ಬೆಂಗಳೂರು: ಬ್ಯಾಂಕ್ ಖಾತೆಗೆ ಸಂಬಂಧಿಸಿದ ಮಾಹಿತಿ ನೀಡುವಂತೆ ಕೋರಿ ನಿಮ್ಮ ಮೊಬೈಲ್ಗೆ ಅಥವಾ ಇ ಮೇಲ್ಗೆ ಸಂದೇಶ ಬಂದರೆ ಎಚ್ಚರ. ಮಾಹಿತಿ ನೀಡಿದ ಕೆಲವೇ ನಿಮಿಷದಲ್ಲಿ ನಿಮ್ಮ ಖಾತೆ ಬರಿದಾಗಬಹುದು! ಕರೊನಾ ವೈರಸ್ನಿಂದ ಸೃಷ್ಟಿಯಾಗಿರುವ ಭಯದ ವಾತಾವರಣವನ್ನೇ ಬಂಡವಾಳ ಮಾಡಿಕೊಂಡು ಸೈಬರ್ ಕಳ್ಳರು ಗ್ರಾಹಕರ ಬ್ಯಾಂಕ್ ಖಾತೆಗಳಿಗೆ ಕನ್ನ ಹಾಕುತ್ತಿದ್ದಾರೆ.
ಬ್ಯಾಂಕ್ ಖಾತೆ ಅಪ್ಡೇಟ್ ಮಾಡಬೇಕಿದೆ, ಇಎಂಐ ಮುಂದೂಡಲು ನಿಮ್ಮ ಬ್ಯಾಂಕ್ ಮಾಹಿತಿ ಬೇಕಿದೆ, ಪ್ರಧಾನ ಮಂತ್ರಿ ಫಂಡ್ಗೆ ದೇಣಿಗೆ ನೀಡಿ ಕರೊನಾ ವಿರುದ್ಧ ಹೋರಾಡಲು ಧನಸಹಾಯ ಮಾಡಿ…ಹೀಗೆ ಹಲವು ರೀತಿಯಲ್ಲಿ ವಂಚನೆ ಪ್ರಯತ್ನಗಳು ನಡೆದಿವೆ. ಈ ಬಗ್ಗೆ ಸಾರ್ವಜನಿಕರು ಎಚ್ಚರಿಕೆಯಿಂದ ಇರಬೇಕೆಂದು ಪೊಲೀಸರೂ ಎಚ್ಚರಿಕೆ ಕೊಟ್ಟಿದ್ದಾರೆ.
ಸೈಬರ್ ಕಳ್ಳರು ಬ್ಯಾಂಕ್ ಸಿಬ್ಬಂದಿ ಸೋಗಿನಲ್ಲಿ ಕರೆ ಮಾಡಿ ಹಣ ಲಪಟಾಯಿಸುವ ಸಾಧ್ಯತೆಗಳಿವೆ. ಈ ಬಗ್ಗೆ ಸಾರ್ವಜನಿಕರು ಎಚ್ಚರದಿಂದ ಇರಬೇಕು. ಇಎಂಐ ಮುಂದೂಡುವ ಸಲುವಾಗಿ ಒಟಿಪಿ ನಂಬರ್ ಪಡೆಯುತ್ತಾರೆ. ಒಟಿಪಿ ನಂಬರ್ ಹಂಚಿಕೊಂಡರೆ ನಿಮ್ಮ ಖಾತೆಯಿಂದ ಹಣ ಲಪಟಾಯಿಸುವ ಸಾಧ್ಯತೆಗಳಿವೆ. ಇಂಥ ಹೊಸ ವಂಚನೆ ಬೆಳಕಿಗೆ ಬಂದಿದೆ.
| ಡಿ.ರೂಪಾ ಐಪಿಎಸ್ ಅಧಿಕಾರಿ
ಲಿಂಕ್ ಕಳಿಸಿ ಕನ್ನ: ಕರೊನಾ ವಿರುದ್ಧ ಹೋರಾಡಲು ಪ್ರಧಾನಮಂತ್ರಿ ಫಂಡ್ಗೆ ಧನಸಹಾಯ ಮಾಡಿ ಎಂದು ಸಾರ್ವಜನಿಕರಿಗೆ ಲಿಂಕ್ ಕಳಿಸುತ್ತಾರೆ. ಲಿಂಕ್ ಕ್ಲಿಕ್ ಮಾಡಿದರೆ, ಅದರಲ್ಲಿ ಹಲವು ಆಯ್ಕೆಗಳು ಬರುತ್ತವೆ. ಆ ಆಯ್ಕೆಗಳಲ್ಲಿ ಬ್ಯಾಂಕ್ ಮಾಹಿತಿ ನೀಡಿದರೆ, ನಿಮ್ಮ ಬ್ಯಾಂಕ್ ಖಾತೆಯಲ್ಲಿರುವ ಹಣ ಲಪಟಾಯಿಸುತ್ತಾರೆ.
ಇ-ಮೇಲ್ ಕಳಿಸಿ ಲೂಟಿ: ನಕಲಿ ದಾಖಲೆ ಕೊಟ್ಟು ಸಿಮ್ಾರ್ಡ್ ಖರೀದಿಸುವ ಸೈಬರ್ ಕಳ್ಳರು, ನಕಲಿ ವ್ಯಾಲೆಟ್ ಸೃಷ್ಟಿಸಿ ಕರೊನಾ ಸಂತ್ರಸ್ತರಿಗೆ ಧನಸಹಾಯ ಮಾಡುವಂತೆ ಸಾರ್ವಜನಿಕರ ಇ-ಮೇಲ್ ಅಥವಾ ಮೊಬೈಲ್ಗೆ ಸಂದೇಶಗಳನ್ನು ಕಳಿಸುತ್ತಾರೆ. ಇದನ್ನು ನಂಬಿದ ಹಲವು ಜನ ಈಗಾಗಲೇ ಆನ್ಲೈನ್ ಮೂಲಕ ಲಕ್ಷಾಂತರ ರೂ.ಗಳನ್ನು ಸೈಬರ್ ಕಳ್ಳರ ಖಾತೆಗೆ ವರ್ಗಾವಣೆ ಮಾಡಿದ್ದಾರೆ.
