ಚೆನ್ನೈ: ಕ್ರಿಕೆಟಿಗ ದಿನೇಶ್ ಕಾರ್ತಿಕ್ ಮತ್ತು ಸ್ಕ್ವಾಷ್ ಆಟಗಾರ್ತಿ ದೀಪಿಕಾ ಪಲ್ಲಿಕಲ್ ದಂಪತಿ ಈಗ ಅವಳಿ ಗಂಡು ಮಕ್ಕಳ ತಂದೆ-ತಾಯಿಯಾಗಿದ್ದಾರೆ. ಕಾರ್ತಿಕ್-ದೀಪಿಕಾ ಗುರುವಾರ ಟ್ವಿಟರ್‌ನಲ್ಲಿ ಈ ವಿಷಯವನ್ನು ಪ್ರಕಟಿಸಿದ್ದಾರೆ. ಮಕ್ಕಳಿಗೆ ಕಬೀರ್ ಪಲ್ಲಿಕಲ್ ಕಾರ್ತಿಕ್ ಮತ್ತು ಜಿಯಾನ್ ಪಲ್ಲಿಕಲ್ ಕಾರ್ತಿಕ್ ಎಂದು ಹೆಸರಿಡಲಾಗಿದೆ. ಶ್ವಾನ ಪ್ರಿಯರಾಗಿರುವ ದಂಪತಿ ತಮ್ಮ ನೆಚ್ಚಿನ ನಾಯಿ ‘ಕೋಕೋ ಚಾನೆಲ್’ ಅನ್ನೂ (ಲ್ಯಾಬ್ರಡೂಡಲ್ ತಳಿ) ಕುಟುಂಬದ ಭಾಗವಾಗಿ ಪರಿಗಣಿಸಿದ್ದು, ‘ನಾವೀಗ 3ರಿಂದ 5 ಆಗಿದ್ದೇವೆ’ ಎಂದು ಟ್ವೀಟಿಸಿದ್ದಾರೆ.
‘ಕೋಕೋ ಚಾನೆಲ್’ ಅನ್ನು ತಮ್ಮ ಮೊದಲ ಮಗುವೆಂದೇ ಪರಿಗಣಿಸಿರುವ ಕಾರ್ತಿಕ್-ದೀಪಿಕಾ, ಅದರ ಹೆಸರಿನಲ್ಲಿ ಇನ್‌ಸ್ಟಾಗ್ರಾಂ ಖಾತೆನ್ನೂ ಹೊಂದಿದ್ದು, ಅದಕ್ಕೆ 7 ಸಾವಿರಕ್ಕೂ ಅಧಿಕ ಹಿಂಬಾಲಕರೂ ಇದ್ದಾರೆ. ಇತ್ತೀಚೆಗೆ ಐಪಿಎಲ್‌ನಲ್ಲಿ ರನ್ನರ್‌ಅಪ್ ಸ್ಥಾನ ಪಡೆದ ಕೋಲ್ಕತ ನೈಟ್‌ರೈಡರ್ಸ್‌ ತಂಡದ ಭಾಗವಾಗಿದ್ದ 36 ವರ್ಷದ ಕಾರ್ತಿಕ್, 2015ರ ಆಗಸ್ಟ್‌ನಲ್ಲಿ ದೀಪಿಕಾ ಅವರನ್ನು ಹಿಂದು ಮತ್ತು ಕ್ರಿಶ್ಚಿಯನ್ ಧರ್ಮದ ಪ್ರಕಾರ ವರಿಸಿದ್ದರು.
And just like that 3 became 5 🤍
Dipika and I have been blessed with two beautiful baby boys 👶Kabir Pallikal Karthik
Zian Pallikal Karthikand we could not be happier ❤️ pic.twitter.com/Rc2XqHvPzU
— DK (@DineshKarthik) October 28, 2021