ಫ್ರೈಡ್ ಚಿಕನ್ ಪ್ರೇಮಿಗಳಿಗೆ ಇಷ್ಟವಾಗುವ ಸುದ್ದಿ ಇದು. ಇದೀಗ ಕ್ರೋಕ್ಸ್ನಿಂದ ಕೆಎಫ್ಸಿ ಮಾದರಿಯ ಪಾದರಕ್ಷೆಗಳು ತಯಾರಿಸಲ್ಪಟ್ಟಿವೆ. ಈ ಚಪ್ಪಲಿಗಳನ್ನು ನೋಡಿದರೆ ನಿಮಗೆ ಎಕ್ಸೈಟ್ ಆಗುವುದರಲ್ಲಿ ಎರಡು ಮಾತಿಲ್ಲ.
ಇದು ನೋಡಲಷ್ಟೇ ಅಲ್ಲ, ಪಕ್ಕಾ ಫ್ರೈಡ್ ಚಿಕನ್ನ ಪರಿಮಳವನ್ನು ಹೊಂದಿದೆ. ಇವತ್ತು ಕ್ರೋಕ್ಸ್ ಆನ್ಲೈನ್ನಲ್ಲಿ ಒಂದು ಜತೆ ಪಾದರಕ್ಷೆ ಫೋಟೋಗಳನ್ನು ಬಿಡುಗಡೆ ಮಾಡಿತ್ತು. ಆದರೆ ಈ ಮಾದರಿಯ ಪಾದರಕ್ಷೆಗಳನ್ನು ಸೀಮಿತ ಸಂಖ್ಯೆಯಲ್ಲಿ ಸಿದ್ಧಪಡಿಸಲಾಗಿತ್ತು. ಕ್ರೋಕ್ಸ್ ಫೋಟೋ ಬಿಡುಗಡೆ ಮಾಡಿದ 30 ನಿಮಿಷಗಳಲ್ಲಿ ಎಲ್ಲ ಚಪ್ಪಲಿಗಳೂ ಮಾರಾಟವಾಗಿವೆ. ಇನ್ನೂ ಯಾರಿಗಾದರೂ ಬೇಕೆಂದರೆ ಸ್ವಲ್ಪ ದಿನ ಕಾಯಲೇ ಬೇಕು ಎಂದು ಕ್ರೋಕ್ಸ್ ಹೇಳಿದೆ.
ಈ ಚಪ್ಪಲಿಯ ಹೆಸರು ಕೆಎಫ್ಸಿx ಕ್ರೋಕ್ಸ್ ಕ್ಲಾಸಿಕ್ ಕ್ಲೋಗ್ಸ್. ಪಾದರಕ್ಷೆ ಕೆಂಪು ಮತ್ತು ಬಿಳಿ ಮಿಶ್ರಿತ ಅಟ್ಟೆಯನ್ನು ಹೊಂದಿದ್ದು, ಮೇಲೆಲ್ಲ ಪೂರ್ತಿ ಫ್ರೈಡ್ ಚಿಕನ್ ಪ್ರಿಂಟ್ ಇದೆ. ಹಾಗೇ ಪಾದರಕ್ಷೆಯ ಮೇಲ್ಮೈ, ಬದಿಗಳಲ್ಲಿ ಮಧ್ಯೆ ಮಧ್ಯೆ ರಂಧ್ರಗಳಿವೆ. ಈ ಪಾದರಕ್ಷೆಯ ಬೆಲೆ 60 ಡಾಲರ್ಗಳು.
ಕೇಂಟಕಿ ಫ್ರೈಡ್ ಚಿಕನ್xಕ್ರೋಕ್ಸ್ ಕ್ಲಾಸಿಕ್ ಕ್ಲಾಗ್ಸ್ ಪಾದರಕ್ಷೆಗಳನ್ನು ಜು.28ಕ್ಕೆ ಬಿಡುಗಡೆ ಮಾಡುವುದಾಗಿ ಈ ಹಿಂದೆಯೇ ಕ್ರೋಕ್ಸ್ ಸಾಮಾಜಿಕ ಜಾಲತಾಣಗಳ ಮೂಲಕ ತಿಳಿಸಿತ್ತು.
ಈ ಪಾದರಕ್ಷೆಯನ್ನು ಇಟಾಲಿಯನ್ ಲಕ್ಸೂರಿ ಫ್ಯಾಶನ್ ಹೌಸ್ ಬೊಟ್ಟೆಗಾ ವೆನೆಟಾ ವಿನ್ಯಾಸಗೊಳಿಸಿದೆ. (ಏಜೆನ್ಸೀಸ್)
ಹ್ಯಾಪಿ ಬರ್ಥ್ಡೇ ಹೇಳೋಕೆ ಒಬ್ಬರೇ ಒಬ್ಬರು ಇರಲಿಲ್ಲ … ಸೋನು ಭಾವುಕ ನುಡಿ