ಮುಂಬೈ: ಕಳೆದ ವಾರ ನಡೆದ ಗ್ರ್ಯಾಮಿ ಅವಾರ್ಡ್ ಕಾರ್ಯಕ್ರಮದಲ್ಲಿ ಎದೆಗಾರಿಕೆ ಪ್ರದರ್ಶಿಸಿ ನೆಟ್ಟಿಗರಿಂದ ಟ್ರೋಲ್ಗೆ ಗುರಿಯಾಗಿದ್ದ ಬಾಲಿವುಡ್ ನಟಿ ಪ್ರಿಯಾಂಕಾ ಚೋಪ್ರಾ ಪರ ದಿಶಾ ಪಟಾನಿ ಬ್ಯಾಟ್ ಬೀಸಿದ್ದಾರೆ.
ವಿವಾದದ ಬಗ್ಗೆ ದಿಶಾ ಮಾಧ್ಯಮ ಸಂದರ್ಶನದಲ್ಲಿ ಮಾತನಾಡಿದರು. ಅಲ್ಲದೆ, ತನ್ನ ಫೋಟೋ ಬಗ್ಗೆ ಬರುವ ಕೆಟ್ಟ ಕಮೆಂಟ್ಗಳನ್ನು ಪದೇಪದೆ ನಿಷ್ಕ್ರಿಯಗೊಳಿಸುವ ಬಗ್ಗೆಯೂ ಹೇಳಿದರು. ಬ್ರ್ಯಾಂಡ್ಸ್ ಏನು ಡಿಮ್ಯಾಂಡ್ ಮಾಡುತ್ತದೆಯೋ ಅದನ್ನು ನಾನು ಮಾಡುತ್ತೇನೆ ಎಂದು ಸ್ಪಷ್ಟನೆ ನೀಡಿದರು.
ಇದೇ ವೇಳೆ ಪ್ರಿಯಾಂಕಾ ಟ್ರೋಲ್ ಬಗ್ಗೆ ಮಾತನಾಡಿ, ಅವರು ಸುಂದರವಾಗಿ ಕಾಣುತ್ತಾರೆ ಎಂದರು. ಟ್ರೋಲಿಗರನ್ನು ಉದ್ದೇಶಿಸಿ ಅವರ ಮನಸ್ಥಿತಿಯೇ ಕೆಟ್ಟದಾಗಿದೆ ಎಂದು ಜರಿದರು. ಮುಂದುವರಿದು, ಈ ರೀತಿಯ ಬಟ್ಟೆಗಳನ್ನು ನಮ್ಮ ದೇಶದವರೇ ಯಾರಾದರೂ ಧರಿಸಿದರೆ ಅವರನ್ನು ಟ್ರೋಲ್ ಮಾಡುತ್ತಾರೆ. ಅದೇ ಹೊರಗಿನವರು ಯಾರಾದರೂ ತೊಟ್ಟರೆ ಅವರು ಎಷ್ಟು ಸುಂದರವಾಗಿದ್ದಾರೆ ನೋಡಿ ಎನ್ನುತ್ತಾರೆ. ಇದಕ್ಕೆಲ್ಲಾ ನಾವು ತಲೆ ಕೆಡೆಸಿಕೊಳ್ಳಬಾರದು. ಇಂತಹದನ್ನು ನಿರ್ಲಕ್ಷಿಸಿ ಮುನ್ನೆಡೆಯಬೇಕೆಂದರು.
ಈ ಮುಂಚೆ ಪ್ರಿಯಾಂಕಾ ತಾಯಿ ಮಧು ಚೋಪ್ರಾ ಕೂಡ ಮಗಳ ಪರ ಬ್ಯಾಟ್ ಬೀಸಿದ್ದರು. ಟೀಕೆಗಳು ಪ್ರಿಯಾಂಕಾಳನ್ನು ಮತ್ತಷ್ಟು ಬಲವಾಗಿಸುತ್ತದೆ. ಎದೆಗಾರಿಕೆ ಪ್ರದರ್ಶಿಸುವುದರಲ್ಲಿ ತಪ್ಪೇನಿದೆ ಎಂದು ಪ್ರಶ್ನಿಸುವ ಮೂಲಕ ಮಗಳ ಪರವಾಗಿ ಧ್ವನಿ ಎತ್ತಿದ್ದರು.
ಅಂದಹಾಗೆ ಗ್ರ್ಯಾಮಿ ಅವಾರ್ಡ್ ಕಾರ್ಯಕ್ರಮದಲ್ಲಿ ಪಾಲ್ಗೊಂಡಿದ್ದ ಪ್ರಿಯಾಂಕಾ ವಿನೂತ ಉಡುಪು ಧರಿಸಿ ಕಾಣಿಸಿಕೊಂಡಿದ್ದರು. ಕತ್ತಿನಿಂದ ಜಾರಿ ಅರ್ಧ ಎದೆಯಲ್ಲದೆ, ಹೊಕ್ಕುಳ ಕಾಣಿಸುವ ರೀತಿ ಧರಿಸಿದ್ದ ಗೌನ್ ಎಲ್ಲರ ಹುಬ್ಬೇರಿಸಿತ್ತು. ನಂತರ ಇದು ಟ್ರೋಲಿಗರಿಗೆ ದಾಳವಾಗಿ ಸಾಮಾಜಿಕ ಜಾಲತಾಣದಲ್ಲಿ ಸಾಕಷ್ಟು ಟೀಕೆಗಳು ಹರಿದುಬಂದಿತ್ತು. ಆದರೂ ಪ್ರಿಯಾಂಕಾ ಪರ ಅನೇಕರು ಬ್ಯಾಟ್ ಬೀಡುವ ಮೂಲಕ ಟ್ರೋಲಿಗರಿಗೆ ತಿರುಗೇಟು ನೀಡಿದ್ದಾರೆ. (ಏಜೆನ್ಸೀಸ್)