ಮುಂಬೈ: ಭಾರತದ ಪ್ರಮುಖ ಉದ್ಯಮಿ ಗೌತಮ್ ಅದಾನಿ ಅವರ ಸಂಪತ್ತಿನಲ್ಲಿ ಬುಧವಾರ ಭಾರಿ ಜಿಗಿತ ಕಂಡುಬಂದಿದೆ. ಫೋರ್ಬ್ಸ್ ಬಿಲಿಯನೇರ್ ಇಂಡೆಕ್ಸ್ ಪ್ರಕಾರ, ಅವರ ಸಂಪತ್ತು ಒಂದೇ ದಿನದಲ್ಲಿ $ 10.6 ಬಿಲಿಯನ್ (ಭಾರತೀಯ ಕರೆನ್ಸಿಯಲ್ಲಿ ಸುಮಾರು 88,000 ಕೋಟಿ ರೂ.) ಹೆಚ್ಚಾಗಿದೆ. ಈ ಹೆಚ್ಚಳದ ನಂತರ, ಗೌತಮ್ ಅದಾನಿ ಅವರ ಒಟ್ಟು ಸಂಪತ್ತು $70.8 ಬಿಲಿಯನ್‌ಗೆ ಏರಿದೆ.
ಅದಾನಿ ಸಂಪತ್ತಿನ ಏರಿಕೆಗೆ ಕಾರಣ
ಮಂಗಳವಾರ ಅದಾನಿ ಗ್ರೂಪ್‌ನ ಷೇರುಗಳ ಏರಿಕೆಯೇ ಅದಾನಿ ಸಮೂಹದ ಸಂಪತ್ತಿನ ಏರಿಕೆಗೆ ಕಾರಣ. ಹಿಂಡೆನ್‌ಬರ್ಗ್ ಪ್ರಕರಣದಲ್ಲಿ ಅಮೆರಿಕದಿಂದ ಕ್ಲೀನ್ ಚಿಟ್ ಪಡೆದ ನಂತರ, ಅದಾನಿ ಗ್ರೂಪ್‌ನ ಎಲ್ಲಾ ಷೇರುಗಳಲ್ಲಿ ತೀವ್ರ ಏರಿಕೆ ದಾಖಲಾಗಿದೆ. ನಿನ್ನೆಯ ವಹಿವಾಟಿನಲ್ಲಿ ಅದಾನಿ ಎಂಟರ್‌ಪ್ರೈಸಸ್ ಶೇ.17, ಅದಾನಿ ಪೋರ್ಟ್ ಶೇ.15, ಅಂಬುಜಾ ಸಿಮೆಂಟ್ ಶೇ.7.2, ಅದಾನಿ ಟೋಟಲ್ ಗ್ಯಾಸ್ ಶೇ.19.9, ಎಸಿಸಿ ಶೇ.8.2, ಅದಾನಿ ಗ್ರೀನ್ ಎನರ್ಜಿ ಶೇ.20, ಅದಾನಿ ವಿಲ್ಮರ್ ಶೇ.9.9, ಎನ್‌ಡಿಟಿವಿ ಶೇ.18.4, ಅದಾನಿ ಪವರ್ ಶೇ.15. ಅದಾನಿ ಗ್ರೀನ್ ಸೊಲ್ಯೂಷನ್ಸ್‌ನಲ್ಲಿ ಶೇಕಡ 20 ರಷ್ಟು ಜಿಗಿತ ದಾಖಲಾಗಿದೆ.
ಬಿಲಿಯನೇರ್‌ಗಳ ಪಟ್ಟಿಯಲ್ಲಿ 16ನೇ ಸ್ಥಾನ
ಸಂಪತ್ತಿನ ಏರಿಳಿತದಿಂದಾಗಿ, ಕೋಟ್ಯಾಧಿಪತಿಗಳ ಪಟ್ಟಿಯಲ್ಲಿ ಗೌತಮ್ ಅದಾನಿ ಸ್ಥಾನವು ಪ್ರಬಲವಾಗಿದೆ. ಅವರು ಫೋರ್ಬ್ಸ್ ಬಿಲಿಯನೇರ್ ಇಂಡೆಕ್ಸ್‌ನಲ್ಲಿ $70.8 ಬಿಲಿಯನ್ ನಿವ್ವಳ ಮೌಲ್ಯದೊಂದಿಗೆ ವಿಶ್ವದ 16 ನೇ ಶ್ರೀಮಂತ ವ್ಯಕ್ತಿಯಾಗಿ ಉಳಿದಿದ್ದಾರೆ. ಗೌತಮ್ ಅದಾನಿ ಅವರು ಬ್ಲೂಮ್‌ಬರ್ಗ್ ಬಿಲಿಯನೇರ್ಸ್ ಇಂಡೆಕ್ಸ್‌ನಲ್ಲಿ $ 70.2 ಬಿಲಿಯನ್ ಸಂಪತ್ತನ್ನು ಹೊಂದಿರುವ ವಿಶ್ವದ 16 ನೇ ಶ್ರೀಮಂತ ವ್ಯಕ್ತಿಯಾಗಿ ಸ್ಥಾನ ಪಡೆದಿದ್ದಾರೆ.
