ಸೌಥಾಂಪ್ಟನ್: ಅನುಭವಿ ವೇಗಿಗಳಾದ ಜೇಮ್ಸ್ ಆಂಡರ್ಸನ್ (48ಕ್ಕೆ 3) ಹಾಗೂ ಸ್ಟುವರ್ಟ್ ಬ್ರಾಡ್ (48ಕ್ಕೆ 2) ಮಾರಕ ದಾಳಿ ನಡುವೆಯೂ ವಿಕೆಟ್ ಕೀಪರ್& ಬ್ಯಾಟ್ಸ್ಮನ್ ಮೊಹಮದ್ ರಿಜ್ವಾನ್ (53ರನ್, 109 ಎಸೆತ, 4 ಬೌಂಡರಿ) ಜವಾಬ್ದಾರಿಯುತ ಬ್ಯಾಟಿಂಗ್ ನೆರವಿನಿಂದ ಪಾಕಿಸ್ತಾನದ 2ನೇ ಟೆಸ್ಟ್ ಪಂದ್ಯದಲ್ಲಿ ಪ್ರತಿಹೋರಾಟ ನಡೆಸಿದೆ. ದ ರೋಸ್ ಬೌಲ್ ಸ್ಟೇಡಿಯಂನಲ್ಲಿ ನಡೆಯುತ್ತಿರುವ ಪಂದ್ಯದಲ್ಲಿ ಪಾಕಿಸ್ತಾನ ತಂಡ ಶುಕ್ರವಾರದ ಚಹಾ ವಿರಾಮದ ವೇಳೆಗೆ 84.3 ಓವರ್ಗಳಲ್ಲಿ 8 ವಿಕೆಟ್ಗೆ 215 ರನ್ ಪೇರಿಸಿದೆ. ಇದಕ್ಕೂ ಮೊದಲು ಮಳೆಯಿಂದಾಗಿ ದಿನದಾಟ ಆರಂಭಗೊಳ್ಳುವುದು ತಡವಾಯಿತು. ಭೋಜನ ವಿರಾಮದ ವರೆಗೂ ಕೇವಲ 16 ಓವರ್ಗಳ ಆಟವಷ್ಟೇ ನಡೆಸಲಾಯಿತು. ಪಾಕಿಸ್ತಾನ ಮೊದಲ ದಿನದಾಟದಲ್ಲಿ 5 ವಿಕೆಟ್ಗೆ 126 ರನ್ ಗಳಿಸಿತ್ತು. ರಿಜ್ವಾನ್ ಜತೆಗೆ ಮೊಹಮದ್ ಅಬ್ಬಾಸ್ (2) ಕ್ರೀಸ್ನಲ್ಲಿದ್ದಾರೆ.
ಪಾಕಿಸ್ತಾನ: 2ನೇ ದಿನದಾಟದ ಚಹಾ ವಿರಾಮದ ವೇಳೆಗೆ 84.3 ಓವರ್ಗಳಲ್ಲಿ 8 ವಿಕೆಟ್ಗೆ 215 (ಬಾಬರ್ ಅಜಮ್ 47, ಮೊಹಮದ್ ರಿಜ್ವಾನ್ 53, ಜೇಮ್ಸ್ ಆಂಡರ್ಸನ್ 48ಕ್ಕೆ 3, ಸ್ಟುವರ್ಟ್ ಬ್ರಾಡ್ 48ಕ್ಕೆ 2)