ಬೆಂಗಳೂರು: PAN (Permanent Account Number) ಕಾರ್ಡ್ ಇಂದಿನ ದಿನಮಾನಗಳಲ್ಲಿ ಪ್ರತಿಯೊಬ್ಬರಿಗೂ ಅಗತ್ಯವಾಗಿದೆ. ಬ್ಯಾಂಕಿಂಗ್ ಹಾಗೂ ಹಣಕಾಸಿನ ವ್ಯವಹಾರಗಳಿಗಂತೂ ಪ್ಯಾನ್ ಕಾರ್ಡ್ ಬೇಕೆ ಬೇಕು. ಪ್ಯಾನ್ ಕಾರ್ಡ್ಗೆ ಆಧಾರ್ ಕಾರ್ಡ್ ಲಿಂಕ್ ಮಾಡಲೇಬೇಕು ಎಂಬ ನಿಯಮವನ್ನು ಕೇಂದ್ರ ಸರ್ಕಾರ ಜಾರಿಗೊಳಿಸಿದೆ. ಮಾರ್ಚ್ 31 ಪ್ಯಾನ್ ಕಾರ್ಡ್ನ್ನು ಆಧಾರ್ಗೆ ಲಿಂಕ್ ಮಾಡಲು ಕೊನೆಯ ದಿನವಾಗಿತ್ತು. ಇದೀಗ ಈ ಗಡುವನ್ನು ಆಧಾಯ ತೆರಿಗೆ ಮೂರು ತಿಂಗಳುವರೆಗೆ ವಿಸ್ತರಿಸಿದೆ. ಜೂನ್ 30ರವರೆಗೆ ಅವಕಾಶ ನೀಡಿದೆ.
ಕೋವಿಡ್ ಕಾರಣದಿಂದಾಗಿ ಮತ್ತೊಮ್ಮೆ ಮೂರು ತಿಂಗಳು ಅವಕಾಶ ನೀಡಲಾಗಿದೆ ಎಂದು ಕೇಂದ್ರ ತೆರಿಗೆ ಇಲಾಖೆ ಹೇಳಿದೆ.
ಜೂನ್ 30 ರ ಒಳಗಾಗಿ ನೀವು ನಿಮ್ಮ ಪ್ಯಾನ್ ಕಾರ್ಡ್ಗೆ ಆಧಾರ್ ನಂಬರ್ನ್ನು ಲಿಂಕ್ ಮಾಡದಿದ್ದರೇ, ನಿಮ್ಮ ಪ್ಯಾನ್ ಕಾರ್ಡ್ ಇದ್ದೂ ಇಲ್ಲದಂತಾಗುತ್ತದೆ. ಅಂದರೆ ಅದನ್ನು ತೆರಿಗೆ ಇಲಾಖೆ ಗಣನೆಗೆ ತೆಗೆದುಕೊಳ್ಳುವುದಿಲ್ಲ. ಈಗಾಗಲೇ ಸರ್ಕಾರ ಹಲವು ಬಾರಿ ಪ್ಯಾನ್ ಕಾರ್ಡ್ಗೆ ಆಧಾರ್ ಲಿಂಕ್ ಮಾಡುವ ಗಡುವನ್ನು ನೀಡಿ ವಿಸ್ತರಿಸುತ್ತಾ ಬಂದಿದೆ. ಮಾರ್ಚ್ 31 ಕೊನೆ ಎಂದು ಹೇಳಿದೆ. ಅಷ್ಟರ ಒಳಗಾಗಿ ಲಿಂಕಿಂಗ್ ಪ್ರಕ್ರಿಯೆಯನ್ನು ಮಾಡಿಕೊಳ್ಳಬೇಕಾಗಿದೆ.
ಪ್ಯಾನ್ ಕಾರ್ಡ್ಗೆ ಆಧಾರ್ ಲಿಂಕ್ ಮಾಡುವುದು ಬಹಳ ಸುಲಭ: https://www.incometaxindiaefiling.gov.in/home ವೆಬ್ಸೈಟಿಗೆ ಹೋಗಿ Link Aadhaar ಮೇಲೆ ಕ್ಲಿಕ್ ಮಾಡಿದರೇ ಅಲ್ಲಿನ ಕೆಲವು ಸುಲಭವಾದ ಪ್ರಕ್ರಿಯೆಗಳನ್ನು ಮುಗಿಸಿದರೆ ನಿಮ್ಮ ಪ್ಯಾನ್ ಕಾರ್ಡ್ ಆಧಾರ್ಗೆ ಲಿಂಕ್ ಆಗುತ್ತದೆ. ಅಲ್ಲದೇ ಎಸ್ಎಂಎಸ್ ಮೂಲಕವೂ ಪ್ಯಾನ್ ಕಾರ್ಡ್ನ್ನು ಲಿಂಕ್ ಮಾಡಬಹುದು. ಈ ಪಾರ್ಮಾಟ್ನಲ್ಲಿ UIDPAN (12-digit Aadhaar number) (10-digit PAN) and send it to 567678 or 56161. ತೆರಿಗೆ ಇಲಾಖೆ ಕಚೇರಿಗೆ ಹೋಗಿಯೂ ನೀವು ಸಂಬಂಧಿಸಿದ ಅರ್ಜಿ ತುಂಬಿ ಕೊಡುವ ಮೂಲಕವೂ ಪ್ಯಾನ್ಗೆ ಆಧಾರ್ ಲಿಂಕ್ ಮಾಡಬಹುದು.
ಪ್ಯಾನ್ ಕಾರ್ಡ್ಗೆ ಕನ್ನ ಹಾಕಿ ಐದು ಲಕ್ಷ ವಂಚನೆ! ಟೆಕ್ಕಿ ಕಕ್ಕಾಬಿಕ್ಕಿ…