ನವದೆಹಲಿ: ಪ್ಯಾರಾಮಿಲಿಟರಿ ಪಡೆಗಳ ಪೈಕಿ ಕೇಂದ್ರ ಕೈಗಾರಿಕಾ ಭದ್ರತಾ ಪಡೆ (ಸಿಐಎಸ್ಎಫ್) ಸಿಬ್ಬಂದಿಯೇ ಹೆಚ್ಚಿನ ಪ್ರಮಾಣದಲ್ಲಿ ಕರೊನಾ ಸೋಂಕಿನಿಂದ ಸಾವಿಗೀಡಾಗಿದ್ದಾರೆ ಎಂಬ ಸುದ್ದಿ ಬಹಿರಂಗಗೊಂಡಿದೆ.
ಸಂಸತ್ತಿನಲ್ಲಿ ಭಾನುವಾರ ಸಂಸದ ಜಗದಂಬಿಕ ಪಾಲ್ ಅವರು ಎತ್ತಿದ್ದ ಪ್ರಶ್ನೆಗೆ ಕೇಂದ್ರ ಸರ್ಕಾರ ನೀಡಿದ್ದ ಮಾಹಿತಿಯಲ್ಲಿ ಈ ವಿಚಾರ ಗೊತ್ತಾಗಿದೆ. ಕರೊನಾ ಸೋಂಕಿಗೆ ಅತಿಹೆಚ್ಚು(9,158) ಒಳಗಾಗಿದ್ದು ಸಿಆರ್ಪಿಎಫ್ ಆಗಿದ್ದರೂ, ಆ ಪೈಕಿ ಸಾವಿನ ಪ್ರಮಾಣ ಶೇ. 0.39 ಮಾತ್ರ. ಅವರಲ್ಲಿ ಗುಣವಾದವರ ಪ್ರಮಾಣ ಶೇ. 84 ಇದೆ.
ಇನ್ನು ಬಿಎಸ್ಎಫ್ನ 8,934 ಮಂದಿ ಸೋಂಕಿಗೆ ಒಳಗಾಗಿದ್ದು ಅವರಲ್ಲಿ ಸಾವಿನ ಪ್ರಮಾಣ ಶೇ. 0.36 ಹಾಗೂ ಚೇತರಿಕೆ ಪ್ರಮಾಣ ಶೇ. 80.41 ಇದೆ. ಆದರೆ ಸಿಐಎಸ್ಎಫ್ನಲ್ಲಿ ಬರೀ 5,544 ಮಂದಿ ಸೋಂಕಿಗೆ ಒಳಗಾಗಿದ್ದರೂ ಸಾವಿನ ಪ್ರಮಾಣ ಶೇ. 0.43 ಹಾಗೂ ಗುಣವಾದವರ ಪ್ರಮಾಣ ಶೇ. 75.25 ಇದೆ ಎಂದು ಸರ್ಕಾರ ಮಾಹಿತಿ ನೀಡಿದೆ. (ಏಜೆನ್ಸೀಸ್)