ಅಹಮದಾಬಾದ್: ಆನ್ಲೈನ್ ತರಗತಿಗಳು ಆರಂಭವಾದಾಗಿನಿಂದ ಸೈಬರ್ ಕ್ರೈಂಗಳ ಸಂಖ್ಯೆಯೂ ಹೆಚ್ಚಾಗಿದೆ. ಅದೇ ರೀತಿ ಪರೀಕ್ಷೆಯನ್ನು ಮುಂದೂಡಲು ಬೆದರಿಕೆ ಹಾಕಿದ ಹ್ಯಾಕರ್ ಒಬ್ಬ, ಅದಕ್ಕೆ ಕಾಲೇಜಿನವರು ಒಪ್ಪದಿದ್ದಾಗ ಆನ್ಲೈನ್ ತರಗತಿಯಲ್ಲಿ ಬೆತ್ತಲೆ ಫೋಟೋಗಳನ್ನು ಬಿಟ್ಟಿರುವ ಘಟನೆ ಅಹಮದಾಬಾದ್ನಲ್ಲಿ ನಡೆದಿದೆ.
ಬುಧವಾರದಂದು 12ನೇ ತರಗತಿ ವಿದ್ಯಾರ್ಥಿಗಳಿಗೆ ಆನ್ಲೈನ್ ತರಗತಿ ನಡೆಸಲಾಗುತ್ತಿತ್ತು. ಈ ವೇಳೆ ಯಾವುದೋ ಅಪರಿಚಿತ ವ್ಯಕ್ತಿಯೊಬ್ಬ ಜೂಮ್ ತರಗತಿಗೆ ಜಾಯ್ನ್ ಆಗಿದ್ದಾನೆ. ವಿಡಿಯೋ ಆನ್ ಮಾಡಿಕೊಳ್ಳದೆಯೇ, ಬೆತ್ತಲೆ ಫೋಟೋಗಳಿದ್ದ ವೆಬ್ಸೈಟ್ ಲಿಂಕ್ಗಳನ್ನು ಚಾಟ್ನಲ್ಲಿ ಕಳುಹಿಸಲಾರಂಭಿಸಿದ್ದಾನೆ. ಅದನ್ನು ಕಂಡೊಡನೆ ಶಿಕ್ಷಕರು ತರಗತಿಯನ್ನು ಮುಗಿಸಿದ್ದಾರೆ. ತಕ್ಷಣ ಸೈಬರ್ ಕ್ರೈಂ ಪೊಲೀಸರಿಗೆ ಮಾಹಿತಿ ನೀಡಲಾಗಿದೆ.
ಈ ಹಿಂದೆ ಪರೀಕ್ಷಾ ದಿನಾಂಕವನ್ನು ಮುಂದೂಡುವಂತೆ ಹ್ಯಾಕರ್ ಒಬ್ಬನಿಂದ ಬೆದರಿಕೆ ಬಂದಿತ್ತಂತೆ. ಈ ವಿಚಾರವಾಗಿ ಕಾಲೇಜು ಆಡಳಿತ ಪೊಲೀಸ್ ಠಾಣೆಯ ಮೆಟ್ಟಿಲೇರಿತ್ತು. ಆದರೆ ಸೈಬರ್ ಕ್ರೈಂ ಪೊಲೀಸರು ಹ್ಯಾಕರ್ನನ್ನು ಹುಡುಕುವಲ್ಲಿ ವಿಫಲವಾಗಿದ್ದರು. ಇದೀಗ ಅದೇ ಹ್ಯಾಕರ್ನಿಂದ ಈ ಕೃತ್ಯವಾಗಿರುವ ಅನುಮಾನವನ್ನು ಕಾಲೇಜು ಆಡಳಿತ ವ್ಯಕ್ತಪಡಿಸಿದೆ. (ಏಜೆನ್ಸೀಸ್)
ಮದುವೆ ಉಡುಗೆಯಲ್ಲೇ ಗಿನ್ನೆಸ್ ರೆಕಾರ್ಡ್! ಆಕೆ ಧರಿಸಿದ್ದು 7 ಕಿಮೀ ಉದ್ದದ ಗೌನ್!