ಅಂಕಾರ (ಟರ್ಕಿ): ನಂಬಿಕೆ ಅರ್ಹಳಲ್ಲ ಎಂದು ಗೊತ್ತಾದ ಬಳಿಕ ವಿಚ್ಛೇದನಕ್ಕೆ ಅರ್ಜಿ ಸಲ್ಲಿಸಿದ ಪತಿಯನ್ನು ಕೊಲ್ಲಲು ಪ್ರಖ್ಯಾತ ಫುಟ್ಬಾಲ್ ಆಟಗಾರನ ಪತ್ನಿ ಸುಪಾರಿ ನೀಡಿರುವ ಘಟನೆ ಟರ್ಕಿಯಲ್ಲಿ ಬೆಳಕಿಗೆ ಬಂದಿದೆ.
ಯುಗ್ಮುರ್ ಆಸಿಕ್ (27) ಎಂಬಾಕೆ ತನ್ನ ಪತಿ ಟರ್ಕಿ ದೇಶದ ಅಂತಾರಾಷ್ಟ್ರೀಯ ಮಾಜಿ ಫುಟ್ಬಾಲ್ ಆಟಗಾರ ಎಮ್ರೆ ಆಸಿಕ್ (46)ರನ್ನು ಹತ್ಯೆ ಮಾಡಲು ಬರೋಬ್ಬರಿ 1 ಮಿಲಿಯನ್ ಪೌಂಡ್ ( ಭಾರತೀಯ ಕರೆನ್ಸಿ ಪ್ರಕಾರ 9,48,31,784 ರೂಪಾಯಿ) ಸುಪಾರಿ ನೀಡಿದ್ದಳು ಎಂದು ತಿಳಿದುಬಂದಿದೆ. ತನ್ನ ಲವರ್ ಎರ್ಡಿ ಸುಂಗುರ್ಗೆ ಹತ್ಯೆ ಮಾಡಲು ತಿಳಿಸಿದ್ದಳು. ಕೊಲೆ ಮಾಡಲು ಶಸ್ತ್ರಾಸ್ತ್ರವನ್ನು ಸಹ ಯುಗ್ಮುರ್ ನೀಡಿದ್ದಳು.
ಯುಗ್ಮೂರ್ 2012ರಲ್ಲಿ ಎಮ್ರೆಯನ್ನು ಮದುವೆಯಾಗಿದ್ದಾಳೆ. ದಂಪತಿಗೆ ಮೂವರು ಮಕ್ಕಳು ಸಹ ಇದ್ದಾರೆ. ಅಕ್ರಮ ಸಂಬಂಧ ಹಿನ್ನೆಲೆಯಲ್ಲಿ ನಂಬಿಕೆ ಅರ್ಹವಲ್ಲ ಎಂದು ಪತ್ನಿಯ ವಿರುದ್ಧ ಎಮ್ರೆ ವಿಚ್ಛೇದನಕ್ಕೆ ಅರ್ಜಿ ಸಲ್ಲಿಸಿದ್ದರು. ಇದರಿಂದ ಕೋಪಗೊಂಡಿದ್ದ ಯುಗ್ಮೂರ್ ಸುಪಾರಿ ನೀಡಿದ್ದಳು. ಸುಂಗೂರ್ ಆರಂಭದಲ್ಲಿ ಸುಪಾರಿ ಕಿಲ್ಲರ್ನನ್ನು ಭೇಟಿಯಾಗಿದ್ದ. ಆದರೆ, ಒಪ್ಪದಿದ್ದಕ್ಕೆ ತಾನೇ ಕೃತ್ಯವೆಸಗಲು ಮುಂದಾಗಿದ್ದ. ಆದರೆ, ಇದೀಗ ಪೊಲೀಸರ ಕೈಗೆ ಸಿಕ್ಕಿಬಿದ್ದಿದ್ದಾನೆ.
ಇದನ್ನೂ ಓದಿ: ಗೌರಮ್ಮ ವಾಕ್ಸಮರಕ್ಕೆ ಬೆಚ್ಚಿದ ಕಾಂಗ್ರೆಸ್: ಡಿ.ಕೆ. ರವಿ ಪತ್ನಿ ಕುಸುಮಾ ಆಸೆಗೆ ತಣ್ಣೀರು ಸಾಧ್ಯತೆ!?
