ಬೆಂಗಳೂರು: ರಾಷ್ಟ್ರೀಯ ಹೆದ್ದಾರಿಗಳ ಟೋಲ್ಪ್ಲಾಜಾಗಳಲ್ಲಿ ಜ.15ರಿಂದ ಕಡ್ಡಾಯ ಮಾಡಲಾಗಿರುವ ಫಾಸ್ಟಾ್ಯಗ್ ವ್ಯವಸ್ಥೆಯಿಂದಾಗಿ ದೇಶಾದ್ಯಂತ ಜನವರಿಯಲ್ಲಿ 365 ಕೋಟಿ ರೂ. ಹೆಚ್ಚುವರಿ ಟೋಲ್ ಶುಲ್ಕ ಸಂಗ್ರಹವಾಗಿದೆ. ಟೋಲ್ನಲ್ಲಿ ವಾಹನಗಳ ಕಾಯುವಿಕೆ ಸಮಯ ತಗ್ಗಿಸಲು ಮತ್ತು ಇಂಧನ ಉಳಿಸುವ ಸಲುವಾಗಿ ಫಾಸ್ಟಾ್ಯಗ್ ಜಾರಿಗೆ ತರಲಾಗಿದೆ. ಪರಿಣಾಮ ಟೋಲ್ಶುಲ್ಕ ವಸೂಲಿ ಪ್ರಮಾಣದಲ್ಲೂ ಏರಿಕೆಯಾಗಿದ್ದು, 2019ರ ನವೆಂಬರ್ಗೆ ಹೋಲಿಸಿದರೆ ಜನವರಿಯಲ್ಲಿ ಶೇ.120 ಅಧಿಕ ಟೋಲ್ ಮೊತ್ತ ಸಂಗ್ರಹವಾಗಿದೆ.
ದೇಶಾದ್ಯಂತ ರಾ.ಹೆ. ಟೋಲ್ಪ್ಲಾಜಾಗಳಲ್ಲಿ 2019ರ ನವೆಂಬರ್ಗೆ ಫಾಸ್ಟಾ್ಯಗ್ ಮೂಲಕ 773.95 ಕೋಟಿ ರೂ., ಡಿಸೆಂಬರ್ನಲ್ಲಿ 1,256.84 ಕೋಟಿ ರೂ. ಶುಲ್ಕ ವಸೂಲಿಯಾಗಿತ್ತು. ಜನವರಿಯಲ್ಲಿ ಶುಲ್ಕ ಸಂಗ್ರಹ 1,622.68 ಕೋಟಿ ರೂ. ತಲುಪಿದೆ. ಆ ಮೂಲಕ ಡಿಸೆಂಬರ್ಗಿಂತ 365.85 ಕೋಟಿ ರೂ. ಹೆಚ್ಚುವರಿಯಾಗಿ ಸಂಗ್ರಹವಾದಂತಾಗಿದೆ.
ಸ್ಕಾ್ಯನರ್ಗಳ ಪರಿಶೀಲನೆ: ಫಾಸ್ಟಾ್ಯಗ್ ಸ್ಕಾ್ಯನ್ ಮಾಡಿ ಟೋಲ್ಶುಲ್ಕ ವಸೂಲಿ ಮಾಡುವ ವ್ಯವಸ್ಥೆಯಲ್ಲಿನ ದೋಷ ಸರಿಪಡಿಸಲು ರಾಷ್ಟ್ರೀಯ ಹೆದ್ದಾರಿ ಪ್ರಾಧಿಕಾರದ ಅಧಿಕಾರಿಗಳು ಮುಂದಾಗಿದ್ದಾರೆ. ಅದಕ್ಕಾಗಿ ಟೋಲ್ಪ್ಲಾಜಾಗಳಲ್ಲಿನ ಸ್ಕಾ್ಯನರ್ಗಳು, ಕ್ಯಾಮರಾಗಳ ಪರಿಶೀಲನೆ ನಡೆಯುತ್ತಿದೆ. ಕೆಲವೊಂದು ಟೋಲ್ಗಳಲ್ಲಿ ಸಮಸ್ಯೆ ಕಂಡುಬಂದಿದ್ದು, ಸರಿಪಡಿಸುವ ಕೆಲಸ ಮಾಡಲಾಗುತ್ತಿದೆ. ಉಳಿದಂತೆ ಯಾವುದೇ ಅಡೆತಡೆಯಿಲ್ಲದೆ ಫಾಸ್ಟಾ್ಯಗ್ ಮೂಲಕ ಶುಲ್ಕ ವಸೂಲಿ ಮಾಡಲಾಗುತ್ತಿದೆ ಎಂದು ಎನ್ಎಚ್ಎಐ ಪ್ರಧಾನ ವ್ಯವಸ್ಥಾಪಕ ಶ್ರೀಧರ್ ತಿಳಿಸಿದ್ದಾರೆ.