ನವದೆಹಲಿ: ಸರ್ವವ್ಯಾಪಿ ರೋಗ ಕೋವಿಡ್-19 ಜಗತ್ತಿನಾದ್ಯಂತ ಹರಡಿದ್ದು ಚೀನಾದಿಂದಲೇ ಎಂಬುದು ಸರ್ವವಿಧಿತ. ಆದರೆ, ಚೀನಾದಲ್ಲಿ ಇದು ಹರಡಿದ್ದು ಹೇಗೆ ಎಂಬ ಪ್ರಶ್ನೆ ಆರಂಭದಿಂದಲೂ ಎಲ್ಲರನ್ನು ಕಾಡುತ್ತಿದೆ. ಇದಕ್ಕೆ ಹಲವು ಥಿಯರಿಗಳು ಕೂಡ ಹುಟ್ಟಿಕೊಂಡಿವೆ.
ಚೀನಾದ ವುಹಾನ್ ಕರೊನಾದ ಜನ್ಮಸ್ಥಾನ ಹಾಗಂತಾ ಚೀನಾ ಸರ್ಕಾರ ಕೂಡ ಒಪ್ಪಿಕೊಂಡಿದೆ. ಇಲ್ಲಿಯೇ ಮೊದಲು ಕಾಣಿಸಿಕೊಂಡ ಕರೊನಾ ವೈರಸ್ ಇತರೆಡೆಗಳಿಗೆ ಹಬ್ಬಿತು. ವುಹಾನ್ನಲ್ಲಿ ವನ್ಯಜೀವಿಗಳನ್ನು ಜೀವಂತವಾಗಿಟ್ಟು ಮಾರಾಟ ಮಾಡುವ, ಗ್ರಾಹಕರು ಕೇಳಿದಾಗ ಸ್ಥಳದಲ್ಲಿಯೇ ಅವನ್ನು ಕತ್ತರಿಸಿ ನೀಡುವ ಬಹುದೊಡ್ಡ ಮಾರುಕಟ್ಟೆ ಇದೆ. ಇದನ್ನು ವೆಟ್ ಮಾರ್ಕೆಟ್ ಎಂದೂ ಕರೆಯಲಾಗುತ್ತದೆ. ಇಲ್ಲಿ ಬಾವಲಿ, ಚಿಪ್ಪುಹಂದಿ, ಹಂದಿ, ಇಲಿ, ಕಪ್ಪೆ, ಮೊಸಳೆ, ವಿವಿಧ ಜಾತಿಯ ಮೀನುಗಳು, ಅಪರೂಪದ ಪ್ರಾಣಿಗಳನ್ನು ಮಾರಾಟ ಮಾಡಲಾಗುತ್ತದೆ. ಇಲ್ಲಿನ ಬಾವಲಿಗಳ ಮೂಲಕವೇ ಕರೊನಾ ವೈರಸ್ ಹಬ್ಬಿದೆ ಎಂದು ಆರಂಭದಲ್ಲಿ ಹೇಳಲಾಗಿತ್ತು. ಏಕೆಂದರೆ, ಸಾಮಾನ್ಯವಾಗಿ ಬಾವಲಿಗಳ ದೇಹದಲ್ಲಿ ಕರೊನಾ ವೈರಸ್ ಅಡಗಿರುತ್ತದೆ. ಇವುಗಳ ಮೂಲಕವೇ ಮನುಷ್ಯರಿಗೆ ಹರಡಿದೆ ಎಂಬ ವಾದ ಮಂಡಿಸಲಾಗಿತ್ತು.
