ನವದೆಹಲಿ: ವಿಮಾನದಲ್ಲಿ ಪ್ರಯಾಣಿಸುವವರಿಗೆ ವೈ-ಫೈ ಸೇವೆ ಒದಗಿಸಲು ಭಾರತದಲ್ಲಿ ಕಾರ್ಯನಿರ್ವಹಿಸುತ್ತಿರುವ ವಿಮಾನಯಾನ ಸಂಸ್ಥೆಗಳಿಗೆ ಕೇಂದ್ರ ಸರ್ಕಾರ ಸೋಮವಾರ ಅನುಮತಿ ನೀಡಿದೆ.
ಇದರಿಂದಾಗಿ ದೇಶದೊಳಗೆ ಸಂಚರಿಸುವ ವಿಮಾನಗಳಲ್ಲಿ ವೈ-ಫೈ ಬಳಸಬಹುದಾಗಿದೆ. ಲ್ಯಾಪ್ಟಾಪ್, ಸ್ಮಾರ್ಟ್ಫೋನ್, ಟ್ಯಾಬ್ಲೆಟ್, ಸ್ಮಾರ್ಟ್ವಾಚ್ ಹಾಗೂ ಇ-ರೀಡರ್ ಸೇರಿ ಇನ್ನಿತರ ಉಪಕರಣಗಳು ಫ್ಲೈಟ್ವುೂಡ್ನಲ್ಲಿದ್ದರೂ ವೈ-ಫೈ ಸೇವೆ ಬಳಸಬಹುದಾಗಿದೆ. ನಾಗರಿಕ ವಿಮಾನಯಾನದ ಮಹಾನಿರ್ದೇಶಕರು ಪ್ರಮಾಣಿಕರಿಸಿದ ಬಳಿಕ ವಿಮಾನಗಳಲ್ಲಿ ವೈ-ಫೈ ಬಳಕೆ ಜಾರಿಯಾಗಲಿದೆ. ಲ್ಯಾಂಡಿಂಗ್ ಮತ್ತು ಟೇಕಾಫ್ ಸಮಯಗಳನ್ನು ಹೊರತುಪಡಿಸಿ ಹಾರಾಟದ ಸಮಯದಲ್ಲಿ ವೈ-ಫೈ ಸೌಲಭ್ಯ ಸಿಗಲಿದೆ. ಪೈಲಟ್ನ ಆದೇಶದ ಮೇರೆಗೆ ಪ್ರಯಾಣಿಕರು ತಮ್ಮ ಮೊಬೈಲ್ಗಳನ್ನು ಫ್ಲೈಟ್ ಮೋಡ್ಗೆ ಹಾಕುತ್ತಿದ್ದಾರೆ.