ನವದೆಹಲಿ: ದ್ವಿಚಕ್ರ ವಾಹನ ಸವಾರರು ಇನ್ನು ಮುಂದೆ ಬಿಐಎಸ್ ಮಾನ್ಯತೆ ಹೊಂದಿದ ಹೆಲ್ಮೆಟ್ ಧರಿಸುವುದು ಕಡ್ಡಾಯವಾಗಲಿದೆ. ಜತೆಗೆ, ಇಂಥ ಮಾನ್ಯತೆ ಹೊಂದಿದ ಹೆಲ್ಮೆಟ್ಗಳ ಉತ್ಪಾದನೆ ಹಾಗೂ ಮಾರಾಟಕ್ಕಷ್ಟೇ ಆವಕಾಶ ಇರಲಿದೆ.
ಕೇಂದ್ರ ಸಾರಿಗೆ ಇಲಾಖೆ ಇತ್ತೀಚೆಗೆ ಕರಡು ಅಧಿಸೂಚನೆ ಹೊರಡಿಸಿದೆ. ಇದರಲ್ಲಿ ದ್ವಿಚಕ್ರ ವಾಹನ ಸವಾರರು ಬಳಸುವ ಹೆಲ್ಮೆಟ್ಗಳು ಕಡ್ಡಾಯವಾಗಿ ಬಿಐಎಸ್ ಹಾಲ್ಮಾಕ್ರ್ ಹೊಂದಿರುವುದು ಕಡ್ಡಾಯವಾಗಿರಲಿದೆ. ಇದಕ್ಕಾಗಿ ಬಿಐಎಸ್ 2016ರ ಕಾಯ್ದೆಗೆ ತಿದ್ದುಪಡಿ ಮಾಡುತ್ತಿದೆ.
ಇದನ್ನೂ ಓದಿ; 15ನೇ ವರ್ಷಕ್ಕೆ ಮದುವೆ, ಎರಡೂವರೆ ವರ್ಷದ ಮಗುವಿನ ತಾಯಿಯೀಗ ಪಿಯು ಪರೀಕ್ಷೆಯಲ್ಲಿ ಅಗ್ರ ಸಾಧಕಿ
ಈ ನಿಯಮ ಜಾರಿಗೆ ಬಂದಲ್ಲಿ, ಬಿಐಎಸ್ ಮಾನ್ಯತೆ ಹೊಂದಿಲ್ಲದ ಹೆಲ್ಮೆಟ್ ಧರಿಸಿದ ಸವಾರರು ದಂಡ ಪಾವತಿಸಬೇಕಾಗುತ್ತದೆ. ಇಂಥ ಹೆಲ್ಮೆಟ್ಗಳನ್ನು ತಯಾರಿಸುವ ಕಂಪನಿಯವರು ಕೂಡ ದಂಡ ಪಾವತಿಸಬೇಕಲ್ಲದ, ಜೈಲು ಸೇರಬೇಕಾಗುತ್ತದೆ.
ಈ ನಿಯಮದಿಂದಾಗಿ ಕಳಪೆ ಹೆಲ್ಮೆಟ್ಗಳ ತಯಾರಿಕೆ ಹಾಗೂ ಬಳಕೆಗೆ ಕಡಿವಾಣ ಬೀಳಲಿದೆ. ಜತೆಗೆ, ಈ ಬಗ್ಗೆ ಸಲಹೆ- ಸೂಚನೆಗಳನ್ನು ನೀಡುವಂತೆ ಸಾರಿಗೆ ಇಲಾಖೆ ಕೋರಿದೆ.