ನವದೆಹಲಿ: ಸ್ಟಾರ್ ದಂಪತಿ ಪ್ರಿಯಾಂಕ ಚೋಪ್ರಾ ಮತ್ತು ನಿಕ್ ಜೋನಾಸ್ ತಮ್ಮ ವಿಭಿನ್ನ ವೇಷಭೂಷಣದಿಂದಲೇ ಮತ್ತೊಮ್ಮೆ ಸುದ್ದಿಯಾಗಿದ್ದಾರೆ.
ಅಮೆರಿಕದ ಲಾಸ್ ಏಂಜಲಿಸ್ನಲ್ಲಿ ನಿನ್ನೆ ರಾತ್ರಿ ನಡೆದ 62ನೇ ಆವೃತ್ತಿಯ ಅತಿದೊಡ್ಡ ಮ್ಯೂಸಿಕ್ ಅವಾರ್ಡ್ಸ್ ನೈಟ್ ಗ್ರ್ಯಾಮಿ 2020 ಕಾರ್ಯಕ್ರಮದಲ್ಲಿ ಪಿಗ್ಗಿ ಮತ್ತು ನಿಕ್ ಎಂಟ್ರಿ ಎಲ್ಲರನೊಮ್ಮೆ ತಿರುಗು ನೋಡುವಂತೆ ಮಾಡಿದೆ.
ಎಂದಿನಂತೆ ಕಾರ್ಯಕ್ರಮಕ್ಕೆ ಆಗಮಿಸುವಾಗ ರೆಡ್ ಕಾರ್ಪೆಟ್ ಮೇಲೆ ನಿಂತು ಕ್ಯಾಮರಾಗೆ ಸ್ಟಾರ್ ದಂಪತಿ ಪೋಸ್ ನೀಡಿದ್ದಾರೆ. ಇದಕ್ಕೆ ಸಂಬಂಧಪಟ್ಟ ಫೋಟೋಗಳನ್ನು ಪಿಗ್ಗಿ ತಮ್ಮ ಇನ್ಸ್ಟಾಗ್ರಾಂನಲ್ಲಿ ಅಪ್ಲೋಡ್ ಮಾಡಿದ್ದು, 5 ಲಕ್ಷಕ್ಕೂ ಹೆಚ್ಚು ಮಂದಿ ವೀಕ್ಷಣೆ ಮಾಡಿ ಮೆಚ್ಚುಗೆ ಸೂಚಿಸಿದ್ದಾರೆ. ಅಲ್ಲದೆ, ಜಾಲತಾಣದಲ್ಲಿಯೂ ವೈರಲ್ ಆಗಿದೆ.
ಕುತ್ತಿಗೆಯಿಂದ ಹೊಟ್ಟೆಯವರೆಗೂ ತೆರೆದಿರುವ ಮತ್ತು ಅರ್ಧ ಎದೆಯನ್ನು ತೋರುವ ಉದ್ದವಾದ ಗೌನ್ ಧರಿಸಿ ಪಿಗ್ಗಿ ಬೋಲ್ಡ್ ಆಗಿ ಕಾಣಿಸಿಕೊಂಡಿದ್ದಾರೆ. ನಿಕ್ ಕೂಡ ಗೋಲ್ಡ್ ಬಣ್ಣದ ಸೂಟ್ ಧರಿಸಿ ಮಿಂಚಿದ್ದಾರೆ. (ಏಜೆನ್ಸೀಸ್)