ನವದೆಹಲಿ: ಸಾಮಾಜಿಕ ಜಾಲತಾಣದಲ್ಲಿ ಸಾಕಷ್ಟು ಸ್ಪೂರ್ತಿದಾಯಕ ಸ್ಟೋರಿಗಳು ಕಾಣ ಸಿಗುತ್ತವೆ. ಸದ್ಯ ಜಾಲತಾಣದಲ್ಲಿ ಹರಿದಾಡುತ್ತಿರುವ ಸ್ಪೋರಿಯು ಸಹ ಇದೇ ಗುಂಪಿಗೆ ಸೇರುತ್ತದೆ. ತುಂಬಾ ಉತ್ತೇಜಕವಾಗಿದ್ದರೂ, ಸ್ಟೋರಿಯಲ್ಲಿ ಟ್ವಿಸ್ಟ್ ಇನ್ನು ಹೆಚ್ಚಿನ ಸ್ಪೂರ್ತಿ ನೀಡುತ್ತದೆ.
ಈಗಾಗಲೇ ವಿವಿಧ ಬೋರ್ಡ್ ಎಕ್ಸಮ್ ಫಲಿತಾಂಶ ಹೊರಬಿದ್ದಿದೆ. ಇದರ ನಡುವೆ ಚಪ್ಪಲಿ ಹೊಲಿಯುವ ಹುಡುಗ ಹಾಗೂ ಪಶ್ಚಿಮ ಬಂಗಾಳದ ಸಂಜಯ್ ರಾಬಿದಾಸ್ ಹೆಸರಿನ ಅಂಕಪಟ್ಟಿಯ ಫೋಟೋವೊಂದು ಸಾಮಾಜಿಕ ಜಾಲತಾಣದಲ್ಲಿ ಸ್ಪೂರ್ತಿಯ ಸಂದೇಶದೊಂದಿಗೆ ಹರಿದಾಡುತ್ತಿದೆ.
ಇದನ್ನೂ ಓದಿ: ಲಾಕ್ಡೌನ್ ಸಮಯದಲ್ಲಿ ಹಿತ್ತಲಲ್ಲಿ ಬೆಳೆದ ತರಕಾರಿ ತಿಂದವಳಿಗೆ ಕಾದಿತ್ತು ಬಿಗ್ ಶಾಕ್!
ಚಪ್ಪಲಿ ಹೊಲಿಯುವ ಕೆಲಸ ಮಾಡುತ್ತಿದ್ದರೂ ಆರ್ಎಸ್ಎಸ್ ಸದಸ್ಯನಾಗಿರುವ ರಾಬಿದಾಸ್ ಪಶ್ಚಿಮ ಬಂಗಾಳ ಪ್ರೌಢ ಶಿಕ್ಷಣ ಮಂಡಳಿಯಲ್ಲಿ ಶೇ. 93 ರಷ್ಟು ಅಂಕ ಗಳಿಸಿದ್ದಾನೆ. ರಾಬಿದಾಸ್ ತನ್ನ ತಂದೆಯನ್ನು ಕಳೆದುಕೊಂಡಿದ್ದಾನೆ ಎಂದು ಫೋಟೋ ಕುರಿತು ಬರೆಯಲಾಗಿದೆ. ಇದನ್ನು ನಂಬಿದ ನೆಟ್ಟಿಗರು ರಾಬಿದಾಸ್ಗೆ ಅಭಿನಂದನೆಗಳ ಮಹಾಪೂರ ಸಲ್ಲಿಸಿದ್ದು, ಫೋಟೋವನ್ನು ತಮ್ಮ ಜಾಲತಾಣದಲ್ಲಿ ಶೇರ್ ಮಾಡಿಕೊಂಡಿದ್ದಾರೆ.
ಆದರೆ ಈ ಬಗ್ಗೆ ಇಂಡಿಯಾ ಟುಡೆ ಆ್ಯಂಟಿ ಫೇಕ್ ನ್ಯೂಸ್ ವಾರ್ ರೂಮ್ ನಡೆಸಿದ ಫ್ಯಾಕ್ಟ್ಚೆಕ್ನಲ್ಲಿ ಅಸಲಿಯತ್ತು ಬಹಿರಂಗವಾಗಿದೆ. ಫೋಟೋವನ್ನು ಗೂಗಲ್ ರಿವರ್ಸ್ ಸರ್ಚ್ ಇಂಜಿನ್ನಲ್ಲಿ ನೋಡಿದಾಗ ಸಂಜಯ್ ರಾಬಿದಾಸ್ ಕುರಿತಾದ ಸ್ಪೂರ್ತಿದಾಯ ಕತೆಯೊಂದು ತೆರೆದುಕೊಳ್ಳುತ್ತದೆ. 2018ರಲ್ಲಿ ಲೇಖನವೊಂದು ಪ್ರಕಟವಾಗಿದ್ದು, ತುಂಬಾ ಬಡತನ ಕುಟುಂಬದಲ್ಲಿ ಹುಟ್ಟಿದರೂ ಅನೇಕ ಅಡೆತಡೆಗಳನ್ನು ಮೆಟ್ಟಿನಿಂತು ರಾಬಿದಾಸ್ ಪಶ್ಚಿಮ ಬಂಗಾಳದ 10ನೇ ತರಗತಿಯಲ್ಲಿ 465 ಅಂಕ ಗಳಿಸಿದ್ದಾರೆ.
