ನವದೆಹಲಿ: ಕೋವಿಡ್-19 ಪಿಡುಗಿನಿಂದ ಸ್ವಾತಂತ್ರ್ಯ ಕೊಡಿಸಲು ಆಗಸ್ಟ್ 15ಕ್ಕೆ ಮಾರುಕಟ್ಟೆಗೆ ಕೊವ್ಯಾಕ್ಸಿನ್ ರೋಗನಿರೋಧಕ ಚುಚ್ಚುಮದ್ದು ದಾಂಗುಡಿ ಇಡಲಿದೆ ಎಂದು ಕಾತರದಿಂದ ಕಾಯುತ್ತಿದ್ದ ದೇಶದ ಜನತೆ ಇಲ್ಲೊಂದು ನಿರಾಶದಾಯಕ ಸುದ್ದಿ ಇದೆ.
ಹೈದರಾಬಾದ್ ಮೂಲದ ಭಾರತ್ ಬಯೋಟೆಕ್ ಇಂಟರ್ನ್ಯಾಷನಲ್ ಲಿಮಿಟೆಡ್ನ ಕೊವ್ಯಾಕ್ಸಿನ್ ರೋಗನಿರೋಧಕ ಚುಚ್ಚುಮದ್ದು ಆಗಸ್ಟ್ 15ಕ್ಕೆ ಬಿಡುಗಡೆಯಾಗುವುದಿಲ್ಲ. ಇದಕ್ಕಾಗಿ 2021ರವರೆಗೆ ಕಾಯುವಂತೆ ಕೇಂದ್ರ ವಿಜ್ಞಾನ ಸಚಿವಾಲಯ ಭಾನುವಾರ ತಿಳಿಸಿದೆ.
ಇದನ್ನೂ ಓದಿ: ಅಪ್ಪ-ಅಮ್ಮನಿಗೂ ಸೋಂಕು: 17 ದಿನದ ಕಂದನಿಗೆ ವೈದ್ಯರ ಕಣ್ಣೀರ ವಿದಾಯ!
ಇದಕ್ಕೂ ಮುನ್ನ ಈಗಾಗಲೆ ಪ್ರಾಣಿಗಳ ಮೇಲಿನ ಪ್ರಯೋಗದಲ್ಲಿ ಕೊವ್ಯಾಕ್ಸಿನ್ ರೋಗನಿರೋಧಕ ಚುಚ್ಚುಮದ್ದು ಕೋವಿಡ್ ಚಿಕಿತ್ಸೆಗೆ ಪರಿಣಾಮಕಾರಿ ಎಂಬುದು ಸಾಬೀತಾಗಿದೆ. ಆದ್ದರಿಂದ, ಮಾನವರ ಮೇಲೆ ಅದನ್ನು ಪ್ರಯೋಗಿಸಲು ಭಾರತ್ ಬಯೋಟೆಕ್ ಇಂಟರ್ನ್ಯಾಷನಲ್ ಲಿಮಿಟೆಡ್ಗೆ ಅನುಮತಿ ನೀಡಲಾಗಿದೆ. ಪರೀಕ್ಷೆಗೆ ಎಲ್ಲ ರೀತಿಯಲ್ಲೂ ಸಹಕರಿಸಬೇಕು. ಇದನ್ನು ಆಗಸ್ಟ್ 15ರ ಸ್ವಾತಂತ್ರ್ಯೋತ್ಸವದಂದು ಭಾರತದ ಮಾರುಕಟ್ಟೆಗೆ ಬಿಡುಗಡೆ ಮಾಡಲು ಉದ್ದೇಶಿಸಲಾಗಿದೆ ಎಂದು ಭಾರತೀಯ ವೈದ್ಯಕೀಯ ಸಂಶೋಧನಾ ಮಂಡಳಿ (ಐಸಿಎಂಆರ್) ತಿಳಿಸಿತ್ತು.
ಆದರೆ, ಭಾರತದಲ್ಲಿ ಅಭಿವೃದ್ಧಿಪಡಿಸಲಾಗಿರುವ ಝೈಡಲ್ ಕ್ಯಾಡಿಲಾ ಹೆಲ್ತ್ಕೇರ್ನ ಝೈಕೋವ್-ಡಿ ಸೇರಿ ಒಟ್ಟು 140ಕ್ಕೂ ಹೆಚ್ಚು ಕರೊನಾ ರೋಗನಿರೋಧಕ ಚುಚ್ಚುಮದ್ದುಗಳ ಪರೀಕ್ಷೆಗಳು ವಿವಿಧ ಹಂತದಲ್ಲಿವೆ. ಆದರೆ ಇವು ಯಾವುವೂ 2021ಕ್ಕಿಂತ ಮೊದಲು ಮಾರುಕಟ್ಟೆಗೆ ಬಿಡುಗಡೆಯಾಗುವ ಸಾಧ್ಯತೆ ಇಲ್ಲ. ಪರಿಪೂರ್ಣ ಪರೀಕ್ಷೆ ಒಳಪಟ್ಟ ನಂತರವಷ್ಟೇ ಈ ರೋಗನಿರೋಧಕ ಚುಚ್ಚುಮದ್ದುಗಳು ಮಾರುಕಟ್ಟೆಗೆ ಬರಲಿವೆ. ಆದ್ದರಿಂದ, ಕೊವ್ಯಾಕ್ಸಿನ್, ಝೈಕೋವ್-ಡಿ ಸೇರಿ ಎಲ್ಲ ಬಗೆಯ ಕೋವಿಡ್ ರೋಗನಿರೋಧಕ ಚುಚ್ಚುಮದ್ದುಗಳಿಗಾಗಿ 2021ರವರೆಗೆ ಕಾಯುವುದು ಅನಿವಾರ್ಯವಾಗಿದೆ ಎಂದು ವಿಜ್ಞಾನ ಸಚಿವಾಲಯ ಹೇಳಿದೆ.
ಜಮ್ಮು ಮತ್ತು ಕಾಶ್ಮೀರದ ಪುಲ್ವಮಾದಲ್ಲಿ ತಪ್ಪಿದ ಮತ್ತೊಂದು ಭಾರಿ ದುರಂತ