ಇಎಂಐ ಹೆಸರಲ್ಲಿ ಕರೆ: ಬ್ಯಾಂಕ್ ಅಧಿಕಾರಿಗಳ ಸೋಗಿನಲ್ಲಿ ಕರೆ ಮಾಡುವ ಕಳ್ಳರು, ಆರ್ಬಿಐ ಸೂಚನೆ ಮೇರೆಗೆ ಇಎಂಐ ಮುಂದೂಡಬೇಕಾಗಿದೆ. ನಿಮ್ಮ ಮೊಬೈಲ್ಗೆ ಬರುವ ಒಟಿಪಿ ನಂಬರ್ ಹೇಳುವಂತೆ ಸೂಚಿಸುತ್ತಾರೆ. ಎಷ್ಟೊ ಜನ ಮೊಬೈಲ್ಗೆ ಬಂದ ಒಟಿಪಿ ನಂಬರ್ನ್ನು ಹೇಳಿ ಹಣ ಕಳೆದುಕೊಂಡಿದ್ದಾರೆ.
ಸಾರ್ವಜನಿಕರು ಸೂಕ್ತ ರೀತಿಯಲ್ಲಿ ಪರಿಶೀಲಿಸದೇ ಅಪರಿಚಿತರು ಹೇಳಿದ ಖಾತೆಗೆ ಹಣ ಜಮೆ ಮಾಡಬಾರದು. ಸೈಬರ್ ವಂಚನೆ ಬಗ್ಗೆ ಸದಾ ಎಚ್ಚರಿಕೆಯಿಂದ ಇರಬೇಕು.
| ಎಂ.ಡಿ.ಶರತ್ ಕುಮಾರ್ ಎಸ್ಪಿ (ಸಿಐಡಿ ಸೈಬರ್)
ಹೊರರಾಜ್ಯದ ಕಳ್ಳರು: ನೊಯ್ಡಾ, ಜಾರ್ಖಂಡ್, ಕೊಲ್ಕತದಲ್ಲಿ ಕುಳಿತು ಕರೊನಾ ದೇಣಿಗೆ ಹೆಸರಿನಲ್ಲಿ ವಂಚಿಸುತ್ತಿರುವವರ ಪ್ರಮಾಣ ಹೆಚ್ಚಾಗಿದೆ. ಈ ಪ್ರದೇಶದಲ್ಲಿ ಜನಸಂಖ್ಯೆ ಹೆಚ್ಚಾಗಿರುವುದರಿಂದ ಸುಲಭವಾಗಿ ಕಳ್ಳರನ್ನು ಪತ್ತೆ ಹಚ್ಚಲು ಸಾಧ್ಯವಾಗುತ್ತಿಲ್ಲ ಎಂದು ಸೈಬರ್ ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ.
ಎಚ್ಚರಿಕೆ ಇರಲಿ
- ಅನುಮಾನಾಸ್ಪದ ಇ-ಮೇಲ್ಗಳ ಬಗ್ಗೆ ಜಾಗರೂಕರಾಗಿರಿ.
- ಸಾರ್ವಜನಿಕ ಪ್ರದೇಶದಲ್ಲಿ ಬ್ಲೂ-ಟೂತ್ಗಳನ್ನು ಹೆಚ್ಚಾಗಿ ಬಳಸಬೇಡಿ.
- ಸಾರ್ವಜನಿಕ ವೈಫೈ ಬಳಸಬೇಕಾದರೆ, ನೀವು ಸಂರ್ಪಸುತ್ತಿರುವ ನೆಟ್ವರ್ಕ್ ಕಾನೂನುಬದ್ಧ ಆಗಿದೆಯೇ ? ಸುರಕ್ಷಿತವೇ ? ಎಂದು ಪರಿಶೀಲಿಸಲು ಮರೆಯದಿರಿ.
- ಸೈಬರ್ ವಂಚನೆಗೊಳಗಾದರೆ ಕೂಡಲೇ ಪೊಲೀಸರಿಗೆ ಈ ಬಗ್ಗೆ ಮಾಹಿತಿ ನೀಡಿ.
- ಇ-ಮೇಲ್ ಅಥವಾ ಬ್ಯಾಂಕ್ ಖಾತೆಗೆ ಸಂಬಂಧಿಸಿದ ಗೌಪ್ಯ ಮಾಹಿತಿಯನ್ನು ಹಂಚಿಕೊಳ್ಳಬೇಡಿ.
| ಅವಿನಾಶ ಮೂಡಂಬಿಕಾನ
ಸಚಿವರ ಪುತ್ರಿ ಸೋಗಲ್ಲಿ ಹನಿಟ್ರ್ಯಾಪ್ ಯತ್ನ: ಟೆನಿಸ್ ಆಟಗಾರ್ತಿಯ ಖೆಡ್ಡಾದಿಂದ ಬಚಾವಾದ ಯುವ ಕಾಂಗ್ರೆಸ್ ಉಪಾಧ್ಯಕ್ಷ