ವಿಜಯವಾಣಿ ಸುದ್ದಿಜಾಲ ಬೆಂಗಳೂರು
ಹಾಲಿ ಚಾಂಪಿಯನ್ ಬೆಂಗಾಲ್ ವಾರಿಯರ್ಸ್‌ ತಂಡದ ಮೊಹಮದ್ ನಬಿಬಕ್ಷ್ ನಡೆಸಿದ ಒಂದೇ ರೈಡಿಂಗ್‌ಗೆ 8 ಅಂಕಗಳನ್ನು ಬಿಟ್ಟುಕೊಟ್ಟ ಬೆಂಗಳೂರು ಬುಲ್ಸ್ ತಂಡ ಪ್ರೊ ಕಬಡ್ಡಿ ಲೀಗ್ 8ನೇ ಆವೃತ್ತಿಯಲ್ಲಿ ಸತತ 2ನೇ ಸೋಲು ಅನುಭವಿಸಿದೆ. ಗುರುವಾರ ನಡೆದ ಪಂದ್ಯದಲ್ಲಿ ಬುಲ್ಸ್ ತಂಡ 39-40ರಿಂದ ಬೆಂಗಾಲ್‌ಗೆ ಶರಣಾಗಿ ಅಂಕಪಟ್ಟಿಯಲ್ಲಿ ಅಗ್ರಸ್ಥಾನಕ್ಕೇರುವ ಅವಕಾಶ ತಪ್ಪಿಸಿಕೊಂಡಿತು. ಬುಲ್ಸ್ 40 ಅಂಕದೊಂದಿಗೆ 2ನೇ ಸ್ಥಾನದಲ್ಲಿದ್ದರೆ, ಡೆಲ್ಲಿ (42) ಅಗ್ರಸ್ಥಾನ ಕಾಯ್ದುಕೊಂಡಿದೆ.
ಮೊದಲಾರ್ಧದಲ್ಲಿ 13-14ರಿಂದ ಅಲ್ಪ ಹಿನ್ನಡೆ ಕಂಡಿದ್ದ ಬುಲ್ಸ್ ದ್ವಿತೀಯಾರ್ಧದ ಆರಂಭದಲ್ಲೇ ತಿರುಗೇಟು ನೀಡಿ ಪಂದ್ಯದ 29ನೇ ನಿಮಿಷದ ವೇಳೆ 27-21ರಿಂದ ಮುನ್ನಡೆ ಸಾಧಿಸಿತ್ತು. ಆದರೆ ಆ ವೇಳೆ ರೈಡಿಂಗ್‌ಗೆ ಬಂದ ನಬಿಬಕ್ಷ್‌ರನ್ನು ಔಟ್ ಮಾಡಿದರೂ, ಎಲ್ಲ ಡಿೆಂಡರ್‌ಗಳು ಲಾಬಿಗೆ (ಹಳದಿ ಮಾರ್ಕ್) ಹೋದ ಕಾರಣ ಬುಲ್ಸ್ ತಂಡ 1 ಬೋನಸ್ ಮತ್ತು 7 ಟೆಕ್ನಿಕಲ್ ಅಂಕಗಳ ಸಹಿತ ಒಟ್ಟು 8 ಅಂಕ ಬಿಟ್ಟುಕೊಟ್ಟಿತು. ಈ ತೀರ್ಪಿನ ವಿರುದ್ಧ 2 ಬಾರಿ ರಿವೀವ್ ಮೊರೆ ಹೋದರೂ ಪ್ರಯೋಜನವಾಗಲಿಲ್ಲ. ಇದರಿಂದ 28-29ರಿಂದ ಹಿನ್ನಡೆ ಕಂಡ ಬುಲ್ಸ್ ಬಳಿಕ ಪಂದ್ಯದ ಮೇಲಿನ ಹಿಡಿತವನ್ನೂ ಕಳೆದುಕೊಂಡಿತು. ನಾಯಕ ಪವನ್ ಶೆರಾವತ್ (13) ಹೋರಾಟ ವ್ಯರ್ಥವಾಯಿತು.
ನಬಿಬಕ್ಷ್ (8) ಪ್ರೊ ಕಬಡ್ಡಿ ಇತಿಹಾಸದಲ್ಲಿ ಒಂದೇ ರೈಡಿಂಗ್‌ನಲ್ಲಿ ಗರಿಷ್ಠ ಅಂಕ ಗಳಿಸಿದ ದಾಖಲೆ ಬರೆದರು. ಈ ಮುನ್ನ ಪ್ರದೀಪ್ ನರ್ವಾಲ್ 6 ಅಂಕ ಗಳಿಸಿದ್ದು ದಾಖಲೆಯಾಗಿತ್ತು.
ಗುಜರಾತ್‌ಗೆ ಜಯ
ಸಂಘಟಿತ ನಿರ್ವಹಣೆ ತೋರಿದ ಗುಜರಾತ್ ಜೈಂಟ್ಸ್ ತಂಡ ದಿನದ ಮೊದಲ ಪಂದ್ಯದಲ್ಲಿ ತಮಿಳ್ ತಲೈವಾಸ್ ವಿರುದ್ಧ 37-35ರಿಂದ ರೋಚಕ ಗೆಲುವು ದಾಖಲಿಸಿತು. ಮೊದಲಾರ್ಧದಲ್ಲಿ 17-14ರಿಂದ ಮುನ್ನಡೆ ಸಾಧಿಸಿದ್ದ ಗುಜರಾತ್, ಮಂಜೀತ್ (12) ಮತ್ತು ಅಜಿಂಕ್ಯ ಪವಾರ್ (10) ದಿಟ್ಟ ಹೋರಾಟದ ನಡುವೆಯೂ ದ್ವಿತೀಯಾರ್ಧದಲ್ಲೂ ಮುನ್ನಡೆ ಕಾಯ್ದುಕೊಂಡು ಜಯಿಸಿತು.
Namma #Bullsquad gave it their all but tonight was not meant to be on our side!
We will bounce back!#BLRvBEN #FullChargeMaadi #SuperhitPanga #VivoProKabaddi #BengaluruBulls #kabaddi #VivoPKL8 #Season8 #KhelKabaddi #prokabaddileague2021 pic.twitter.com/63vZldqR86— Bengaluru Bulls (@BengaluruBulls) January 20, 2022
ಐಸಿಸಿ ವರ್ಷದ ಟೆಸ್ಟ್ ತಂಡದಲ್ಲಿ ಮೂವರು ಭಾರತೀಯರಿಗೆ ಸ್ಥಾನ, ಏಕದಿನದಲ್ಲಿ ನಿರಾಸೆ