ನವದೆಹಲಿ: ನಿರ್ಭಯಾ ಪ್ರಕರಣ ಅಪರಾಧಿಗಳ ಗಲ್ಲು ಶಿಕ್ಷೆಗೆ ತಯಾರಿ ಆರಂಭವಾಗಿದ್ದು, ತಿಹಾರ್ ಜೈಲಿನಲ್ಲಿ ಸಕಲವೂ ಸಿದ್ಧವಾಗಿದೆ.
ಮೇರಟ್ನಿಂದ ನೇಣಿಗೇರಿಸುವವರನ್ನು ಕರೆತರಲಾಗುತ್ತಿದೆ. ನಾಲ್ವರನ್ನು ನೇಣಿಗೇರಿಸಲು ತಿಹಾರ್ ಜೈಲಿನಲ್ಲಿ ಎಲ್ಲ ವ್ಯವಸ್ಥೆಯನ್ನು ಮಾಡಿಕೊಂಡಿದ್ದೇವೆ ಎಂದು ಜೈಲಿನ ಅಧಿಕಾರಿ ತಿಳಿಸಿದ್ದಾರೆ.
ನೇಣಿನ ಕುಣಿಕೆಗಳನ್ನು ಬಿಹಾರದ ಬಕ್ಸಾರ್ ಕಾರಾಗೃಹದಿಂದ ತರಿಸಿಕೊಳ್ಳಲಾಗಿದೆ. ಪಾರ್ಲಿಮೆಂಟ್ನ ಮೇಲೆ ದಾಳಿ ನಡೆಸಿದ್ದ ಅಫ್ಜಲ್ ಗುರುನನ್ನು ನೇಣಿಗೇರಿಸಲು ಇದೇ ಬಕ್ಸಾರ್ ಕಾರಾಗೃಹದ ಕುಣಿಕೆಗಳನ್ನು ಬಳಸಲಾಗಿತ್ತು ಎಂದು ಅವರು ಮಾಹಿತಿ ನೀಡಿದ್ದಾರೆ.
ಏಷ್ಯಾದ ಅತಿ ದೊಡ್ಡ ಜೈಲು ಎಂದೇ ಖ್ಯಾತಿ ಗಳಿಸಿರುವ ತಿಹಾರ್ ಜೈಲಿನಲ್ಲಿ ನೇಣಿಗೇರಿಸುವ ನಕಲಿ ಪ್ರಕ್ರಿಯೆಯನ್ನು ಪೂರ್ಣಗೊಳಿಸಲಾಗಿದೆ.
ನಾಲ್ವರು ಅಪರಾಧಿಗಳನ್ನು ಬೇರೆ ಬೇರೆ ಸೆಲ್ಗಳಲ್ಲಿ ಇಡಲಾಗುತ್ತದೆ. ಅವರ ಮೇಲೇ ಸಿಸಿ ಕ್ಯಾಮರಾದ ಮೂಲಕ ನಿಗಾ ವಹಿಸಲಾಗುತ್ತದೆ. ನೇಣಿಗೇರಿಸಲಾಗುವ ಜೈಲ್ 3ನೇ ನಂಬರಿನ ಬ್ಯಾರಕ್ನಲ್ಲಿ ಎಲ್ಲವೂ ಸಿದ್ಧಗೊಂಡಿದೆ ಎಂದು ಪೊಲೀಸರು ಮಾಹಿತಿ ನೀಡಿದ್ದಾರೆ. (ಏಜೇನ್ಸೀಸ್)