ನವದೆಹಲಿ: ಆಸ್ಟ್ರೇಲಿಯಾದ 9 ವರ್ಷದ ಬಾಲಕ ನಾನು ಸಾಯಲು ಬಯಸುತ್ತೇನೆ ಎಂದು ಅಳುತ್ತಿರುವ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ಶಾಲೆಯಲ್ಲಿ ಆಗುತ್ತಿರುವ ಕಿರುಕುಳ ತಡೆಯಲು ಆಗುತ್ತಿಲ್ಲ. ಹೀಗಾಗಿ ನಾನು ಸಾಯಬೇಕು ಎಂದು ವಿದ್ಯಾರ್ಥಿ ಕ್ವಾಡೆನ್ ಬೇಲ್ಸ್ ಅಳುತ್ತಿರುವ ವಿಡಿಯೋ ಸಂಚಲನ ಸೃಷ್ಟಿಸಿತ್ತು. ವಿಶ್ವವ್ಯಾಪಿ ಹಂಚಿಕೆಯಾಗಿ ನೆಟ್ಟಿಗರು ಬಾಲಕನ ಬೆಂಬಲಕ್ಕೆ ನಿಂತಿದ್ದರು. ನಂತರ ಬಾಲಕ ಮೃತಪಟ್ಟ ಸುದ್ದಿಯನ್ನು ಬಿಬಿಸಿ ನ್ಯೂಸ್ ಬಿತ್ತರಿಸಿದೆ ಎಂದು ಪೋಸ್ಟ್ನಲ್ಲಿ ತಿಳಿಸಲಾಗಿತ್ತು.
ಆದರೆ ಬಾಲಕ ಮೃತಪಟ್ಟ ಸುದ್ದಿ ಸುಳ್ಳು ಎಂದು ಫ್ಯಾಕ್ಟ್ ಚೆಕ್ನಿಂದ ಪತ್ತೆಯಾಗಿದೆ. ಇಂಡಿಯಾ ಟುಡೆ ಆ್ಯಂಟಿ ಫೇಕ್ ನ್ಯೂಸ್ ವಾರ್ ರೂಮ್ (ಎಎಫ್ಡಬ್ಲ್ಯೂಎ) ಸಾಮಾಜಿಕ ಜಾಲ ತಾಣದಲ್ಲಿ ವೈರಲ್ ಆದ ಪೋಸ್ಟ್ ನಕಲಿ ಎಂದು ಪತ್ತೆ ಮಾಡಿದೆ. 9 ವರ್ಷದ ಬಾಲಕ ಶಾಲೆಯಲ್ಲಿ ಅನುಭವಿಸಿದ ಕಿರುಕುಳದಿಂದ ಮೃತಪಟ್ಟ ಸುದ್ದಿಯನ್ನು ಬಿಬಿಸಿ ನ್ಯೂಸ್ ಪ್ರಕಟಿಸಿಲ್ಲ ಎಂಬುದನ್ನು ದೃಢಪಡಿಸಿದೆ.
ವೈರಲ್ ಆದ ದೃಶ್ಯದ ಲಿಂಕ್ ಕ್ಲಿಕ್ ಮಾಡಿದಾಗ ನಿರೂಪಕ ಮಾತನಾಡುತ್ತಿರುತ್ತಾನೆ. 9 ವರ್ಷದ ಮಗುವಿನ ಶವವನ್ನು ಪೊಲೀಸರು ಪತ್ತೆ ಮಾಡಿದ್ದಾರೆ ಎಂದು ಹೇಳಿದ ನಂತರ ವಿಡಿಯೋ ಕ್ಲಿಪ್ ಸ್ಥಗಿತಗೊಳ್ಳುತ್ತದೆ. ಹೀಗಾಗಿ ಇದು ಸುಳ್ಳು ಸುದ್ದಿ ಎಂದು ದೃಢಪಟ್ಟಿದೆ.
ಬಿಬಿಸಿ ನ್ಯೂಸ್ ವಿಶ್ವಾಸಾರ್ಹ ಸುದ್ದಿ ವಾಹಿನಿಯಾಗಿದ್ದು ಪುರಾವೆ ಇಲ್ಲದೆ ಯಾವುದೇ ಸುದ್ದಿಗಳನ್ನು ಬಿತ್ತರ ಮಾಡುವುದಿಲ್ಲ. ಬಾಲಕ ಮೃತಪಟ್ಟ ಬಗ್ಗೆ ಇತರೆ ಯಾವುದೇ ಸುದ್ದಿವಾಹಿನಿಗಳು ಬಿತ್ತರ ಮಾಡಿಲ್ಲ. ಹೀಗಾಗಿ ಇದು ಸುಳ್ಳು ಸುದ್ದಿ ಎಂಬ ನಿರ್ಧಾರಕ್ಕೆ ಬರಲಾಗಿದೆ. (ಏಜೆನ್ಸೀಸ್)
FACT CHECK| ಕ್ರೈಸ್ತ ಧರ್ಮಗುರು ಪೋಪ್ ಫ್ರಾನ್ಸಿಸ್ಗೆ ಕೊರೊನಾ ವೈರಸ್ ಸೋಂಕು ಹರಡಿದೆಯೇ?