ಮಾಸ್ಕೋ: ತರಬೇತಿ ವೇಳೆ ಸಿಡಿಲು ಬಡಿದು ಹದಿನಾರು ವರ್ಷದ ರಷ್ಯಾದ ಫುಟ್ಬಾಲ್ ಆಟಗಾರನೊಬ್ಬ ಕೋಮಾಗೆ ಜಾರಿ ಸಾವು ಬದುಕಿನ ನಡುವೆ ಹೋರಾಡುತ್ತಿದ್ದಾನೆ. ಸಿಡಿಲ ಬಡಿತಕ್ಕೆ ಆತನ ಕತ್ತಿನ ಸುತ್ತ ಗಂಭೀರವಾದ ಗಾಯವಾಗಿದೆ.
ಇವಾನ್ ಜಬೊರ್ಸ್ಕೈ ಎಂಬ ಬಾಲಕ ಜೀವನ್ಮರಣ ಹೋರಾಟ ನಡೆಸುತ್ತಿದ್ದಾರೆ. ಈ ಭಯಾನಕ ಘಟನೆಯು ರಷ್ಯಾ ರಾಜಧಾನಿ ಮಾಸ್ಕೋ ಬಳಿಕ ಒರೆಖವೋ-ಜಿವೋದಲ್ಲಿ ನಡೆದಿದೆ.
ಇದನ್ನೂ ಓದಿ: VIDEO| ಕರೊನಾಗೂ ಕ್ಯಾರೆ ಎನ್ನದೇ ಡ್ಯಾನ್ಸ್ ಮಾಡಿ ಪತ್ನಿಗೆ ಧೈರ್ಯ ತುಂಬಿದ ಸೋಂಕಿತ…!
ಗೋಲ್ಕೀಪರ್ ಆಗಿರುವ ಇವಾನ್ ತಮ್ಮ ತಂಡದಿಂದ ಪ್ರತ್ಯೇಕವಾಗಿ ತರಬೇತಿ ಪಡೆಯುತ್ತಿದ್ದ. ತನ್ನ ಕತ್ತಿನಲ್ಲಿ ಇವಾನ್ ಲೋಹದ ಚೈನ್ ಧರಿಸಿದ್ದ. ಅದಕ್ಕೆ ಸಿಡಿಲು ಬಡಿದಿದೆ.
ಆಘಾತಕಾರಿಯೆಂದರೆ ಸಿಡಿಲು ಬಡಿಯುವಾಗ ಮಳೆ ಬರುವ ಮುನ್ಸೂಚನೆಯೇನು ಇರಲಿಲ್ಲ. ಮೋಡವು ಸಹ ಸ್ಪಷ್ಟವಾಗಿತ್ತು. ಇದೇ ವೇಳೆ ಜ್ನಾಮ್ಯಾ ಟ್ರಾಡಾ ಫುಟ್ಬಾಲ್ ಕ್ಲಬ್ನಿಂದ ತರಬೇತಿ ನಡೆಯುತ್ತಿತ್ತು. ಇದೇ ವೇಳೆ ಇವಾನ್ಗೆ ಸಿಡಿಲು ಬಡಿದಿದೆ.
ಇದಕ್ಕೆ ಸಂಬಂಧಿಸಿದ ವಿಡಿಯೋ ಸಹ ವೈರಲ್ ಆಗಿದ್ದು, ಪೆನಾಲ್ಟಿ ಏರಿಯಾದ ಕೊನೆಯಿಂದ ಬಾಲನ್ನು ಇವಾನ್ ಒದೆಯುತ್ತಾನೆ. ತಕ್ಷಣವೇ ಆತನಿಗೆ ಸಿಡಿಲು ಬಡಿಯುತ್ತದೆ. ನೆಲದಲ್ಲೇ ಕುಸಿದು ಬೀಳುವ ಆತನನ್ನು ನೋಡಿ ಕೋಚ್ ಮತ್ತು ತಂಡದ ಸಹ ಆಟಗಾರರು ಧಾವಿಸಿಬರುವುದು ವಿಡಿಯೋದಲ್ಲಿ ದಾಖಲಾಗಿದೆ.
ಪ್ರಜ್ಞೆ ತಪ್ಪಿ ಬಿದ್ದಿದ ಇವಾನ್ನನ್ನು ಮೊದಲು ಸ್ಥಳೀಯ ಆಸ್ಪತ್ರೆಗೆ ದಾಖಲಿಸಲಾಯಿತು. ಬಳಿಕ ಹೆಚ್ಚಿನ ಚಿಕಿತ್ಸೆಗಾಗಿ ಹೆಲಿಕಾಪ್ಟರ್ ಮೂಲಕ ಮಾಸ್ಕೋ ಕ್ಲೀನಿಕ್ಗೆ ಸ್ಥಳಾಂತರಿಸಲಾಗಿದ್ದು, ಕೋಮಾಗೆ ಜಾರಿರುವ ಇವಾನ್ ಆರೋಗ್ಯ ಸ್ಥಿತಿ ಸದ್ಯ ಸ್ಥಿರವಾಗಿದೆ. ಕೋಚ್ ಹಾಗೂ ತಂಡದ ಆಟಗಾರರು ಇವಾನ್ ಚೇತರಿಕೆಗೆ ಪ್ರಾರ್ಥನೆ ಸಲ್ಲಿಸಿದ್ದಾರೆ. (ಏಜೆನ್ಸೀಸ್)
(ವಿಡಿಯೋ ಕೃಪೆ: ಡೈಲಿ ಮೇಲ್)
ಕೊಲೆಯಾದ್ರೂ ಸಹ ಆರೋಪಿಗಳ ಸುಳಿವು ನೀಡಿ ಸಾವಿನಲ್ಲೂ ಕರ್ತವ್ಯ ಮೆರೆದ ಪೊಲೀಸ್…!