ಸಂಗೂರ್ ನ್ಯಾಯಾಲಯದಲ್ಲಿ ತನ್ನ ತಪ್ಪು ಒಪ್ಪಿಕೊಂಡಿದ್ದು, ಯುಗ್ಮೂರ್ ಜತೆ ಅಕ್ರಮ ಸಂಬಂಧ ಹೊಂದಿರುವುದಾಗಿ ಬಹಿರಂಗಪಡಿಸಿದ್ದಾನೆ. ಎಮ್ರೆ ಸಾವಿನ ನಂತರ ಆತನ ಆಸ್ತಿಯನ್ನು ಅನುವಂಶಿಕವಾಗಿ ಪಡೆಯುವ ಯೋಚನೆಯಲ್ಲಿದ್ದಳು. ಹೀಗಾಗಿ ಕೊಲೆ ಮಾಡುವಂತೆ ನನಗೆ ಹೇಳಿದಳು. ಆದರೆ, ನಾನು ನಿರಾಕರಿಸಿದೆ ಎಂದಿದ್ದಾನೆ.
ಒಂದು ದಿನ ಯುಗ್ಮೂರ್ ಒಂದು ಮಾಂಸದ ತುಣುಕನ್ನು ನನಗಾಗಿ ತಂದಿದ್ದಳು. ಮಾಂಸಕ್ಕೆ ಗುರಿಯಿಟ್ಟು ಶೂಟ್ ಮಾಡಲು ಹೇಳಿದಳು. ನಾನು ಪ್ರಯತ್ನಿಸಿದೆ. ಆದರೆ, ಗುರಿ ತಪ್ಪಿತು. ನೀನು ಮಾಡುತ್ತೀಯ ಪ್ರಯತ್ನಿಸು ಎಂದು ಕೋಪದಿಂದಲೇ ಹೇಳಿದಳು ಎಂದು ಸಂಗೂರ್ ತಪ್ಪೊಪ್ಪಿಕೊಂಡಿದ್ದಾನೆ.
ಹತ್ಯೆಗೆ ಶಸ್ತ್ರಾಸ್ತ್ರವನ್ನು ನೀಡಿರುವ ಸಂಬಂಧ ದಾಖಲೆಯನ್ನು ಸಹ ನ್ಯಾಯಾಲಯಕ್ಕೆ ಸಲ್ಲಿಸಲಾಗಿದೆ. ಇನ್ನು ಸಪಾರಿ ಪ್ರಕರಣವನ್ನು ಸ್ವತಃ ಕಾಂಟ್ರ್ಯಾಕ್ಟ್ ಕಿಲ್ಲರ್ ಎಮ್ರೆ ಬಳಿ ಬಿಚ್ಚಿಟ್ಟ ಬಳಿಕ ಪ್ರಕರಣ ಬೆಳಕಿಗೆ ಬಂದಿದೆ. ಸದ್ಯ ಯುಗ್ಮೂರ್ ಮತ್ತು ಸಂಗೂರ್ ಇದೀಗ ಪೊಲೀಸ್ ಕಸ್ಟಡಿಯಲ್ಲಿದ್ದು, ವಿಚಾರಣೆಗೆ ಎದುರು ನೋಡುತ್ತಿದ್ದಾರೆ.
ಇನ್ನು ಎಮ್ರೆ ಆಸಿಕ್ ಅವರು ಇಸ್ತಾನ್ಬುಲ್ ಕ್ಲಬ್ಸ್, ಗಲಾಟಾಸರಾಯ್, ಫೆನೆರ್ಬೆಹ್ಸ್ ಮತ್ತು ಬೆಸಿಕ್ತಸ್ ಪರ ಆಡಿದ್ದು, ಟರ್ಕಿಯ ಯಶಸ್ವಿ ಓಟದ ವೇಳೆ 34 ಕ್ಯಾಪ್ಗಳನ್ನು ತಮ್ಮ ಮುಡಿಗೇರಿಸಿಕೊಂಡಿದ್ದಾರೆ. (ಏಜೆನ್ಸೀಸ್)
ಹಸ್ತಮೈಥುನ ದೃಶ್ಯದಲ್ಲಿ ನಟಿಸಲು ಶ್ರುತಿ ಹಾಸನ್ ರೆಡಿ?: ಯಾವ ಚಿತ್ರ ಎಂಬುದರ ಕುತೂಹಲಕರ ಮಾಹಿತಿ ಇಲ್ಲಿದೆ