ಶ್ರೀನಗರ: ಜಮ್ಮು-ಕಾಶ್ಮೀರದಲ್ಲಿನ ಲೈನ್ ಆಫ್ ಕಂಟ್ರೋಲ್ (ಎಲ್ಒಸಿ) ಉದ್ದಕ್ಕೂ ಕಳೆದ ಎಂಟು ತಿಂಗಳಲ್ಲಿ ಪಾಕಿಸ್ತಾನ 3,186 ಸಲ ಕದನವಿರಾಮ ಉಲ್ಲಂಘಿಸಿದೆ. ಮಾತ್ರವಲ್ಲ, ಇದು ಕಳೆದ 17 ವರ್ಷಗಳಲ್ಲೇ ಅತ್ಯಧಿಕ ಎನಿಸಿಕೊಂಡಿದೆ.
ಈ ವರ್ಷ ಜನವರಿ 1ರಿಂದ ಸೆಪ್ಟೆಂಬರ್ 7ರವರೆಗೆ ಪಾಕ್ 3,186 ಸಲ ಕದನವಿರಾಮ ಉಲ್ಲಂಘಿಸಿದ್ದು, ಈ ಸಂದರ್ಭದಲ್ಲಿ ಭಾರತದ 8 ಯೋಧರು ಮೃತರಾಗಿದ್ದು, ಇಬ್ಬರು ಗಾಯಗೊಂಡಿದ್ದರು ಎಂಬ ಅಂಶವನ್ನು ಸರ್ಕಾರ ಸಂಸತ್ತಿನಲ್ಲಿ ಕಳೆದ ವಾರ ಮಾಹಿತಿ ನೀಡಿದೆ.
ಇದರ ಜತೆಗೆ ಜಮ್ಮು ಪ್ರದೇಶದಲ್ಲಿ ಜ. 1ರಿಂದ ಆ. 31ರ ವರೆಗೆ ಪಾಕ್ 242 ಸಲ ಕ್ರಾಸ್ ಬಾರ್ಡರ್ ಫೈರಿಂಗ್ ಕೂಡ ನಡೆಸಿದೆ ಎಂಬುದನ್ನು ರಕ್ಷಣಾ ಖಾತೆಯ ರಾಜ್ಯ ಸಚಿವ ಶ್ರೀಪಾದ್ ನಾಯಕ್ ರಾಜ್ಯಸಭೆಯಲ್ಲಿ ತಿಳಿಸಿದ್ದಾರೆ. 2019ರಲ್ಲಿ ಸುಮಾರು 2 ಸಾವಿರ ಕದನವಿರಾಮ ಉಲ್ಲಂಘನೆ ನಡೆದಿತ್ತು. (ಏಜೆನ್ಸೀಸ್)