲಿ ಮಾಡುತ್ತಾರಾ ಎಂಬುದೇ ಇದೀಗ ಪ್ರಶ್ನೆಯಾಗಿದೆ. (ಏಜೆನ್ಸೀಸ್)
ಗರ್ಭಿಣಿ ಅಂದುಕೊಂಡ ಪೊಲೀಸರು, ಆದ್ರೂ ಅನುಮಾನ ಪರಿಹರಿಸಿಕೊಳ್ಳಲು ಮುಂದಾದಾಗ ಕಾದಿತ್ತು ಅಚ್ಚರಿ!