ಸಂಜಯ್ ಮೂಲತಃ ಪಶ್ಚಿಮ ಬಂಗಾಳದ ಮಾಲ್ಡಾ ಜಿಲ್ಲೆಯ ಚಂಚಲ್ ಪಟ್ಟಣದ ನಿವಾಸಿ. ಈತ ಕನೌ ಹೈಸ್ಕೂಲ್ನಲ್ಲಿ ಓದುತ್ತಿದ್ದ. ಈತನ ಸ್ಟೋರಿ 2018ರಲ್ಲಿ ಪ್ರಭಾತ್ ಖಾಬರ್ ಪತ್ರಿಕೆಯಲ್ಲಿ ಪ್ರಕಟವಾಗಿತ್ತು. ಹರಿದಾಡುತ್ತಿರುವ ಮಾರ್ಕ್ಸ್ ಕಾರ್ಡಿನಲ್ಲೂ 2018ನೇ ಇಸವಿ ಎಂಬುದು ಸ್ಪಷ್ಟವಾಗಿ ತಿಳಿಯುತ್ತದೆ.
ಇದನ್ನೂ ಓದಿ: ತಮ್ಮನಿಗೆ ಕರೊನಾ ಸೋಂಕು ದೃಢವಾದ ಬೆನ್ನಲ್ಲೇ ನೇಣಿಗೆ ಶರಣಾದ ಅಣ್ಣ
ಈ ಬಗ್ಗೆ ಮತ್ತಷ್ಟು ತಿಳಿಯಲು ಇಂಡಿಯಾ ಟುಡೆ ತಂಡ ನೇರವಾಗಿ ಸಂಜಯ್ನನ್ನೇ ಭೇಟಿ ಮಾಡಿದ್ದಾರೆ. ವೈರಲ್ ಆಗಿರುವ ಫೋಟೋ ಹಾಗೂ ಮಾರ್ಕ್ಸ್ ಕಾರ್ಡ್ ತನ್ನದೇ ಎಂದು ಒಪ್ಪಿಕೊಂಡಿರುವ ಸಂಜಯ್, ವೈರಲ್ ಆಗಿರುವಂತೆ ನಾನು ಶೇ. 93 ಅಂಕ ಗಳಿಸಿಲ್ಲ. ಬದಲಾಗಿ 2018ರಲ್ಲಿ ನಡೆದ ಎಸ್ಸೆಸ್ಸೆಲ್ಸಿ ಪರೀಕ್ಷೆಯಲ್ಲಿ 700ಕ್ಕೆ 465 ಅಂಕ ಗಳಿಸುವ ಮೂಲಕ ಶೇ 66 ಫಲಿತಾಂಶವನ್ನು ಪಡೆದಿದ್ದೇನೆ ಎಂದು ಸಂಜಯ್ ಹೇಳಿದ್ದಾನೆ. ಅಲ್ಲದೆ, ನನಗೆ ತಂದೆ ಇಲ್ಲ ಎಂಬುದನ್ನು ತಿಳಿಸಿದ್ದು, ನಾನು ಆರ್ಆರ್ಎಸ್ ಸದಸ್ಯ ಎಂಬುದನ್ನು ನಿರಾಕರಿಸಿದರು.
ಕತೆಯಲ್ಲಿ ಮತ್ತೊಂದು ಟ್ವಿಸ್ಟ್
ಜಾಲತಾಣದಲ್ಲಿ ಕಳೆದ 12 ದಿನಗಳಿಂದ ಸಂಜಯ್ ಶೇ. 93 ಫಲಿತಾಂಶ ಗಳಿಸಿದ್ದಾರೆ ಎಂದು ಫೋಟೋ ವೈರಲ್ ಆಗಿದೆ. ಕಾಕತಾಳೀಯವೆಂದರೆ ಸಂಜಯ್ ಪಶ್ಚಿಮ ಬಂಗಾಳ ಪಿಯು ಪರೀಕ್ಷೆ ಬರೆದಿದ್ದು, ಜುಲೈ 17ರಂದು ಪ್ರಕಟವಾದ ಫಲಿತಾಂಶದ ಪ್ರಕಾರ ಶೇ. 95 ಫಲಿತಾಂಶ ಬಂದಿದೆ. ಆದರೂ ಕೂಡ ವೈರಲ್ ಫೋಟೋ ತಪ್ಪು ಸಂದೇಶದೊಂದಿಗೆ ಈ ಕ್ಷಣದವರೆಗೂ ಜಾಲತಾಣದಲ್ಲಿ ಗಿರಕಿ ಹೊಡೆಯುತ್ತಿದೆ. (ಏಜೆನ್ಸೀಸ್)
ಅಪ್ಪನನ್ನು ಭೇಟಿಯಾಗಿದ್ದು ಒಮ್ಮೆ ಮಾತ್ರ, ಅವರ ಮಾತಿನಂತೆ ಸಮಾಜಸೇವೆ ಮಾಡುವ ತುಡಿತ