ಪಾರದರ್ಶಕ ಚುನಾವಣೆಗೆ ಸಹಕಾರ — ದೂರು ಕೊಟ್ಟರೆ ಆ್ಯಪ್ನಿಂದ ಪರಿಹಾರ
ಪ್ರಶಾಂತ ಭಾಗ್ವತ, ಉಡುಪಿ
ಲೋಕಸಭಾ ಕ್ಷೇತ್ರದ ಚುನಾವಣಾ ಕಾವು ಬಿಸಿಲ ಝಳದೊಂದಿಗೆ ನಿಧಾನವಾಗಿ ಏರತೊಡಗಿದ್ದು, ಪಕ್ಷಗಳ ಅಭ್ಯರ್ಥಿಗಳು ಪ್ರಚಾರದಲ್ಲಿ ನಿರತರಾಗಿದ್ದಾರೆ. ಈ ನಡುವೆ ತಿಳಿದೋ, ತಿಳಿಯದೆಯೋ ನೀತಿ ಸಂಹಿತೆ ಉಲ್ಲಂಘಿಸಿ ಅಕ್ರಮ ನಡೆದರೆ ‘ಸಿ-ವಿಜಿಲ್’ ಕ್ರಮಕೈಗೊಳ್ಳಲಿದೆ.
ಪ್ರಜಾಪ್ರಭುತ್ವ ವ್ಯವಸ್ಥೆಯಲ್ಲಿ ಮತದಾರರೇ ನಿರ್ಣಾಯಕರಾಗಿದ್ದರಿಂದ ಎಲ್ಲಿಯೇ ಚುನಾವಣಾ ಅಕ್ರಮ ಕಂಡು ಬಂದರೆ ದೂರು ನೀಡಲು ಚುನಾವಣಾ ಆಯೋಗ ಅನೇಕ ಅವಕಾಶ ನೀಡಿದೆ. ಅದರಲ್ಲಿ ‘ಸಿ-ವಿಜಿಲ್’ ಎಂಬ ಸಂಪೂರ್ಣ ಉಚಿತವಾದ ಆ್ಯಪ್ ಈ ಬಾರಿ ಗಮನ ಸೆಳೆದಿದೆ.
24 ಗಂಟೆಯೂ ಕಾರ್ಯ
ಯಾವುದೇ ಅಭ್ಯರ್ಥಿ ಅಥವಾ ಪಕ್ಷದವರು ಅಥವಾ ಅವರ ಪರವಾಗಿ ಮತದಾರರನ್ನು ಸೆಳೆಯಲು ಯತ್ನಿಸಬಹುದು. ವ್ಯಕ್ತಿಯೊಬ್ಬರು ರ್ನಿದಿಷ್ಟ ವ್ಯಕ್ತಿ ಅಥವಾ ಪಕ್ಷಕ್ಕೆ ಹಣ ವಿತರಣೆ ಮಾಡಿದರೆ, ಉಡುಗೊರೆ, ಮದ್ಯ ಹಂಚಿಕೆ, ಅನುಮತಿ ಪಡೆಯದೆ ಬ್ಯಾನರ್ ಅಥವಾ ಪೋಸ್ಟರ್ ಅಳವಡಿಸುವುದು, ಬೆದರಿಕೆ ಹಾಕುವುದು, ಬಂದೂಕು ಪ್ರದರ್ಶನ, ಧಾರ್ಮಿಕ ಅಥವಾ ಕೋಮು ಕುರಿತು ಪ್ರಚೋದನಕಾರಿ ಭಾಷಣ, ಮತಗಟ್ಟೆಯ 200 ಮೀಟರ್ ಪ್ರದೇಶದಲ್ಲಿ ನಿಷೇಧದ ಅವಧಿಯಲ್ಲಿ ಪ್ರಚಾರ, ಮತದಾನದ ದಿನದಂದು ಮತದಾರರನ್ನು ಸಾಗಿಸುವುದು ಹೀಗೆ ಯಾವುದೇ ರೀತಿಯ ಅಕ್ರಮ ಕಂಡು ಬಂದಲ್ಲಿ ಸಿ-ವಿಜಿಲ್ಗೆ ದೂರು ಕೊಡಬಹುದು. ಚುನಾವಣೆ ಮುಗಿಯುವವರೆಗೂ ಮೂರು ಪಾಳಿಗಳಲ್ಲಿ 24 ಗಂಟೆಯೂ ಸಿಬ್ಬಂದಿ ಕಾರ್ಯ ನಿರ್ವಹಿಸಲಿದ್ದಾರೆ.
