ಬ್ಯಾಂಕಾಕ್: ಪಾನಮತ್ತ ಮಹಿಳಾ ಪ್ರವಾಸಿಯೊಬ್ಬಳು ತನ್ನ ಬಟ್ಟೆಗಳನ್ನೆಲ್ಲ ಕಿತ್ತೆಸೆದು ಬೆತ್ತಲೆಯಾಗಿ ಬೌದ್ಧ ಧರ್ಮದ ದೇವಸ್ಥಾನದ ಕಬ್ಬಿಣದ ಸಲಾಕೆ ಮೇಲೆ ಕುಳಿತು ವಿಚಿತ್ರ ವರ್ತನೆ ತೋರಿದ ಘಟನೆ ಉತ್ತರ ಥಾಯ್ಲೆಂಡ್ನ ಚಿಯಾಂಗ್ ಮೈನಲ್ಲಿ ಸೋಮವಾರ ಸಂಜೆ ನಡೆದಿದೆ.
ಫರಾಹ್ ಹಖ್ (28) ಪ್ರವಾಸಿಯ ಹೆಸರು. ಕೈಯಲ್ಲಿ ಬಿಯರ್ ಬಾಟಲ್ ಹಿಡಿದು ಬೆತ್ತಲೆಯಾಗಿ ಕುಳಿತು ದಾರಿಹೋಕರನ್ನು ಅಸಭ್ಯ ಪದಗಳಿಂದ ನಿಂದಿಸುವ ವಿಡಿಯೋವೊಂದು ವೈರಲ್ ಆಗಿದೆ.
ಮಾಹಿತಿ ತಿಳಿದು ತಕ್ಷಣ ಸ್ಥಳಕ್ಕೆ ಆಗಮಿಸಿದ ಪೊಲೀಸರು ಆಕೆಯನ್ನು ಹತ್ತಿರದ ಸುವಾನ್ ಪ್ರಂಗ್ ಮನೋವೈದ್ಯಕೀಯ ಆಸ್ಪತ್ರೆಗೆ ಕರೆದೊಯ್ದು ಚಿಕಿತ್ಸೆ ಕೊಡಿಸಿದರು. ಅದಕ್ಕೂ ಮುನ್ನ ಕೈಯಲ್ಲಿ ಬಿಯರ್ ಬಾಟಲ್ ಹಿಡಿದು ಅಲ್ಲಾ ಹು ಅಕ್ಬರ್ ಎಂದು ಪರಿಸುತ್ತಿದ್ದಲ್ಲದೆ, ಚಿಯರ್ಸ್ ಎನ್ನುತ್ತಿದ್ದ ಮಹಿಳೆ ದಾರಿಹೋಕರನ್ನು ನಿಂದಿಸುತ್ತಾ ಕೂಗಾಡುತ್ತಿದ್ದಳು ಎಂದು ತಿಳಿದುಬಂದಿದೆ.
ಅಂದಹಾಹೆ ಮಹಿಳೆ ಫರಹಾ ಬಾಂಗ್ಲಾದೇಶ ಮೂಲದವಳು. ಪ್ರಾರಂಭದಲ್ಲಿ ಪ್ರವಾಸಿಗಳಾಗಿ ಚಿಯಾಂಗ್ ಮೈಗೆ ಆಗಮಿಸಿದ ಫರಹಾ ಕಳೆದ ಏಪ್ರಿಲ್ನಿಂದ ಇಂಗ್ಲಿಷ್ ಶಿಕ್ಷಕಿಯಾಗಿ ಅಲ್ಲಿಯೇ ನೆಲಸಿದ್ದು, ನಗರದ ಹಾಸ್ಟೆಲ್ವೊಂದರಲ್ಲಿ ವಾಸವಿದ್ದಾಳೆಂದು ಪೊಲೀಸ್ ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ.
ಹೆಚ್ಚಾಗಿ ಮದ್ಯ ಸೇವನೆ ಮಾಡಿದ್ದರಿಂದ ತನ್ನನ್ನು ತಾನೂ ನಿಯಂತ್ರಿಸಿಕೊಳ್ಳಲು ಸಾಧ್ಯವಾಗದೇ ಇದ್ದುದ್ದರಿಂದ ಈ ಸನ್ನಿವೇಶ ಜರುಗಿದೆ. ಹೀಗಾಗಿಯೇ ಆಕೆಗೆ ಮನೋ ವೈದ್ಯಕೀಯ ಚಿಕಿತ್ಸೆ ಕೊಡಿಸಲಾಗಿದೆ. ಅದರ ವರದಿ ಬಂದ ನಂತರ ಪ್ರಕರಣ ದಾಖಲಿಸಲಾಗುವುದು ಎಂದು ತಿಳಿಸಿದ್ದಾರೆ. (ಏಜೆನ್ಸೀಸ್)
(ವಿಡಿಯೋ ಕೃಪೆ: ಡೈಲಿ ಮೇಲ್)