ಬೆಂಗಳೂರು: ಡಿಜಿಟಲ್ ಪಾವತಿ ಮೂಲಕ ಟಿಕೆಟ್ ಪಡೆದುಕೊಂಡು ನಮ್ಮ ಮೆಟ್ರೋದಲ್ಲಿ ಪ್ರಯಾಣಿಸುತ್ತಿರುವ ಪ್ರಯಾಣಿಕರ ಸಂಖ್ಯೆ ಏರಿಕೆಯಾಗುತ್ತಿದೆ. ಇದರಿಂದ ಸಹಜವಾಗಿಯೇ ಬೆಳಗ್ಗೆ ಸಂಜೆಯ ಹೊತ್ತಿನಲ್ಲಿ ಟಿಕೆಟ್ ಕೌಂಟರ್ಗಳ ಮುಂಭಾಗ ಉಂಟಾಗುತ್ತಿದ್ದ ಜನದಟ್ಟಣೆ ಕಡಿಮೆಯಾಗುತ್ತಿದೆ.
ಪ್ರಯಾಣಿಕರಿಗೆ ಅನುಕೂಲ ಕಲ್ಪಿಸಲು ಹಾಗೂ ಟಿಕೆಟ್ ಕೌಂಟರ್ಗಳಲ್ಲಿ ಉಂಟಾಗುವ ಸರತಿ ಸಾಲನ್ನು ತಪ್ಪಿಸಲು ಬೆಂಗಳೂರು ಮೆಟ್ರೋ ರೈಲು ನಿಗಮ ನಿಯಮಿತ 2022 ನವೆಂಬರ್ನಲ್ಲಿ ಕ್ಯೂಆರ್ ಕೋಡ್ ಟಿಕೆಟ್ ಸೌಲಭ್ಯವನ್ನು ಪರಿಚಯಿಸಿತ್ತು. ಇದೀಗ ಕಳೆದ ಡಿಸೆಂಬರ್ನಲ್ಲಿ 25.9 ಲಕ್ಷ ಜನರು ಕ್ಯೂಆರ್ ಕೋಡ್ ಟಿಕೆಟ್ ಪಡೆದುಕೊಂಡು ಮೆಟ್ರೋದಲ್ಲಿ ಪ್ರಯಾಣಿಸಿದ್ದಾರೆ.
ಸದ್ಯ ಮೆಟ್ರೋದಲ್ಲಿ ನಿತ್ಯ 6.5 ಲಕ್ಷದಷ್ಟು ಮಂದಿ ಸಂಚರಿಸುತ್ತಿದ್ದು, 1 ಲಕ್ಷದಷ್ಟು ಪ್ರಯಾಣಿಕರು ಕ್ಯೂಆರ್ ಕೋಡ್ ಟಿಕೆಟ್ ಪಡೆದುಕೊಳ್ಳುತ್ತಿದ್ದಾರೆ. ಕಳೆದ ನವೆಂಬರ್ನಲ್ಲಿ 18.7 ಲಕ್ಷ ಹಾಗೂ ಅಕ್ಟೋಬರ್ನಲ್ಲಿ 16.9 ಲಕ್ಷ ಜನರು ಕ್ಯೂಆರ್ ಕೋಡ್ ಟಿಕೆಟ್ ಬಳಸಿದ್ದಾರೆ.
ಕ್ಯೂಆರ್ ಕೋಡ್ ಟಿಕೆಟ್ನ್ನು ಪ್ರಯಾಣಿಕರು ವಾಟ್ಸ್ಆ್ಯಪ್, ನಮ್ಮ ಮೆಟ್ರೋ ಮೊಬೈಲ್ ಆ್ಯಪ್, ಪೇಟಿಎಂ, ಅಮೆಜಾನ್ ಪೇ ಮುಖಾಂತರ ಪಡೆದುಕೊಳ್ಳಬಹುದು. ಜತೆಗೆ ಗ್ರೂಪ್ ಟಿಕೆಟ್ಗಳನ್ನು ಕೂಡ ಪಡೆಯಬಹುದು.