ಮೊಬೈಲ್ನಲ್ಲೇ ದೂರು
ಚುನಾವಣೆಗೆ ಸಂಬಂಧಿಸಿದ ದೂರುಗಳನ್ನು ನೀಡಲು ಸ್ಮಾರ್ಟ್ೋನ್ನಲ್ಲಿ ಗೂಗಲ್ ಪ್ಲೇ ಸ್ಟೋರ್ ಅಥವಾ ಆಪಲ್ ಆ್ಯಪ್ ಸ್ಟೋರ್ನಿಂದ ಸಿ-ವಿಜಿಲ್ ಆ್ಯಪ್ ಡೌನ್ಲೋಡ್ ಮಾಡಿಕೊಳ್ಳಬೇಕು. ಆ್ಯಪ್ ಓಪನ್ ಮಾಡಿದಾಗ ನಿಮ್ಮ ಹೆಸರು ಹಾಗೂ ಮೊಬೈಲ್ ಸಂಖ್ಯೆ ಹಾಕಿ ರಿಜಿಸ್ಟರ್ ಮಾಡಿಕೊಳ್ಳಬೇಕು. ಚುನಾವಣಾ ಸಂಬಂಧಿತ ಯಾವುದೇ ಅಕ್ರಮ, ನೀತಿ ಸಂಹಿತೆ ಉಲ್ಲಂಘನೆ ಆಗಿರುವ ಅಥವಾ ಆಗುತ್ತಿರುವ ಫೋಟೋ ಅಥವಾ ವೀಡಿಯೋಗಳನ್ನು ಸಿ&ವಿಜಿಲ್ನಲ್ಲಿರುವ ಅಪ್ಲಿಕೇಷನ್ ಮೂಲಕ ಅಪ್ಲೋಡ್ ಮಾಡಬೇಕು.
ಅಪ್ಲಿಕೇಷನ್ ಕಾರ್ಯನಿರ್ವಹಣೆ ಹೇಗೆ?
ಅಭ್ಯರ್ಥಿಗಳು ಮತ್ತು ಅವರ ಬೆಂಬಲಿಗರು ಹಣ, ಮದ್ಯ, ಉಡುಗೊರೆ ಇನ್ನಿತರ ಆಮಿಷ ಒಡ್ಡುತ್ತಿರುವ ಸಂದರ್ಭದ ಫೋಟೋ ಮತ್ತು 2 ನಿಮಿಷದ ವಿಡಿಯೋ ಸೆರೆಹಿಡಿದು ಈ ಆ್ಯಪ್ನಲ್ಲಿ ಅಪ್ಲೋಡ್ ಮಾಡಬೇಕು. ಅಕ್ರಮ ನಡೆಯುತ್ತಿರುವ ಅಥವಾ ನಡೆದ ಸ್ಥಳದ ವಿಳಾಸ ನಮೂದಿಸಬೇಕು. ಜಿಲ್ಲಾ ಮಟ್ಟದ ಸಿ-ವಿಜಿಲ್ ನೋಡಲ್ ಅಧಿಕಾರಿಗಳು ದೂರಿಗೆ ಸಂಬಂಧಿಸಿದಂತೆ ಆ ಕ್ಷೇತ್ರ ವ್ಯಾಪ್ತಿಯ ಎಫ್ಎಸ್ಟಿ ತಂಡದವರಿಗೆ ಕ್ರಮ ಕೈಗೊಳ್ಳಲು ಕಳುಹಿಸಿಕೊಡುತ್ತಾರೆ. ಅವರು ಆ ದೂರುಗಳಿಗೆ 100 ನಿಮಿಷದ ಒಳಗಾಗಿ ಕ್ರಮ ಕೈಗೊಳ್ಳುತ್ತಾರೆ. ದೂರುದಾರರ ಹೆಸರು, ವಿಳಾಸ ಗೌಪ್ಯವಾಗಿ ಇಡಲಾಗುತ್ತದೆ ಎಂದು ಜಿಲ್ಲಾ ಚುನಾವಣಾಧಿಕಾರಿ ಡಾ. ಕೆ.ವಿದ್ಯಾಕುಮಾರಿ ಮಾಹಿತಿ ನೀಡಿದ್ದಾರೆ.
ಉಡುಪಿ ಜಿಲ್ಲಾಧಿಕಾರಿ ಕಚೇರಿ ಆವರಣದಲ್ಲಿರುವ ಕಂಟ್ರೋಲ್ ರೂಂ ಮತ್ತು ಸಿ-ವಿಜಿಲ್ ತಂಡ ಕಾರ್ಯನಿರ್ವಹಿಸುತ್ತಿದೆ. ಚುನಾವಣೆಯ ಮಾದರಿ ನೀತಿ ಸಂಹಿತೆ ಜಾರಿಯಾದ ದಿನದಿಂದ ಏ.18ರ ಮಧ್ಯಾಹ್ನದವರೆಗೆ ಒಟ್ಟು 650 ದೂರು ಸಿ-ವಿಜಿಲ್ನಲ್ಲಿ ದಾಖಲಾಗಿದ್ದು, ಎಲ್ಲ ಪ್ರಕರಣ ವಿಲೇವಾರಿ ಮಾಡಲಾಗಿದೆ. 1950 ವೋಟರ್ ಹೆಲ್ಪ್ಲೈನ್ಗೆ 172 ದೂರು, ಎನ್ಜಿಎಸ್ಪಿ-140 ದೂರು ಬಂದಿದ್ದು ಕ್ರಮ ಕೈಗೊಳ್ಳಲಾಗಿದೆ.
ಕುಮಾರ್ ಬಿ.ಆರ್.
ಜಿಲ್ಲಾ ಸಿ -ವಿಜಿಲ್ ನೋಡಲ್ ಅಧಿಕಾರಿ, ಉಡುಪಿ