ಅಂಬಾನಿ ಮತ್ತು ಅದಾನಿ ಸಂಪತ್ತಿನ ವ್ಯತ್ಯಾಸ
ಸಂಪತ್ತು ಭಾರೀ ಪ್ರಮಾಣದಲ್ಲಿ ಏರಿಕೆಯಾಗಿದ್ದರೂ ಮುಖೇಶ್ ಅಂಬಾನಿ ಮತ್ತು ಗೌತಮ್ ಅದಾನಿ ಆಸ್ತಿಯಲ್ಲಿ ದೊಡ್ಡ ವ್ಯತ್ಯಾಸವಿದೆ. ಫೋರ್ಬ್ಸ್ ಬಿಲಿಯನೇರ್ ಇಂಡೆಕ್ಸ್ ಪ್ರಕಾರ, ಪ್ರಸ್ತುತ ರಿಲಯನ್ಸ್ ಇಂಡಸ್ಟ್ರೀಸ್‌ನ ಮುಖೇಶ್ ಅಂಬಾನಿ ಅವರ ಸಂಪತ್ತು $ 94.9 ಬಿಲಿಯನ್ ಆಗಿದೆ. ಹಾಗೆಯೇ ಗೌತಮ್ ಅದಾನಿ ಅವರ ಸಂಪತ್ತು 70.8 ಬಿಲಿಯನ್ ಡಾಲರ್ ಆಗಿದೆ.
ವಿಶ್ವದ ಟಾಪ್ 5 ಬಿಲಿಯನೇರ್‌ಗಳು
* ಟೆಸ್ಲಾ ಸಿಇಒ ಎಲೋನ್ ಮಸ್ಕ್ $244.3 ಬಿಲಿಯನ್ ನಿವ್ವಳ ಮೌಲ್ಯದೊಂದಿಗೆ ವಿಶ್ವದ ಅತ್ಯಂತ ಶ್ರೀಮಂತ ವ್ಯಕ್ತಿಯಾಗಿ ಉಳಿದಿದ್ದಾರೆ.
* ಫ್ರೆಂಚ್ ಐಷಾರಾಮಿ ಬ್ರಾಂಡ್ LMVH ನ ಮಾಲೀಕ ಬರ್ನಾರ್ಡ್ ಅರ್ನಾಲ್ಟ್ $ 191.3 ಬಿಲಿಯನ್‌ನೊಂದಿಗೆ ಎರಡನೇ ಸ್ಥಾನದಲ್ಲಿದ್ದಾರೆ.
* ಮೂರನೇ ಸ್ಥಾನದಲ್ಲಿ ಅಮೆಜಾನ್ ಸಂಸ್ಥಾಪಕ ಜೆಫ್ ಬೋಜೋಸ್ ಅವರು $169.2 ಬಿಲಿಯನ್ ಮೌಲ್ಯದ ಆಸ್ತಿ ಹೊಂದಿದ್ದಾರೆ.
* ಒರಾಕಲ್ ಮಾಲೀಕ ಲ್ಯಾರಿ ಎಲಿಸನ್ 144.6 ಬಿಲಿಯನ್ ಡಾಲರ್‌ಗಳೊಂದಿಗೆ ನಾಲ್ಕನೇ ಸ್ಥಾನದಲ್ಲಿದ್ದಾರೆ.
* ವಾರೆನ್ ಬಫೆಟ್ $117.9 ಶತಕೋಟಿಯೊಂದಿಗೆ ಐದನೇ ಸ್ಥಾನದಲ್ಲಿದ್ದಾರೆ.
ಎಲ್ಲಾ ದಾಖಲೆ ಮುರಿದ ‘ಚಿನ್ನ’…ಡಿಸೆಂಬರ್ ಅಂತ್ಯದ ವೇಳೆಗೆ ಬೆಲೆ ಊಹಿಸಿಕೊಂಡ್ರೆನೇ ಕಷ್ಟಕಷ್ಟ!