ವಿಜಯಪುರ: ಅಧಿಕ ದರಕ್ಕೆ ಮಾಸ್ಕ್ ಮಾರಾಟ ಮಾಡುತ್ತಿದ್ದ ಮಳಿಗೆ ಮೇಲೆ ತಹಸೀಲ್ದಾರ್ ನೇತೃತ್ವದ ತಂಡ ಸೋಮವಾರ ದಾಳಿ ನಡೆಸಿದೆ.
ಮೀನಾಕ್ಷಿ ಚೌಕ್‌ನಲ್ಲಿರುವ ವೈದ್ಯಕೀಯ ಉಪಕರಣಗಳ ಸರಬರಾಜು ಪರಾವನಗಿ ಪಡೆದಿರುವ ಪಿಎಂ ಏಜೆನ್ಸಿ ಮಳಿಗೆ ಮೇಲೆ ತಹಸೀಲ್ದಾರ್ ಮೋಹನ ಕುಮಾರಿ ನೇತೃತ್ವದ ತಂಡ ದಾಳಿ ನಡೆಸಿ 3 ಸಾವಿರಕ್ಕೂ ಅಧಿಕ ಮಾಸ್ಕ್ಗಳನ್ನು ವಶಪಡಿಸಿಕೊಂಡಿದೆ.
ಕರೊನಾ ಭೀತಿ ಆವರಿಸಿರುವುದನ್ನು ಬಂಡವಾಳ ಮಾಡಿಕೊಂಡ ಪಿಎಂ ಏಜೆನ್ಸಿ ನಿಗದಿಪಡಿಸಿರುವ ದರಕ್ಕಿಂತ ಅಧಿಕ ಬೆಲೆಗೆ ಮಾಸ್ಕ್ಗಳನ್ನು ಮಾರಾಟ ಮಾಡುತ್ತಿದ್ದ ಖಚಿತ ಮಾಹಿತಿ ಆಧರಿಸಿ ತಂಡ ದಾಳಿ ನಡೆಸಿದೆ.
ಅಂಗಡಿ ಬಳಿ ತೆರಳಿದ ಅಧಿಕಾರಿಗಳ ತಂಡಕ್ಕೆ ತಮ್ಮ ಬಳಿ ಮಾಸ್ಕ್ಗಳು ಇಲ್ಲ ಎಂದು ಮಾಲೀಕ ಉತ್ತರ ನೀಡಿದ. ಅನುಮಾನ ಬಂದ ಅಧಿಕಾರಿಗಳು ಮಳಿಗೆ ಶೋಧಿಸಿದಾಗ ಮಾಸ್ಕ್ಗಳ ಬಾಕ್ಸ್ಗಳು ಪತ್ತೆಯಾದವು. ಅಂಗಡಿ ಮಾಲೀಕ ಪ್ರಥಮೇಶ ಮಿರ್ಜಿ ವಿರುದ್ಧ ಕೇಸು ದಾಖಲಿಸಿದ್ದಾರೆ.
ದಾಳಿ ನಡೆಸಿದ ತಂಡದಲ್ಲಿ ಆಹಾರ ಮತ್ತು ನಾಗರಿಕ ಸರಬರಾಜು ಇಲಾಖೆ ಜಂಟಿ ನಿರ್ದೇಶಕಿ ಸುರೇಖಾ, ಕಾನೂನು ಮಾಪನ ನಿರೀಕ್ಷಕ ಎಣ.ಎಸ್.ಪಾಟೀಲ, ಆಹಾರ ನಿರೀಕ್ಷಕಿ ಪ್ರಭಾವತಿ ಭಾವಿಕಟ್ಟಿ ಹಾಗೂ ಇತರ ಅಧಿಕಾರಿಗಳು ಇದ್ದರು.
ಕರೊನಾ ವೈರಸ್ ಹರಡದಂತೆ ತಡೆಯಲು ನಾಳೆಯಿಂದ ದೇಶಿಯ ಎಲ್ಲ ವಿಮಾನಗಳ ಹಾರಾಟ ತಾತ್ಕಾಲಿಕ ರದ್ದು