ಭಾರತೀಯ ಕ್ರಿಕೆಟ್ ನಿಯಂತ್ರಣಾ ಮಂಡಳಿ 2008ರಲ್ಲಿ ಐಪಿಎಲ್ (ಇಂಡಿಯನ್ ಪ್ರೀಮಿಯರ್ ಲೀಗ್) ಟಿ-20 ಪಂದ್ಯಾವಳಿಯನ್ನು ಪ್ರಾರಂಭ ಮಾಡಿದ ಬಳಿಕ ಪಾಕಿಸ್ತಾನ ಕ್ರಿಕೆಟ್ ಮಂಡಳಿಯೂ ಅದನ್ನು ಕಾಪಿ ಹೊಡೆದಿದೆ. ತಾವೇನು ಕಡಿಮೆ ಎಂಬಂತೆ 2015ರಲ್ಲಿ ಪಾಕಿಸ್ತಾನ ಸೂಪರ್ ಲೀಗ್ (ಪಿಎಸ್ಎಲ್)ನ್ನು ಶರುಮಾಡಿಕೊಂಡಿರುವುದು ಹೊಸ ವಿಷಯವಲ್ಲ.
ಐಪಿಎಲ್ನಲ್ಲಿ ಭಾರತದ ವಿವಿಧ ಪ್ರದೇಶಗಳ ಒಟ್ಟು ಎಂಟು ತಂಡಗಳು ಆಡುವಂತೆ ಪಾಕಿಸ್ತಾನ ಸೂಪರ್ ಲೀಗ್ನಲ್ಲಿ ಅಲ್ಲಿನ ವಿವಿಧ ಭಾಗಗಳ ಆರು ತಂಡಗಳ ನಡುವೆ ಪಂದ್ಯ ನಡೆಯುತ್ತದೆ.
ಸದ್ಯ ಪಾಕ್ನಲ್ಲಿ ಈ ಸೂಪರ್ ಲೀಗ್ ಪಂದ್ಯಗಳು ನಡೆಯುತ್ತಿದ್ದು ಭಾನುವಾರ (ಮಾರ್ಚ್ 8)ದಂದು ಲಾಹೋರ್ ಖಲಾಂಡರ್ಸ್ ಮತ್ತು ಕರಾಚಿ ಕಿಂಗ್ಸ್ ಮಧ್ಯೆ ಆಟವಿತ್ತು. ಈ ವೇಳೆ ನಡೆದ ಅತ್ಯಂತ ತಮಾಷೆ ಸನ್ನಿವೇಶದ ವಿಡಿಯೋವೊಂದು ಟ್ವಿಟರ್ ಸೇರಿ, ಸಾಮಾಜಿಕ ಜಾಲತಾಣಗಳಲ್ಲಿ ಸಿಕ್ಕಾಪಟೆ ವೈರಲ್ ಆಗುತ್ತಿದೆ.
ಲಾಹೋರ್ ಖಲಾಂಡರ್ಸ್ ತಂಡದಲ್ಲಿದ್ದ ಆಸ್ಟ್ರೇಲಿಯನ್ ಕ್ರಿಕೆಟರ್ ಬೆನ್ ಡಂಕ್ ಮತ್ತು ಕರಾಚಿ ಕಿಂಗ್ನಲ್ಲಿ ಆಡುತ್ತಿದ್ದ ವೆಸ್ಟ್ಇಂಡೀಸ್ ಚಾಡ್ವಿಕ್ ವಾಲ್ಟನ್ ಈ ಫನ್ನಿ ಕ್ಷಣಕ್ಕೆ ಕಾರಣರಾದವರು.