ಆದರೆ, ಈಗ ಬರುತ್ತಿರುವ ವರದಿಗಳೆಂದರೆ ವುಹಾನ್ನಲ್ಲಿರುವ ವೈರಲ್ ಇನ್ಸ್ಟಿಟ್ಯೂಟ್ನಿಂದಲೇ ಕರೊನಾ ವೈರಸ್ ಸೋರಿಕೆಯಾಗಿದೆ ಎಂಬುದು. ಇಲ್ಲಿ ಬಾವಲಿಗಳಲ್ಲಿರುವ ಕರೊನಾ ವೈರಸ್ ಬಗ್ಗೆ ಅಧ್ಯಯನ ನಡೆಸಲಾಗುತ್ತಿತ್ತಿದೆ. ಇಲ್ಲಿದ್ದ ಸಂಶೋಧನಾರ್ಥಿಯೊಬ್ಬಳು ಸೋಂಕಿಗೆ ಒಳಗಾಗಿದ್ದಾಳೆ. ಬಳಿಕ ಅದು, ಆಕೆಯ ಗೆಳೆಯನಿಗೂ ವ್ಯಾಪಿಸಿದೆ. ಆತ ವುಹಾನ್ ವೆಟ್ ಮಾರ್ಕೆಟ್ಗೆ ಭೇಟಿ ನೀಡಿದ್ದ. ಅಲ್ಲಿಂದ ಇದು ಸಾರ್ವತ್ರಿವಾಗಿ ಹಬ್ಬಲು ಶುರುವಾಗಿದೆ ಎಂದು ಅಂತಾರಾಷ್ಟ್ರೀಯ ಮಧ್ಯಮಗಳು ವರದಿ ಮಾಡುತ್ತಿವೆ. ಅಮೆರಿಕ ಅಧ್ಯಕ್ಷ ಡೋನಾಲ್ಡ್ ಟ್ರಂಪ್ ಕೂಡ ಇದನ್ನು ಸಮರ್ಥಿಸಿದ್ದಾರೆ. ಇದನ್ನು ಕೂಲಂಕಷವಾಗಿ ತನಿಖೆ ನಡೆಸಲಾಗುತ್ತಿದೆ ಎಂದು ಹೇಳಿದ್ದಾರೆ.
ಅಮೆರಿಕ ಮೊದಲೇ ಎಚ್ಚರಿಕೆ ನೀಡಿತ್ತು: ಕರೊನಾ ಸೋಂಕಿನ ಬಗ್ಗೆ ಅಧ್ಯಯನ ನಡೆಸುತ್ತಿರುವ ವುಹಾನ್ ಸಂಶೋಧನಾ ಸಂಸ್ಥೆಯಲ್ಲಿ ಅಗತ್ಯ ಸುರಕ್ಷತಾ ಕ್ರಮಗಳಿಲ್ಲ ಎಂದು 2018ರಲ್ಲಿಯೇ ಅಮೆರಿಕ ಎಚ್ಚರಿಸಿತ್ತು. ಇಲ್ಲಿಂದ ಕೆಲವೇ ಕಿ.ಮೀ ದೂರದಲ್ಲಿ ವುಹಾನ್ ಮಾರುಕಟ್ಟೆಯಿದೆ. ತನ್ನಿಂದಾದ ತಪ್ಪುಗಳನ್ನು ಮುಚ್ಚಿಕೊಳ್ಳಲು ಚೀನಾ ಸರ್ಕಾರ ಯತ್ನಿಸುತ್ತಿದೆ. ವೆಟ್ ಮಾರ್ಕೆಟ್ ಮೇಲೆ ದೋಷಾರೋಪಿಸಿದೆ ಎಂದು ಸ್ಥಳೀಯ ವರ್ತಕರೇ ಹೇಳುತ್ತಿದ್ದಾರೆ.
ಅಂತಾರಾಷ್ಟ್ರಿಯ ಮಟ್ಟದಲ್ಲಿ ಹಲವು ತನಿಖೆಗಳು ವುಹಾನ್ ಪ್ರಯೋಗಾಲಯದಿಂದಲೇ ಕರೊನಾ ವೈರಸ್ ಸೋರಿಕೆಯಾಗಿದೆ ಎಂಬುದನ್ನು ತೋರಿಸುತ್ತಿವೆ. ಒಟ್ಟಿನಲ್ಲಿ ಚೀನಾ ಮಾಡಿದ ಯಡವಟ್ಟು ಇಡೀ ವಿಶ್ವಕ್ಕೆ ಭಾರಿ ದುಬಾರಿಯಾಗಿ ಪರಿಣಮಿಸಿದೆ.
ಪಂಜಾಬ್ನ ‘ತಬ್ಲಿಘಿ ಜಮಾತ್’ ಎಂದು ಕರೆದಿದ್ದು ಯಾವ ವಿಶ್ವವಿದ್ಯಾಲಯವನ್ನು? ಆ ವಿವಿ ಮಾಡಿದ್ದಾದರೂ ಏನು?