ದೆಹಲಿ ಮಾಲಿನ್ಯ: ಇಂದಿನಿಂದ ಏರಿಕೆಯಾಗುವ ನಿರೀಕ್ಷೆ, ಮತ್ತೊಮ್ಮೆ ಅಪ್ಪಳಿಸಲಿದೆ ವಿಷಪೂರಿತ ಗಾಳಿ

ನವದೆಹಲಿ: ಹವಾಮಾನದ ಕಾರಣದಿಂದಾಗಿ, ರಾಷ್ಟ್ರೀಯ ರಾಜಧಾನಿಯಲ್ಲಿ ವಾಯುಮಾಲಿನ್ಯ ಇನ್ನೂ ಮುಂದುವರೆದಿದೆ. ಗುರುವಾರ ಕೂಡ ದೆಹಲಿಯ ವಾಯು ಗುಣಮಟ್ಟ ಸೂಚ್ಯಂಕ (AQI) 121 ಆಗಿತ್ತು. ಅಂದರೆ ಮಧ್ಯಮ ಪ್ರಮಾಣದಲ್ಲಿದೆ. ವಿಶೇಷವೆಂದರೆ ಗುರುವಾರ ದೆಹಲಿಯ ಹಲವೆಡೆ ಮಾಲಿನ್ಯದ ಪ್ರಮಾಣ ಕಡಿಮೆಯಿತ್ತು. ಮುಂದಿನ ಎರಡು-ಮೂರು ದಿನಗಳ ಕಾಲ ಪರಿಸ್ಥಿತಿ ಹೆಚ್ಚು ಕಡಿಮೆ ಇರಲಿದೆ.

ಆದರೆ ಐಐಟಿಎಂ ಪುಣೆಯ ಡಿಸಿಷನ್ ಸಪೋರ್ಟ್ ಸಿಸ್ಟಮ್ (ಡಿಎಸ್ಎಸ್) ಶುಕ್ರವಾರದಿಂದ ಮಾಲಿನ್ಯದ ಪ್ರಮಾಣ ಹೆಚ್ಚಾಗುವ ಸಾಧ್ಯತೆಯಿದೆ ಎಂದು ಭವಿಷ್ಯ ನುಡಿದಿದೆ. ಹಾಗೆ ನೋಡಿದರೆ ಕಳೆದ ಐದು ದಿನಗಳಿಂದ ದೆಹಲಿಯಲ್ಲಿ ಮಾಲಿನ್ಯ ಪ್ರಮಾಣ ತಗ್ಗಿದೆ. ಗುರುವಾರವೂ ವಾಯುವ್ಯ ದಿಕ್ಕಿನಿಂದ ಬೀಸುತ್ತಿರುವ ಗಾಳಿಯಿಂದ ಮಾಲಿನ್ಯದಿಂದ ಮುಕ್ತಿ ಸಿಕ್ಕಿದೆ.

ದೆಹಲಿಯ AQI ಬುಧವಾರ 126 ಆಗಿತ್ತು ಎಂದು ತಿಳಿದಿದೆ. ಅಂದರೆ 24 ಗಂಟೆಗಳಲ್ಲಿ ಆರು ಅಂಕಗಳ ಕುಸಿತ ದಾಖಲಾಗಿದೆ. ಎನ್‌ಸಿಆರ್ ನಗರಗಳ ಬಗ್ಗೆ ಮಾತನಾಡುವುದಾದರೆ, ಫರಿದಾಬಾದ್‌ 138, ಗಾಜಿಯಾಬಾದ್‌ 119, ಗ್ರೇಟರ್ ನೋಯ್ಡಾ 166, ಗುರುಗ್ರಾಮ್‌ 144 ನೋಯ್ಡಾ 136 ದಾಖಲಾಗಿವೆ. ಹಾಗಾಗಿ AQI ಎಲ್ಲೆಡೆ 'ಮಧ್ಯಮ' ವರ್ಗದಲ್ಲಿ ಕಂಡುಬಂದಿದೆ.

https://www.vijayavani.net/mahua-moitra-gave-me-parliament-account-access-businessman-claims-in-affidavit