ಲಾಹೋರ್ ಖಲಾಂಡರ್ಸ್ನ ಬೆನ್ ಡಂಕ್ ಬ್ಯಾಟಿಂಗ್ ಮಾಡುತ್ತಿದ್ದರೆ, ವೆಸ್ಟ್ಇಂಡೀಸ್ನ ಚಾಡ್ವಿಕ್ ವಾಲ್ಟನ್ ಕರಾಚಿ ಕಿಂಗ್ಸ್ ತಂಡದ ಕೀಪರ್ ಆಗಿ ಸ್ಟಂಪ್ ಹಿಂದೆ ನಿಂತಿದ್ದರು. ತಮಗೆ ಬಂದ ಚೆಂಡಿನತ್ತ ಡಂಕ್ ಬ್ಯಾಟ್ ಬೀಸಿದಾಗ, ಅದು ಸ್ವಲ್ಪ ಹಿಂದಕ್ಕೆ ಹೋಗಿ ಮೇಲೆ ಹಾರಿತು. ಅದನ್ನು ಹಿಡಿಯಬೇಕಿದ್ದ ಚಾಡ್ವಿಕ್, ಒಮ್ಮೆಲೆ ಗಡಿಬಿಡಿಗೆ ಬಿದ್ದವರಂತೆ ಓಡಿಬಂದು ಬೆನ್ ಡಂಕ್ ಅವರ ಮೊಳಕಾಲು, ಸೊಂಟವನ್ನು ಗಟ್ಟಿಯಾಗಿ ಹಿಡಿದು ಕುಳಿತರು. ಅಷ್ಟೊತ್ತಿಗೆ ಆ ಬಾಲ್ ಕೂಡ ಡಂಕ್ ಅವರ ಭುಜದ ಮೇಲೆ ಬಿದ್ದು, ತಲೆಗೆ ಹೊಡೆದು, ಮೈದಾನಕ್ಕೆ ಬಿತ್ತು. ಆ ಕ್ಷಣ ಏನಾಯಿತೆಂದು ಯಾರಿಗೂ ಅರ್ಥವಾಗಲಿಲ್ಲ. ಆದರೆ ವಿಡಿಯೋ ಮಾತ್ರ ಸಿಕ್ಕಾಪಟೆ ವೈರಲ್ ಆಗುತ್ತಿದೆ.
ಪಾಕಿಸ್ತಾನ ಸೂಪರ್ ಲೀಗ್ ತನ್ನ ಅಧಿಕೃತ ಟ್ವಿಟರ್ ಖಾತೆಯಲ್ಲಿಯೂ ವಿಡಿಯೋವನ್ನು ಶೇರ್ ಮಾಡಿಕೊಂಡಿದೆ. ‘ಇವರಿಬ್ಬರದ್ದು ಎಂತಹ ಗೆಳೆತನ…ಅದೃಷ್ಟ ಮಾಡಿರಬೇಕು’ ಎಂದು ಫನ್ನಿಯಾಗಿ ಕ್ಯಾಪ್ಷನ್ ಬರೆದಿದೆ.
ವಿಡಿಯೋ ನೋಡಿದ ನೆಟ್ಟಿಗರು ಮಾತ್ರ ಚಿತ್ರ-ವಿಚಿತ್ರ ಕಾಮೆಂಟ್ಗಳನ್ನು ಹಾಕುತ್ತಿದ್ದಾರೆ. ಇಂಥದ್ದೆಲ್ಲ ಸಾಧ್ಯವಾಗುವುದು ಪಾಕಿಸ್ತಾನ ಸೂಪರ್ ಲೀಗ್ನಲ್ಲಿ ಮಾತ್ರ ಎಂದು ಓರ್ವರು ಬರೆದಿದ್ದರೆ, ವಿಡಿಯೋದಿಂದ ಕಣ್ಣು ತೆಗೆಯಲು ಆಗುತ್ತಿಲ್ಲ ಎಂದು ಮತ್ತೋರ್ವರು ಕಾಮೆಂಟ್ ಮಾಡಿದ್ದಾರೆ.
ಕ್ರಿಕೆಟ್ ಇತಿಹಾಸದಲ್ಲಿಯೇ ಇಂತಹ ಸನ್ನಿವೇಶ ನಡೆದಿದ್ದು ಇದೇ ಮೊದಲಿರಬೇಕು ಎಂದೂ ನೆಟ್ಟಿಗರು ಅಭಿಪ್ರಾಯಪಟ್ಟಿದ್ದಾರೆ. (ಏಜೆನ್ಸೀಸ್)
🎶 "yaaro yehi dosti hai
— PakistanSuperLeague (@thePSLt20) March 8, 2020
Qismat se jo mili hai" 🎶 https://t.co/1bVYphEJlp