ಹೊಸದಿಲ್ಲಿ: ಅಕ್ರಮ ಹಣ ವರ್ಗಾವಣೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಜಾರಿ ನಿರ್ದೇಶನಾಲಯದ ಚಾರ್ಜ್‌ಶೀಟ್‌ನಲ್ಲಿ ಚೀನಾದ ಸ್ಮಾರ್ಟ್‌ಫೋನ್ ತಯಾರಕ ಸಂಸ್ಥೆಯಾದ ವಿವೋವನ್ನು ಗುರುವಾರ ಆರೋಪಿ ಎಂದು ಹೆಸರಿಸಿದೆ. ವಿವೋ ವಿರುದ್ಧದ ದೂರನ್ನು ಅಕ್ರಮ ಹಣ ವರ್ಗಾವಣೆ ತಡೆ ಕಾಯ್ದೆಯ (ಪಿಎಂಎಲ್‌ಎ) ಕ್ರಿಮಿನಲ್ ಸೆಕ್ಷನ್‌ಗಳ ಅಡಿಯಲ್ಲಿ ದಾಖಲಿಸಲಾಗಿದೆ.
ಇದನ್ನೂ ಓದಿ: BBKS10: ಆ ಪದ ಬಳಸಿದ್ರೆ ಆದೇಶ ಹೊರಡಿಸಿ ಈಗಲೇ ಹೊರ ಹೋಗ್ತೀನಿ!; ಕಣ್ಣೀರಿಟ್ಟ ಕಾರ್ತಿಕ್
ಇದಕ್ಕೂ ಮುನ್ನ ಈ ತನಿಖೆಯಲ್ಲಿ ಲಾವಾ ಇಂಟರ್‌ನ್ಯಾಶನಲ್ ಮೊಬೈಲ್ ಕಂಪನಿಯ ವ್ಯವಸ್ಥಾಪಕ ನಿರ್ದೇಶಕ ಹರಿ ಓಂ ರೈ ಸೇರಿದಂತೆ ನಾಲ್ವರನ್ನು ತನಿಖಾ ಸಂಸ್ಥೆ ಬಂಧಿಸಿತ್ತು. ಚೀನಾದ ಪ್ರಜೆ ಗುವಾಂಗ್ವೆನ್ ಅಲಿಯಾಸ್ ಆಂಡ್ರ್ಯೂ ಕುವಾಂಗ್, ಚಾರ್ಟರ್ಡ್ ಅಕೌಂಟೆಂಟ್‌ಗಳಾದ ನಿತಿನ್ ಗಾರ್ಗ್ ಮತ್ತು ರಾಜನ್ ಮಲಿಕ್ ಅವರನ್ನು ಬಂಧಿಸಲಾಗಿದೆ.
ನಾಲ್ವರ ಆಪಾದಿತ ಚಟುವಟಿಕೆಗಳು ಭಾರತದ ಆರ್ಥಿಕ ಸಾರ್ವಭೌಮತೆಗೆ ಹಾನಿಕಾರಕವಾದ ತಪ್ಪಾದ ಲಾಭಗಳನ್ನು ಮಾಡಲು ವಿವೋ-ಇಂಡಿಯಾವನ್ನು ಶಕ್ತಗೊಳಿಸಿದೆ ಎಂದು ಇಡಿ ನಂತರ ಸ್ಥಳೀಯ ನ್ಯಾಯಾಲಯದ ಮುಂದೆ ತನ್ನ ರಿಮಾಂಡ್ ಪೇಪರ್‌ಗಳಲ್ಲಿ ತಿಳಿಸಿದೆ. ಕಳೆದ ವರ್ಷ ಜುಲೈನಲ್ಲಿ ವಿವೋ-ಇಂಡಿಯಾ ಮತ್ತು ಅದರ ಸಂಬಂಧಿತ ವ್ಯಕ್ತಿಗಳ ಮೇಲೆ ದಾಳಿ ನಡೆಸಿದ್ದ ಇಡಿ, ಚೀನಾದ ಪ್ರಜೆಗಳು ಮತ್ತು ಅನೇಕ ಭಾರತೀಯ ಕಂಪನಿಗಳನ್ನು ಒಳಗೊಂಡ ಪ್ರಮುಖ ಹಣ ವರ್ಗಾವಣೆ ದಂಧೆಯನ್ನು ಭೇದಿಸಿರುವುದಾಗಿ ಹೇಳಿಕೊಂಡಿದೆ.
ಇದನ್ನೂ ಓದಿ: ಬಿಗ್ ಬಾಸ್ಗೆ ವೈಲ್ಡ್ ಕಾರ್ಡ್ ಎಂಟ್ರಿ ಕೊಟ್ಟ ಬೆನ್ನಲ್ಲೇ, ಮಾಡೆಲ್‌ ಪವಿ ಪೂವಪ್ಪ ಹಾಟ್ ಪೋಟೋಸ್ ವೈರಲ್..!
ಭಾರತದಲ್ಲಿ ತೆರಿಗೆ ಪಾವತಿಯನ್ನು ತಪ್ಪಿಸಲು ವಿವೋ-ಇಂಡಿಯಾ ಚೀನಾಗೆ “ಕಾನೂನುಬಾಹಿರವಾಗಿ” 62,476 ಕೋಟಿ ರೂಪಾಯಿಗಳನ್ನು ವರ್ಗಾಯಿಸಿದೆ ಎಂದು ಇಡಿ ಆಪಾದಿಸಿತ್ತು. ಕಂಪನಿಯು “ತನ್ನ ನೈತಿಕ ತತ್ವಗಳಿಗೆ ದೃಢವಾಗಿ ಬದ್ಧವಾಗಿದೆ ಮತ್ತು ಕಾನೂನು ಅನುಸರಣೆಗೆ ಸಮರ್ಪಿತವಾಗಿದೆ” ಎಂದು ಹೇಳಿದೆ.
ಇತ್ತೀಚೆಗೆ ನ್ಯಾಯಾಲಯಕ್ಕೆ ತಿಳಿಸಿದ್ದ ರಾಯ್, ಒಂದು ದಶಕದ ಹಿಂದೆ ಭಾರತದಲ್ಲಿ ಜಂಟಿ ಉದ್ಯಮವನ್ನು ಪ್ರಾರಂಭಿಸಲು ತಮ್ಮ ಕಂಪನಿ ಮತ್ತು ವಿವೋ-ಇಂಡಿಯಾ ಮಾತುಕತೆ ನಡೆಸುತ್ತಿದ್ದರೂ, 2014ರಿಂದ ಚೀನಾದ ಸಂಸ್ಥೆ ಅಥವಾ ಅದರ ಪ್ರತಿನಿಧಿಗಳೊಂದಿಗೆ ಯಾವುದೇ ಸಂಬಂಧವಿಲ್ಲ ಎಂದು ಹೇಳಿದ್ದರು,(ಏಜೆನ್ಸೀಸ್).
BBKS10: ಆ ಪದ ಬಳಸಿದ್ರೆ ಆದೇಶ ಹೊರಡಿಸಿ ಈಗಲೇ ಹೊರ ಹೋಗ್ತೀನಿ!; ಕಣ್ಣೀರಿಟ್ಟ ಕಾರ್ತಿಕ್