ಮುಂಬೈ: ಅಪ್ಪನ ದಿನಾಚರಣೆಯಂದೇ ತಮ್ಮ ಮಗನ ಹೆಸರನ್ನು ಮಾಜಿ ಕ್ರಿಕೆಟಿಗ ಯುವರಾಜ್ ಸಿಂಗ್ ಬಹಿರಂಗಪಡಿಸಿದ್ದಾರೆ. ಜನವರಿಯಲ್ಲಿ ತಮ್ಮ ಮಗುವನ್ನು ಬರಮಾಡಿಕೊಂಡಿದ್ದ ಯುವರಾಜ್ ಸಿಂಗ್ ಹಾಗೂ ಹೇಜಲ್ ಕೀಚ್ ದಂಪತಿ ಇದೇ ಮೊದಲ ಬಾರಿಗೆ ಮಗುವಿನ ಫೋಟೋವನ್ನು ಸಹ ಹಂಚಿಕೊಂಡಿದ್ದಾರೆ.
ತನ್ನ ಪತ್ನಿ ಹಾಗೂ ಮಗುವಿನೊಂದಿಗೆ ಇರುವ ಫೋಟೋವನ್ನು ಹಂಚಿಕೊಂಡಿರುವ ಯುವರಾಜ್ ಸಿಂಗ್ ತಮ್ಮ ಮಗನ ಹೆಸರು ಓರಿಯನ್ ಕೀಚ್ ಸಿಂಗ್ ಎಂದು ಹೆಸರಿಟ್ಟಿದ್ದೇವೆ ಎಂದಿದ್ದಾರೆ.ಈ ಹೆಸರು ಸ್ವಲ್ವ ವಿಭಿನ್ನ ಎನಿಸಿದರೂ, ಓರಿಯನ್ ಎಂಬ ಪದ ಗ್ರೀಕ್ ಭಾಷೆಯದ್ದಾಗಿದ್ದು, ಬೇಟೆಗಾರ ಹಾಗೂ ನಕ್ಷತ್ರಪುಂಜ ಎಂಬರ್ಥವನ್ನು ನೀಡುತ್ತದೆ ಎಂದು ಅದರ ವಿವರವನ್ನೂ ಯುವರಾಜ್ ಸಿಂಗ್ ನೀಡಿದ್ದಾರೆ.
ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿರುವ ಈ ಚಿತ್ರಕ್ಕೆ ಬಾಲಿವುಡ್ ನಟರಾದ ಆಯುಷ್ಮಾನ್ ಖುರಾನಾ, ಬಿಪಾಶಾ ಬಸು, ಟೆನಿಸ್ ಆಟಗಾರ್ತಿ ಸಾನಿಯಾ ಮಿರ್ಜಾ ಹಾಗೂ ಮಾಜಿ ಕ್ರಿಕೆಟಿಗ ಇರ್ಫಾನ್ ಪಠಾಣ್ ಶುಭಕೋರಿದ್ದಾರೆ. (ಏಜೆನ್ಸೀಸ್)
VIDEO: ಮತ್ತೆ ಜನರ ಮನಗೆದ್ದ ಪ್ರಧಾನಿ ಮೋದಿ! ಈ ಕಾರ್ಯಕ್ಕೆ ಭಾರೀ ಮೆಚ್ಚುಗೆ