ವಿಜಯಪುರ: ಇತ್ತೀಚೆಗೆ ಫೇಸ್ಬುಕ್ನಲ್ಲಿರುವವರ ನಕಲಿ ಖಾತೆ ರಚಿಸಿ ಮೆಸೆಂಜರ್ ಮೂಲಕ ಹಣ ಕೇಳಿ ಮೋಸ ಮಾಡುವುದು ಅತಿಯಾಗಿ ನಡೆಯುತ್ತಿದೆ. ಅಂಥದ್ದೊಂದು ಮೋಸದ ಜಾಲ ಸಾಮಾನ್ಯ ಎಂಬಷ್ಟರಮಟ್ಟಿಗೆ ದಿನೇದಿನೆ ಬೆಳಕಿಗೆ ಬರುತ್ತಿದೆ. ಅಚ್ಚರಿಯ ಸಂಗತಿ ಎಂದರೆ ಇದೀಗ ಪೊಲೀಸ್ ಇಲಾಖೆ ಹೆಸರಲ್ಲೇ ಅಂಥದ್ದೊಂದು ನಕಲಿ ಖಾತೆ ತೆರೆಯಲಾಗಿದೆ.
ಸೈಬರ್ ಖದೀಮರು ಪೊಲೀಸ್ ಜಿಲ್ಲಾ ಪೊಲೀಸರ ಹೆಸರಲ್ಲೇ ನಕಲಿ ಖಾತೆ ತೆರೆದಿದ್ದಷ್ಟೇ ಅಲ್ಲದೆ, ಆ ಖಾತೆ ಮೂಲಕ ಹಣಕ್ಕೆ ಬೇಡಿಕೆ ಇಡುವ ಕೆಲಸವನ್ನೂ ಮಾಡಿದ್ದಾರೆ. ಕೊನೆಗೂ ಇದು ಸಂಬಂಧಿತ ಪೊಲೀಸರ ಗಮನಕ್ಕೆ ಬಂದಿದ್ದು ದೂರು ಕೂಡ ದಾಖಲಾಗಿದೆ. ವಿಜಯಪುರ ಜಿಲ್ಲಾ ಪೊಲೀಸ್ ಎಂಬ ಹೆಸರಿನಲ್ಲಿ ಈ ಫೇಕ್ ಅಕೌಂಟ್ ಸೃಷ್ಟಿಸಲಾಗಿದೆ.
ವಿಜಯಪುರ ಜಿಲ್ಲಾ ಪೊಲೀಸ್ ಇಲಾಖೆಯ ಹೆಸರಿನಲ್ಲಿ ಫೇಸ್ಬುಕ್ನಲ್ಲಿ ನಕಲಿ ಅಕೌಂಟ್ ಮಾಡಲಾಗಿದೆ. ಆ ಖಾತೆ ಮೂಲಕ ಹಣ ಕೇಳಿದರೆ ದಯವಿಟ್ಟು ಕೊಡಬೇಡಿ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಎಚ್.ಡಿ. ಆನಂದಕುಮಾರ ಸಾರ್ವಜನಿಕರಲ್ಲಿ ವಿನಂತಿಸಿಕೊಂಡಿದ್ದಾರೆ. ಇಂಥ ಕೆಲಸ ಮಾಡುತ್ತಿರುವವರ ವಿರುದ್ಧ ಕ್ರಮಕೈಗೊಳ್ಳಲಾಗುವುದು ಎಂದೂ ಅವರು ಹೇಳಿದ್ದಾರೆ.
ಈ ಖದೀಮರು ಪೊಲೀಸ್ ಇಲಾಖೆಯ ಹೆಸರಲ್ಲೇ ನಕಲಿ ಖಾತೆ ರಚಿಸಿ ಹಣ ಕೇಳಲು ಮುಂದಾಗಿರುವುದು ಈ ಜಾಲದ ಹಿನ್ನೆಲೆ ಹಾಗೂ ಸಿಕ್ಕಿಬೀಳುವುದಿಲ್ಲ ಎಂಬ ಹುಂಬತನದ ಕುರಿತು ಅಚ್ಚರಿ ಮೂಡುತ್ತಿರುವುದಷ್ಟೇ ಅಲ್ಲ, ಆತಂಕವನ್ನೂ ಹುಟ್ಟಿಸುತ್ತಿದೆ. ಇಂಥ ಜಾಲವನ್ನು ಬುಡಸಮೇತ ಕಿತ್ತುಹಾಕದಿದ್ದರೆ ಭವಿಷ್ಯದಲ್ಲಿ ಮತ್ತಷ್ಟು ಆತಂಕ ಖಚಿತ ಎಂದು ಸಾರ್ವಜನಿಕರು ಅಭಿಪ್ರಾಯಪಟ್ಟಿದ್ದಾರೆ.
ಇನ್ನು ಸಬ್ ರಿಜಿಸ್ಟ್ರಾರ್ ಕಚೇರಿ ರಾತ್ರಿ ವರೆಗೂ ಓಪನ್; ಉತ್ತಮ ಸೇವೆ ಒದಗಿಸಲು ಸಮಯ ವಿಸ್ತರಣೆ
‘ಇನ್ನೂ ಗ್ಯಾರಂಟೀ..’ ಎನ್ನುತ್ತ ಆ ನೆನಪನ್ನು ಹಂಚಿಕೊಂಡ ರಾಘವೇಂದ್ರ ರಾಜಕುಮಾರ್